PLATFORM NUMBER CHEH

Chapter one

Ek yatri train pakdne ki jaldbaazi mein overbridge ki sidiyaan utarte hue fisal jata hai. Uski hare rang ki ek attaichi sidiyon se lurakd kar pass pade chai ke gilaas se takra jati hai aur usse neeche zameen par gira deti hai.

“Satyanas ho tera, subha ki pehli chai bhi naseeb nahi karne di naaspeetein ne”

Raghu ne us yatri ko aankhein dhikhate hue kaha aur apni jeb se ek bidi nikalte hue apne kamrein ke aur chala gaya.

Raghu Kalkatta ke Howrah railway station pe chotha mota safai ka kam karnewala ek pandra saal ka ladka tha. Joki ki chaar aur logo ke sath platform mein stith ek chothe se kamrein mein rahta tha.

Aaj wahan police aayi hui thi

 “Aur Raghu, kya chal raha hai,?”

Inspector Banwari ne Raghu ke kaan ke upar se beedi nikalte hue kaha.    

“Mil iss khuddar launde se, naam hai Mohanlal Thapa, Nepal.”

“ Foreign country?” Raghu ne maze lete hue kaha.. “ haan toh khuddar kyun ?” Raghu ne pucha.

“Woh Ram kahani tu isse pooch lena, kuch din ke liye isko apne saath rakh le”

“ Par inspector saab, pehle se chaar log rahte hain yahan, yeh paanchwa,”

“ Adjust karle”

Ussi din raat ko kamrein mein

“Haan bhai foreigner, bata teri khuddhari wali  kahani…flashback mein”

Mohan kehta hai ki woh Nepal ke Janakpur ka rahne wala hai. Janakpur se Jaynagar Bihar ke beech train chalti hai, ussi train se uski maa idhar Bihar aati thi aur yahan se samaan khareed kar Nepal mein dukandaaron ko bechti thi jisse unka ghar chalta tha, pita ne pehle hi in logo ko ek aur aurat ki wajah se chod diya tha.

Kyunki yeh samaan awaidh roop se Jayanagar se Janakpur le jaya jata tha toh kabhi kabar Nepal ki police raid karti thi aur inko pakad leti thi.

Ab maa ki umar ho jane par kaam ki zimmedari Mohan Lal par thi. Ab woh yeh kaam karta tha, kabhi Nepal police toh kabhi Bihar ki police se bachkar samaan idhar ka udhar karta tha aur paise kamata tha.

Par is baar Bihar ki police se bach ne ke liye Mohanlal Jayanagar station mein utarte hi ek aur chalti train mein chad gaya. Woh train Mohanlal ko Kalkatta le aayi, par Kalkatta ki police ko yeh baat pata chalte hi usse train se utarte hi pakaad liya.

Woh toh Inspector Banwari ne bacha liya aur isse yahan le aaye. Banwari ne kaha tha ki kuch paise lekar wapas chale jaye, par Thapa khuddar nikla aur usne apne khud ke paise kamake wapas jaane ki man bataya.

Raghu ne ek beedi jalai aur kaha.

“Satta lagaya kabhi ?” “zindagi ka satta lagakar toh yahan tak aaya hun”  Mohan ne kaha.

“Ae chal itni philosophical batein mat kar, Lala chaiwale ki dukaan platform number cheh par hai kal wahan teri baat chalata hun, unko ek ladke ki zaroorat hai”.

Chapter two

“Yeh lijiye aapki do fiki chai aur ek mithi, sath mein do matthi bhi” Mohan grahako ko dukaan par sambhal raha tha.

“Foreigner ek chai meri bhi, khaathe mein likh liyo” Raghu ne kaha.

Mohan ne apni aur Raghu ke liye chai banayi aur dukaan se thodi dur thande paani ki machine ke paas seat par jaake bhaith gaya. “Aur kaisa lag raha hai,” Raghu ne poocha.

“Acha hai, malik ka bharosa bhi mil gaya hai, kabhi kabar dukaan mere hawale chodkar chale bhi jate hain agar unka koi kaam aa jaye”

“Wah bhai yeh toh woh mil gaya, kya kehte hai.. haan promotion, matlab kabhi kabhi tu bhi malik ban jata hai,”

“Haan par ghar wapas janne ke liye promotion nahi paisa chahiye”

“Ghar kyun jana hai, acha khasa sab chal raha hai, matlab tujhe yaha rahte hue do mahine ho gaye, koi poochne aaya tujhe ?, tum log na kabhi khush nahi reh sakte, yahan jab aaya tha toh kuch nahi tha aaj dhekh tere pas kya nahi hai?”

“Par Raghu itna paisa bhi toh nahi hai ke ghar se ghum aane ka bhi soch sakun”

“Jyada paisa kamana hai toh ghee tedi ungli se nikalna padega” pass khade Raghu ka bada bhai Sahu ne bhuji hui beedi phir se jalate hue kaha

Chapter three

 “Aathso, nawso hazaar, ghyarso, baaraso….” Mohan apne jamaye hue paise gin raha tha.

“Foreigner doso rupaye diyo, “tera bhai tujhe agle itwaar ko lauta dega.”

“Kyun lottery lagegi kya?”

“Arre train wala saata lagaya tha na, thoda miss hogaya iss baar, paise lene ke dene pad gaye.”

“Bhai yeh mujhe bhi sikha de, main bhi kuch paise kama lun, “

“Jigra chahiye, jab khud ki kamai se paise satte mein lagana padta hai na toh…?

“Tujhe pata hain na, main Nepal se …” “ haan haan thik hai bas yehi teri ek baat mujhe pasand nahi aati, baat baat pe Nepal gaseeth lata hai, kal subha tu platform number chaar par mil wahin bataunga.

Agle din

“Ek ghante ki chuthi leke aaya hun, jaldi bata kaise khelte hai, aur yeh bidi laa.”   Mohan ne Raghu se kaha.

“Bhai aaram se, tu toh jaise electric engine pe chadke aaya hai, aise kaamo mein jaldbaazi nahi karte, aur haan beta bidi chahiye toh machis leke aao, bidi  jo hai na jalte jalte bhuj gayi hai, aur tere bhai ke paas na sirf ek hi machis ki tilli thi,

Yeh dhek samne Dilli mail khadhi hai, in train ke dabbo ko dhekh, harek dabbein mein ek number hota hai jaise ismein hain banwe teensau ektaalis (92341). Pehle ke do number ka matlab hai yeh boggie saal unniso bawanwe mein taiyaar hua tha aur baad ke teen number ka matlab hai ki yeh us saal mein teensau ektalis number wa boggie factory mein taiyaar hua tha. Jyadatar boggiyan ka numbering aise hi hoti hai. Kabhi kabar alag alag wajah se bhi numbering ki jaati hain boggiyon ki.

Mudde ki baat yeh hai ki satta khelna kaise hai, toh jaana-be-aali gaur farmaiye

Yeh ghadhi dhekh raha hai, numberon wali, ismein time bata rahi hai barah bajke chaautis minute (12:34) ab boggie mein dhekh koi number hai jo isss ghadhi mein dhikha rahi hai?”

Mohan ek baar boggie ke number ko dhekhta hai aur ek baar ghadhi ko

“Haan…234 aur ghadhi mein bhi 234 hai…. yeh lo ab ye 12:35 dhikha rahi hai ”

“Haan ghadhi hai time toh badlega hi, par baat yeh hai ki agar boggie ke number aur ghadhi ka number mil jaye toh satte lagane wala jeet jayega.” Mohan kuch bol paye tabhi Raghu uske taraf haath dhikha ke kehta hai.

“Is satte ke bhi kai niyam hai. Jaise 12:34 ghadhi mein hai, pehle jitne bhi log satta khelenge , sabse ek tay rakam le li jayegi. Samjh le do sau rupaye, yeh rakam kam bhi ho sakti hai jyada bhi ho sakta hai.

Thik hai samajh le paanch log khel rahe hain. Matlab paanch logo ke hisab se 1000 rupaye. Ab jo pure chaar numberon par dao lagayega usko 900 mein challis pratishat (40%) hissa milega matlab teen sau saath(360) rupaye, baki saath pratishat  (60%) phirse chaar logon mein chit ke badaulat lottery nikalne ke baad unmein se koi pehle do naam ko milega. Clear. Acha tu soch raha hai hazaar rupaye jama hue toh 900 pe satta lagega kyun?”

Mohan ne sar hilaya “beta mera commisiion hai sau rupaye, yeh sab jugaad karna , lottery nilkalna, logo ko hath jodke bulana, yeh sab service ke liye mera sau rupaye. Yeh amount bhi fixed nahi hai. Par teen sau ke upar nahi kaat ta hun, woh bhi jab bahaut log khel rahe honge tab, par koi hare ya jeete mera paise taye rahte hain.

Acha ab yeh khambha dhekh raha hai, iss mein ek mark banya gaya hai, iss mark ki seedh mein jo boggie hogi wohi mana jayega, aur aisa mark har platform mein humne banake rakha hai."

“Kya yeh zarroori hai ke ghadhi mein number jaise hai waise hi boggie ke number saaje ho matlab…12:34  wala time le agar toh boggie mein number agar yeh 92341 hai aur agar iske jagah 92431 hota toh paise milte ya nahi?”

“Haan chal sakta hai, maan le ghadhi mein 19:33 baja hai, kisi ne satta lagaya 9,3,aur 3 par aur gaadi ka number hai 98337, toh phir usko jeetne diya jayega kyunki usmein 9 3 3 hai par agar usne 1, 9,3,3 par paisa lagaya , aur usmein se agar number 1 bhi nahi hua toh woh haar jayega. Baaki teen number hone ke bawajood bhi nahi jeet payega”

“Aadha paisa bhi nahi milega ?” Mohan ne poocha

“No boss,”

“Ek baat hai sabko pata toh chal hi jaata hai ki platform number chaar par kaunsi train aati hai, aur coach number bhi likha hota hai toh andazaa toh ho hi jata hai kyun?”

“Dhekh pehli baat toh satte ka koi din taye nahi hota hai, platform satte wale din lottery nikaal ke taye ki jaati hai ki kaunse platform me satta khela jayega. Toh cheeting weeting nahi hota hai, itne saare train hote hain ki boggie number yaad nahi rahte hain. Aur doosri baat boggiyan har waqt ek nahi hote hai, kabhi kabhi adla badli bhi hota hai.” 

“Par tu in sab chakron mein mat pad”

Chapter four

Raghu subah subah bister ke neeche se apne tin ka baksa kheech ke nikalta hai iss tin ke bakse ke gaseetne ki aawaz se Mohan ki neend khul jati hai.

“Subhah subah kya kar raha hai”

“Arre iss kamrein ke kiraye ke liye paisa nikal raha hun, aaj akhri din hai jama karne ke liye.’

Mohan bister mein bhaithe aankhe masal raha tha, uski nazar Raghu ke teen ke bakse mein rakhi ek tasweer par gayi. 

“Yeh tere gharwale hain kya” Mohan ne bister se utarkar bakse ke paas zameen par bhaite hue kaha. 

“Haan, yeh pitaaji, maataaji, yeh mera bada bhai..” “tera bada bhai toh Sahu hai na?” “ nahi be usne to mujhe yahan safai karamchari ki naukri par lagaya tha isliye use bada bhai kehta hun.  

Hum pehle Krishnanagar mein rahte the, bada ghar tha badi badi gaadiyan thi, yeh jo beech beech mein main angrezi jharta huna woh isliye kyunki main ek ache angrezi school mein padta tha, chathi tak padai ki hai maine. Darsal mere pitaji ki bahaut badi kapde ki dukaan thi, Krishnanagar mein. Humare dukaan mein naami dhami grahak aate the, laghbagh har din teen sare teen lakh ki amdani hoti thi, hum wholesale mein bhi kapde bechte the, usmein kaafi paisa tha. Humari koi bhi farmayish poori na ho aisa mujhe yaad nahi. Chotha tha family mein isliye bahaut laad pyar se mujhe rakha gaya tha. Mujhe yaad hai garmiyon ki chuthiyaan thi, main aksar dophar ka khana khane pitaaji ke office mein chala jata tha, unke saath aur baaki logon ke saath lunch karna kaafi acha lagta tha. Toh aise hi ek dophar mein pitaaji ke office pahauncha, wahan ek fakir aaye hue the. Woh pitaaji ko bahaut gyan de rahe the zindagi ke barein mein. Baaton baaton mein usne hum do bhaiyon ki tasweer jo pitaaji ke table par padi thi utha li. Bade gaur se hum dono ki tasweer dhekne ke baad usne kaha” 

“Yeh jo aapka ye wala beta hain na, isko bade sambhal ke rakhiyega, apki jo itni barkat hui hai woh iss ladke ki wajah se hui hai, isko hamesha sambhal ke rakhiyega. Main dhekh paa raha hun isko paani se khtra hai, isiliye thoda dhyaan rakhiyega.  Uske nasihat ki wajah se ghar mein uski jyada dhek rekh hone lagi, uske upar pabandiyaan lag gayi. Mera bhai kaafi tang aa chukha tha itni pabandiyon se.

Paanch saal pehle ki baat hai raviwaar ka din tha, pitaaji kaam se bahar gaye hue the, maa gusalkhane mein thi aur main chath mein patang uda raha tha, golu kaka ke saath, bhaiya ko mauka mil gaya, woh kisi tarah sabse nazar bachakar bahar apne doston ke saath nadi mein nahane chale gaye, aur jiska darr tha wahi hua, woh dub gaye, bahaut dhoodne ki koshish ki par kuch nahi mila, uske baad se ekdum sab kuch badal gaya. Sab kuch khatham hogaya, dukaan band karni padi, bahaut losses hue, mera school chuth gaya. Maa bhai ke gum ko bhula nahi payi aur woh bhi do mahine mein chal basi. Uske baad main aur pitaaji yahan aake bas gaye par pitaaji bete ka phir biwi ka aur phir dukaan ke band hone ka sadma bradhasht nahi kar paye aur pagal ho gaye. Aaj woh Krishnanagar ke ek pagalkhane mein bhartti hai.

Chapter five

“Raghu Raghu Raghu, mujhe aaj satta lagana hai” Mohan ne Raghu ko neend se jagate hue kaha.

“Are bhai kya ho gaya, kal raat tak tu thik tha, aaj achanak satta, woh sab jhamele mein mat pad, so jaa.” Raghu ne apne upar chaddar odte hue kahaa.

“Bhai agar main har hafte hazaar rupaye bacha lun to phir shayad kuch mahino mein main wapas Nepal jaa sakun, meri madad kar. Aaj satta khilwa de.” Mohan ne Raghu ke upar se chaddar hatate hue kaha.

“Bhai dhekh har hafte toh satte nahi khela ja sakta, itne log har baar nahin lagate satta, mahine mein sirf do baar khel sakte hain niyamon ke anusaar warna police ke lafde hone ka chance hota hai, aur doosri baat guarntee thodai hai ki jeetega hi?,  paise chahiye toh mujhse lele.”

“ Tujhe pata hai main…. Main apna paisa” “ haan bhai thik hai, toh malik ko bol pagaar bada de, par satte pe apne paise mat laga” Raghu ne uske khandhe pe haath rakte hue kaha.

“Aath mahine toh hue hain, kya pagaar badayega, teen hazaar kamata hun , jyada kharche bhi nahi hai, agar mahine mein do baar bhi satte khelke jeet paaon to shayad khuch paise jam jaye “

Usi din dophar mein

“Parcha nikal gaya hai bhai log, platform number chauda(14) pe satte ki baaji lagegei. Kam se kam do sau rupaye.” Satte khelne ke liye baarah log jamaa hote hai. Mohan sabse adhik numbero pe baaji lagata hai. Raghu sabse do sau rupaye le leta hai, platform par announcement hoti hai , Dilli se train aa rahi thi, ghadhi pe time tha 02:30. Jo boggie aakar rukti hai uska number tha 00320. Mohan khushi se Raghu se lipat jata hai. Uske do sau ke nauso bees(920) rupaye ban jate hain. 

Baaki saath (60%) mein lottery hoti hai aur uske hisaab se kuch logo ko paisa milta hai aur kuch ko nahi.

Agle satte pe woh phir se paise lagata hai, iss baar Raghu ko woh teen sau rupaye ke liye manata hai, Raghu usse mana karta hai, kehta hai ki jyada log nahi khelenge, Mohan ke bahaut minnate karne ke baad Raghu maan jata hai aur kisi tarah dus logon ko manata hai, iss baar bhi Mohan satte mein sabse jyada paisa lekar jeet ta hai. Iske baad woh kaafi baar iss khel mein jeeta raha, kai baar haara bhi, par usko pata chal gaya tha ki agar paise jamane hain toh yehi satte ka sahara hi hai. Par Raghu ko yeh baat raas nahi aa rahi thi, kahin na kahin uske dil mein achanak se Mohan ke liye ek jalan paida ho raha tha. Hala ki in dono mein bahaut hi kareebi rishta ho gaya tha, par zyada paise jeetne ki baat unki is dosti par haavi ho rahi thi. 

“Foreigner yaar tu apna tikhana kahin aur dhekh le, apne malik ko bol na kahin tere liye kamra dhekhe, thoda na dikkat ho raha hai yahan pe. Dhekh jagah toh chaar logon ki  hai par tere liye adjust” “mujhe kuch din ki mahaulat de , main kamra dhoondh leta hun. “Mohan ne Raghu ki baat ko beech mein kaate hue bola.

Do mahine baad

Mohan dukaan mein grahako ko sambhal raha tha , tabhi wahan pe Raghu ka muh bola bada bhai Sahu aata hai “ bhai chai dena ek, Raghu ke khate mein likh diyo, paise wagera deta hain tujhe ?” Mohan haan mein sar hilata hai. “tera naya kamra kaisa hai, sab theek hai?” Mohan phir se haan mein sar hilata hai. “Raghu bulata nahi hai tujhe satta khelne ke liye?” “ye lo aapki chai, nahi do mahine se toh usne bulaya nahi.  Shayad koi baat hogi, usse pehle bhi pasand nahi tha mera khelna, woh toh mere zabardasti karne ki wajah se woh raazi hua tha.”

“Arre  baaki jo log the na woh tujhe pasand nahi karte the khelne ke liye, unhone Raghu se kaha tha ki agar Mohan khelega toh hum log nahi kelenge. Usse Raghu ko kaafi nuksaan ho raha tha. Toh isiliye, tujhe khelne ke liye nahi bulaya in do mahine mein, aur pata hai tujhe ghar se nikalne ke peeche bhi yehi wajah hai. Agar ek hi kamrein mein rahoge toh majbooran khilana padta, toh isiliye…”

“Mujhe khe diya hota, main nahi khelta” Mohan ne kapde se dukan ka counter saaf karteh hue kaha. 

“haan bol to sakta hi tha , abe woh bhi kya kam harami hai. Chal chod yeh sab baatein, dil mein mat rakh khuch bhi” Sahu ne chai ka gilas rakha hi tha ki tabhi Mohan usse bulata hai  “e bhai, chai ke paise de ke jaa?”

“ are kaha toh Raghu ke khaathe mein likh le?” 

“ abe kuch to sharam kar, Raghu ke peeth peeche uski chugali karta hai, gaali deta hai aur phir ussi ke khaathe mein likhwata hai. Abe harmkhor to tu hai hi, namak haram toh mat ban” Mohan ne gilas dhote hue kaha.

Ek mahine baad Raghu jab satte khelne ke liye platform ki lottery nikalta hai , toh parcha platform number cheh ka nikalta hai. Raghu samajh jata hai ki aaj shayad uska samna Mohan se ho, satte khelne wale sab platform number cheh par pahaunchte hain, Sahu ko jab yeh baat pata chalti hai toh woh bhi wahan pahaunchta hai. Raghu jab sabse paisa le raha tha tabhi Sahu cheekh ke Mohan ko pukarta hai “ Mohan yaar ek cup chai dena” Raghu Mohan ki taraf dhekhta hai, Mohan Sahu ke liye chai lekar uske paas jata hai, Tabhi Sahu kehta hai “ are Raghu Mohan ko bhi khelne ka mauka milna chahiye, Mohan kelega tu?”  Raghu Mohan ke taraf dhekhta hai, Mohan thodi der sochta hai aur kehta hai “nahi, aur wahan se chala jata hai”

Chapter six

“Dhekho bhai log Raghu teen chaar din ke liye apne gaon gaya hai, isliye satte khilwane ka zimedaari ab mere upar hai. Rohan ko satta lagana tha isliye woh mere paas aaj subah aaya. Toh main khilaonga aur iss mein mere niyam chalenge.” Satte khelne wale ek dusre ki taraf dhekhte hain, issi beech Mohan bhi aata hai, Sahu Mohan ko dhekhta hai aur kehta hai, “jo log chaar number pe satta lagayenge unke liye ek insurance plan hai, matlab beema yojna” Mohan Sahu ke taraf dhekta rahta hai..

“ Aap logo mein jo chaar numberon par satta lagayega usse main sau rupaye jyada lunga insurance ke taur par, matlab pehle agar aap chaar numberon waale haar jaate the toh pura paisa gul ho jate the par iss niyam ke anusaar do sau rupaye pakka wapas ho jayenge teen sau rupaye mein, to batao kitne log chaar numberon par satta lagayenge?” Mohan ne teen sau rupaye aage kar diye, saath mein Rohan ne bhi teen sau rupaye diye, baaki logon ne teen numberon aur kuch do numberon mein satta lagaye. 

“kyunki ab chaar numberon ke liye do dawedaar hain to satte ke paise ke chaalis pratishat do mein bhaag honge.  Iska matlab bees bees pratishat(20%-20%). Aaj chauda log hain, do sau rupaye matlab athais sau (2800) rupaye. Usmein mera commission sau rupaye, matlab satais sau (2700) rupaye par baaji hogi.  Train aati hai aur phir se Mohan jeet jata hai, Sahu muskurata hai. Niyam ke anusaar 2700 ke 20 pratishat Mohan ko milta hai matlab Paanch sau chalish rupaye (540) aur insurance ke sau kat kar charso sau challis rupaye (440). Iss baar Mohan thoda nakush tha, dusra dawedaar bhi tha. Woh wapas apne dukaan ki taraf jaate hue Sahu ki tarf peeche murta hai, Sahu bhi usse dhekhta hai aur muskurata hai..

Mohan dukaan ke bahar bhaithkar chai ke gilaas dho raha tha, tabhi Raghu wahan ata hai “Lalaji score kya hua, ?” “ West Indies ek sau pachaas, aath wicket gir gaye hain, are jeet jayegi India”

“Are shubh shubh bolo Lala ji maine satta lagaya hai, West Indies par” “ hath bosidike, nikal yahan se sala, har cheese pe satta lagata hai. Sasura paisa luta hai aur lutwata hai, India harega bhainchod, nikal yahan se, Mohan tera gilas dhona hua ya pura saal laga dega dhote hue” Lala kunas khathe hue kaha ta hai.

Raghu Mohan ki taraf dhekhta hai aur muskurakar aankh marta hai. Mohan bhi halka sa muskurata hai. Raghu jeb se ek bidi nikalta hai aur Mohan ki taraf ishaara karta hai ki agar woh peene ke liye tyaar hai. Mohan Raghu ko ishare mein kehta hai ki malik jaane nahi dega “Are Lala ji woh Inspector Banwari aaya tha. Keh raha tha uske peeth peeche uske ghar pe uske biwi se koi milne jaata hai, us bande ka lal gamcha uske ghar mein mila hai”  Raghu ek chotha sa ghamcha apne jeb se nikalta hai, yeh dhekh kar Lala ke aankhein phathi ki phathi raha jati hai, maathe se paseena aane lag ta hai. “maine mauka pate hi gamcha usske bike se nikal liya kaho toh ….?” Raghu gamche ko apne gardan mein lapetkar tapori jaisa aage peeche karta hai aur Sarfarosh film ka ek dialogue bolte hue Lala ko cheedhta hai “ Aaaaaaasmaaaan mei.. laaaaakhon taaaarien taarrraaaaraaon…Mohan se kuch kaam hai, le jaun?” “ haan bhai le jaa” “ are machis…. le jaun?” Raghu dukan ke counter pe pade machis leta hai aur Mohan ke saath thodi dur wahin thande paani ki machine ke paas seat par jakar bhaith jata hai.  

“Sorry yaar, darsal..” Raghu kuch bolne jaye uske pehle Mohan kehta hai “ mujhe pata hai Sahu ne bataya mujhe, mere wajah se tujhe bahaut nuksaan ho raha tha, isliye tune mujhe ghar se bhi jane ke liye kaha, …”

 “Yaar meri mati maari gayi thi, nahi karna chahiye tha, kaise samajhaun yaar, tubhi toh ghar jane ke liye itna bada dao khel raha hai, yeh main bhool gaya tha, tere jeetne par pata nahi ek jalan si hone lagi thi,.. nahi yaar galat ho gaya sab” Mohan sun raha tha “ab toh dikaat nahi aati hain na?” Mohan ne kaha

“Yaar maine woh sab khelna band kar diya hai, sirf safai bus.”

“aur cricket mein satta, ?”

“Arre yaar woh toh mazaak kar raha tha, pagal hai West Indies mein paisa lagaonga?”

“Aur yeh Lala wali baat, yeh chakkar wagera?”

“Yeh sach hai, tu jo kehta tha na beech beech mein Lala dukaan tere hawale karke apne kaam se bahar jata tha, yeh wahi kaam hai…uska gamcha Banwari ke ghar mein chooth gaya hoga, wahi lekar ghum raha tha, humarein wahan aaya aur keh raha tha, maine mauka paate hi chura liya uski bike se. Banwari ko nahi pata kiska ghamcha hai, par main pahachaan gaya, tu chahe toh woh kar sakta hai.. Blackmail Lalaji ko” Mohan halke se muskurata hai aur phir platform se dur apne nazarein railway line mein gaad leta hai “ab toh Sahu ke bharose hi rahana padega.” Mohan ne kaha

Chapter seven

Mohan platform ki seedion se jaldabazi mein neeche utar raha tha ke tabhi uska pair fisalta hai aur woh loodkte hue neeche Raghu ke upar aa girta hai. Raghu chai pee raha tha.

Raghu palat te hue bola “abe kaun bosdike ne..”

“Are woh bosidika main hun, sasura pair fisal gaya, abe maine suna, Sahu sabse bada satta lagane jaa raha hai, agle mahine ki do tariq ko?”

“Haan toh…aur tu soch raha hai ki tu baaji lagake jeet jayega, aur phir phurr se  Nepal chala jayega Foreigner ?”

“Nahi…matlab haan jeetunga ke nahi pata nahi, par satta toh lagana hai,” Mohan thoda dheere awaz mein bola.”

“Tujhe pata hai Sahu ne Rohan ko tere saath khelne ke liya kaha tha, sabko pata hai tu khelega toh sabse jyada numberon par hi dao lagayega, isliye Sahu ne chaal chali, usne pehle se hi Rohan ko chaar numberon pe dao lagan ke liye kah diya tha, paise bhi Sahu ke hi the, tu jab jeet gaya usne Rohan ke naam se apna bhaag le liya. Aur commission alag se. Samjha.”

Mohan chup chaap apne dukaan ke taraf chalne lagta hai

“Abe kahan jaa raha hai?” Raghu poochta hai

“Tere liye chai lane”

Do April do hazaar gyarah

Jahan saara desh India Sri lanka World Cup final ka intezaar kar raha tha wahi Raghu kisi aur game ko anjaam dene ke liye yojanaye bana raha tha.

“Inspector Banwari se baat ho sakti hai, main Raghu baat kar raha hun”

“Inspector Banwari speaking”

“Saab aaj shaam ko Sahu satte ka game khelne jaa raha hai..”

“Cricket?”

“ Are nahi dusre type ka, “

Raghu train ke numberon par satte lagane wali baat kehta hai, aur shaam ko usse railway station aane ke liye anurodh karta hai.

Chapter eight

“Bhai log lottery nikali hai, platform number cheh ka, chalo pahauncho sab wahan”

Mohan ki chai ki dukaan par kahfi bheed lagi hui thi, log World cup ka match dhekh rahe the, ghadi mein raat ke saare aath baje hue the, tabhi announcement hoti hai ki station mein Bihar jane ke liye train platform pe thodi der mein aa rahi hai. Sahu sabse paise ikhte karne laga.

“Chaar numberon mein paise lagana hai, kitne ka hai?”

Sahu Mohan ko dhekhta hai aur muskurata hai.

“Kya baat hai aaj pura boriya bistara leke aay hai, harne ke baad issi train se chala jayega kya?”

Mohan kuch bolein uske pehle Raghu kehta hai.

“Woh sab chod main bhi chaar numberon pe satta lagaunga, kitne ka hai?”

“Paan sau ke hai, upar se do sau rupaye insurance ke, matlab saat sau ke, agar chaar numberon pe nahi lagana hai toh do sau rupaye maaf, dhekho aaj bahaut log khel rahe hain, mere hisaab se koi khali haath nahi jayega kya kehte ho. Aaj kareeb bees log khel rahein hai bhai, paanch sau ke hisaab se dus hazaar sorry sorry, atahrah log paanch sau denge, tum log saath sau matlab dus hazaar chaar sau (10400), usmein mera commission alag teen sau, bada game bada commission matlab dus hazaar ek sau (10,100). Khuda na khasatha tum log haar gaye toh do sau do sau wapas karne ke baad bhi 

bahaut paise bachenge”

Mohan aur Raghu chup chap sun rahe the, tabhi train platform pe aati hai, sabki nazar TV par thi Dhoni aur Ghambir khel rahe the, Raghu ek baar time dhekhta hai ghari mein 20:33(8:33 PM) baj rahe the. Train ki jo boggie us khambe ke mark ki seedh mein rukhti hai usse dhekh kar Mohan wahin bhaith jata hai, aur tabhi Ghambhir ka wicket bhi ukhad jata hai, poore platform mein sanatta cha jata hai, sab numberon ka khel tha us samay, Gautam Ghambhir 3 run se shatak nahi ban paya woh sattanve(97) run par out ho jate hai aur boggie par jo number tha woh tha 97330. Kyunki Mohan aur Raghu ne chaar numberon par paisa lagaya tha, toh ek number na hone ki wajah se woh paise har jaate hain, haan par insurance wala paisa mil jayega yeh tassli thi.

Tabhi platform mein Inspector Banwari aate hain aur idhar maidaan mein agla batsman. Inspector Banwari  Sahu ke paas jate hain aur kuch poochtach karte hain, Mohan aur Raghu yeh sab dhekh rahe the, Inspector ko dhekh kar baaki saate baaj log bhaag jate hain, Sahu saare paise Inspector Banwari ko de deta hai aur haath jod leta hai, Inspector banwaari ki aankhein laalch se badi ho jati hai, yeh Raghu aur Mohan dhekh rahe the. Unhe laga tha inspector Banwari Sahu ko pakad lenge aur inke paise inko wapas mil jayenge. Woh Sahu se aise badla lena chahte the, par paise dhekh kar Inspector Banwari Sahu ko chod dete hain aur paise ginne lagte hain. Sahu phir se Raghu aur Mohan ke taraf dhekh kar hasta hai.

Mohan ussi train se Bihar janne ke man banya hue aaya tha boriya bisterin bhandhe, jo paise usne mushkil se jamaye the usse woh Nepal jane wala tha, par Sahu se badla lene ke baad, par kahani palat gayi. Raghu ne Mohan ko kuch kaha, Mohan ne pehle mana kiya par fir boriya bistaran leke do boggie peechein bhagne laga, issi beech train chalne lag gayi, Mohan unmein se ek boggie mein chad gaya, aur emergeny window ke paas jake khada ho gaya, aur jab woh boggie Inspector Banwari jahan khade the wahan se guzri to emergency window pe khade Mohan ne unke haath se paise cheen liye.

Inspector Banwari kuch samaj paye usi waqt pura platform chillah utha, aur talliyan marne laga, kyunki Dhoni ne gend boundary ke bahar pahauncha diya tha aur India World Cup jeet chukka tha. Khushi ke mare bheed mein se kuch log Inspector Banwari ko khandhe pe utha lete hain, Raghu uss boggie ke peeche bhagne laga tha jismein Mohan tha. Bahut tej bhagne par woh uss boggie tak pahunch paya, Mohan ne apne paise liye aur baaki paise Raghu ko dena chaha toh Raghu ne inkaar kar diya, Raghu ab bhi train ke saath bhag raha tha. Mohan ke jabardasti karne par Raghu ne woh paise le liye, tabhi uska dhyan us boggie ke number pe jata hai. Boggie ka number tha 20133, woh Mohan ko ishara karta hai, Mohan bhi emergeny window se sar nikalke boggie ke number ko dhekhta hai aur halke se muskurata hai. Tabhi Raghu ko dhyaan ata hai ki ab woh Mohan se kabhi nahi mil payega, uske pair wahin rukh jate hain, train platform se bahar nikal rahi thi, Mohan emergeny window se Raghu ke taraf rote hue haath hila raha tha.

Raghu thodi der wahin khada raha, train platform se nikal chuki thi. Raghu chup chap chai ki dukan ke paas jata hai, jahan abhi bhi log TV dhekh rahe the, Raghu ne Lalaji se poocha

“lalaji mere chai ke khathe mein kitne paise hain, Raghu likh ke gaya hoga. ?”

“koi paise nahi hai, woh jaane se pehle saara hisab chukka ke gaya hai"

FILMI POSTORON KA RAHASAY

DISCLAIMER: its a long story, please take your time to read it.

“bhabhi o bhabhi” “kya hua zara dheere baat karo aapke dost upar wali birth par so rahein hain” “abhi shaam ke pone paanch baje…” “are bangaliyon ko aur kaam kya hai, ravivaar ki dophar ko acha mutton curry aur chawal khana phir bister par pair pachaad kar so jana“ “No my dear, bhabhi kuch bangaali aise bhi hai Jo aise bhojan ke baad ek meetha ya sadha pan khane ka shauk rakhte hain, jaise ki main” kehte hue unhone teen meethe paan apni jeb se nikaale. Debdyuti aur uski patni saath mein Aabir, teeno chutthi manane Dilli aaye hue the, aur ab wapas kalkatta jaa rahein the. Tabhi upar waali birth se Debdyuti ne apna haath bada diya “paan toh kha hi sakta hun” Debdyuti ki patni ne kaha “acha bachoo jab maine kaha chalo station se amrood khareed ke khaate hain toh mahashaye chup chap upar waali birth par jaa kar so gaye” “are bhabhi amrood main khilaoonga par yahan Dilli mein nahi jab train Allahabad pahaunchgi na tab, wahan ke amrood sabse ache hote hain” “beta train Allahabad raat ko pone barah baje pahunchegi, us samy kya aapke tauji wahan amrood lekar khade honge ?” Debdyuti ne kaha ke tabhi kalkatte ke naami film abhineta Prasenmeet Mukherjee coup ke andar aate hain. “hello.. acha yeh lower birth mera hai.” Debdyuti ki patni ka muh inhe dhekhte hi khula ka khula raha gaya. Aabir ne muskurate hue namaskaar kiya aur uske kuch kehne se pehle hi upaar wali birth se Debdyuti ne lete hue kaha “Congratulations to you for winning the National Award in the regional language cateogory.” “thankyou” Aabir aur Debdyuti ki patni Suhasini dono achambe main upar dhekhte hain, par tabtak Debdyuti aankhein band kar ke so gaye the. “woh actually mera dost aisa hi hai, par bahaut bahut bhadhayiyan aapko award ke liye,”  “woh toh inhe milna hi tha itne bade artist jo thahre,” Suhasini ne kaha. Issi beech Prasenmeet ne apni jeb se ek saridon ki goli nikali aur paani ke saath nigal ke bolein “if you don’t mind mera sar thoda bhari hai, itna hetic schedule tha yeh do din dilli mein ki uff…” “nahi nahi aap so jayiye” Aabir ne kaha.

Howrah Station

Prasenmeet Mukherjee ko dhekhne ke liye station par pehle se bheed jami thi. Train ke station par aate hi police ke kuch log inke coach ki taraf bhagne lagte hai, aur train ke rukte hi Prasenmeet Mukherjee police ki security ke beech mein rahakar station se bahar nikal jaate hain. Thodi hi der mein yeh teeno bhi train se utarte  hain ki tabhi “ Chatterjee saahab“ kehte hue daroga ko haath dhikha kar Debdyuti ne awaaz lagayi, wo daroga bhi Debdyuti ko haath dhikhate hue muskurakar unki taraf aaye. “aap aaj idhar station par, Prasenmeet ke liye aayein hain?” “haan unki security ka zimma humare sar par jo hai, waise aap idhar ?” “woh dilli gaye the ghumne toh…” “oh acha, …toh main chalta hun baad mein baat karunga” kehte hue Chatterjee apni police ki topi sambhalte hue Prasenmeet ke peeche peeche chale gaye.

Agle din

Aabir balcony mein bhaithkar chai ki chuskiyon ke saath akhbaar pad rahe the, ki tabhi darwaze par dastak hoti hai, darwaza kholte hi ek bada sa lal gulabon ka guldasta do pairon par khada hua tha, isse pehle ke Aabir kuch bole, guldaste ke peeche se gardan nikaal kar theek chaar foot ka aadmi kehta hai “Suhasini madam ne yeh guldasta mangwaya hai”. Tabhi Debdyuti ki biwi bhagte hue darwaaze par aati hai aur paise dekar guldasta le leti hai, yeh dhekh Aabir ne poocha “guldasta kis liye…. Oh acha aaj anniversary hai?” “haan Debdyuti ke liye surprise hai“ “hmm kaafi romantic ho gayi ho bhabhi ?” “isilye kehti hun aap bhi shaadi karlo, to phir aapki biwi bhi anniversary mein phool degi chup chupake” Aabir haste hue kehte hain “I am not a fool bhabhi apni azaadi ke raaste mein kaatein kyun bichaoon” Issi beech Suhasini ko paanch che cheekhein ek saath aa jati hain. Abir ke puchne par “kya hua bhabhi?“ “are woh woh…..” tabhi Debdyuti kamrein mein aate hain aur kahte hain “gulab ke phool kisne mangwayein hain?” “kyon aisa kyu bol raha hai?” “Suhasini ko gulab ke phoolon se alergy hai” tabhi Suhasini ne sar par haath rakh kar kaha “are inn cheekhon ne poore surprise ka mazaa hi kirkira kar diya….”

Darwaze par ghanti phir bajti hai. Publishing house se ek aadmi do kitabon ka sample Aabir ke haath me rakh ke kehta hai “saahab yeh nayi kitab ka sample hai, agar aap ko thik lage toh main chapwane ka pura order de dunga” Aabir aur Debdyuti ne paanch saal pehle ek book publishing kampani kholi thi, haala ki Debdyuti toh case ke silsilein mein karobaar mein jyada dhyan nahi de pate the sara daromdaar Aabir ke upar hi tha. Yeh aadmi wahin se aaya tha “thik hai tum rakh jao, shaam ko aakar bataunga.” Aabir akhbaar ko table par rakhne ke baad leefafe se kitab nikalta hai “ ‘NATYASHASTRA ek doobta hua suraj’ “ Debdyuti Aabir se kitab lete hue padte hai. “ Ranjan Das… yeh toh bahaut bade natak lekhak the, yeh sample kitaab mujhe dena, fursat mein padunga kaafi interesting hai…”kehkar Debdyuti ne kitaab Aabir ko thamai aur table se akhbaar uthate hue pehle panne par chapi khabar ko pada.

FILMY HASTIYON KA SERIAL KILLER

Kolkatta: Jaane maane film abhineta Arun Kumar aur Shamit Sahay ke khoon ke piche police ek serial killer ka haath bata rahi hai. Humare samvaddata ki pehli report se lekar iss report ke beech abhi tak police khooni ke baarein mein itna hi pata laga payi hai, pure kalkatta film industry mein ek khauff sa chaya hua hai, herani ki baat yeh hai ki serial killer bhi hindi filmon se prabhavit hai, aur khoon karne ke baad lash ko hindi film ke poster se lappet deta hai. Pooja Bhatt, Ajay Devgan wali 1998 ki film ‘Zakhm’ ka poster Arun kumar ki lash par lapeta hua tha, aur do din baad film abhineta Shamit Sahay ki lash par Nasserudin Shah, Om Puri  aur Smita Patil ke 1980 wali film Aakrosh ka poster lapeta hua paya gaya. Zahir si baat hai Bangali film industry mein khauff bhi hai aur gussa bhi. Khauff issliye ki serial killer ka agla nishana kaun hoga, aur kuch logon ko dhukh iss baat se hai ki serial killer ne koi bangla film poster ka istemal kyon nahi kiya laashon ko lapetne ke liye. Unhe darr hai bangla film industry par hindi filmon ka yeh gehra asar kahin bangla industry ko le na dube.

Ussi din Dophar ko shaadi ki saalgirah manane ke liye Debdyuti aur uski biwi bahar khana khane gaye “khana toh kha liya ab kya karna hai madam,?” “film dhekhne chalein, Prasenmeet ki film lagi hai jiske liye usse puruskar mila hai?” “mere paas ek aur plan hai…” “mujhe pata hai koi boriyat wali pustak mele mein le jaoge ya kahin koi Rabindra sangeet ka karaykram hoga wahan le jaoge….mujhe nahi jana” kehkar Suhasini ne muh fula liya” “are mujhe baat toh puri karne do, kyun na Kalasangam jaakar natak dhekhe,?” Suhasini ne phir se apna sar pakad liya “tumhe mere saath nahi ghumna toh aise hi bol dete yeh sab natak karne ko kaun keh raha hai?” Debdyuti jhat se kursi se uthe aur Suhasini ko godi mein utha liya, achanak se godi mein uthane par Suhasini ka chehra sharam se ekdum laal ho gaya, “utaro mujhe Deb, sab dhekh rahe hain” “toh bolo meri yeh nautanki dekhni hai ya Kalasangam mein jo natak chal raha hai woh…” “jo Kalasangam mein natak chal raha hai woh…ab utaro”

KALASANGAM theatre

Debdyuti ko Kalsangam mein dhekh kar Kalasangam ke maalik unse milne aayein, aur unke natak dhekhne ki icha zahir karne par apne P.A ko bulwakar do ticket katawa diye,  toh Debdyuti ne kaha “par paise lene honge aapko” “haan haan thik hai pehle natak toh dhekhiye, acha lagega toh de dijiyega ticket ke paise. …Aaj naye natak ka pehla show hai isliye film abhineta Taran Kumar mukhya athithi hai, unhone bhi apne abhinaye ke jeewan ki shuruat natakon se ki thi” “kaunsa natak hai aaj“ Ranjan Das ko to sabhi jante hai, unke bete Inder Das bhi natakaar hain, unhi ki likhi hui kahani PRATISHODH par adharith hai aaj ka natak”

Hall mein mukhya athithi film abhineta Taran Kumar ke paas bhaithe the Debdyuti aur unki patni aur unke saath Kalasangam ke maalik Ragvendra Mukjherjee. Natak interval tak bahaut romanchak ho gaya tha par Debdyuti ne paas bhaithe Taran Kumar ko apne rumal se maathe pe lage paseene ko pochte hue dhekha. Taran Kumar thode aast waisth lag rahe the. Interval hone par Ragvendra, natak ke nirdaishak Inder Das aur sah nirdaishak Atanu ko Taran kumar aur Debdyuti se milate hain, Debdyuti ne Inder Das ko Taran Kumar ki taraf bade ajeeb tarh se dhekhte hue paya. Idhar Taran Kumar bhi unse nazarein milakar baat nahi kar paye. Dono ek dusre ko namaskar karte hain phir Inder Das aur Atanu wahan se chale jate hain. Natak phir se shuru hota hai.

NATAK MEIN.

Ek abhineta bhude aadmi ke kirdar mein haath mein khanjar liye ek aur kam umar ke aadmi ko gusse mein kaha raha tha “dagabaaz tujh par vishwaas karke maine apni natak ki kahani tujhe sunayi aur tune usse apne swarth ke liye kisi film producer ko bech diya, taki tu naam kama sake aur filmon mein apni jagah bana sakhe, yeh main nahi hone dunga …” kehkar jaise hi woh abhineta khanjar uthata hai ki kahin se ek asli kanjar aakar us kam ummar wale aadmi ko lagta hai. Woh stage se niche gir kar Taran kumar ke god mein dum tod deta hai. Natak beech mein hi ruk jata hai, Debdyuti stage par chad kar upar ki taraf dhekhte hai jahan se khanjar pheka gaya tha, upar stage ki chath par roshni wali bade bade lights thi aur parde ghiraane aur uhtane ki rassiyan. Har theatre mein upar jahan lightein latki hui hoti hai uske paas se ek chotha sa lakdi ka patla rasta banaya jata hai, jis par chadkar lightman natak shuru hone se pehle lighton ki roshni stage par kaise padegi usko set karte hain. Debdyuti bhag kar chothi si ek seedi se usi lakdi wale raastein par chad jaatein hain, par wahan koi bhi nahi tha. Peeche peeche Ragvendrea babu aur Debdyuti ki patni bhi seedi chadkar upar aa jate hain “khooni ne sambhawta yahin se khanjar phekha hoga us abhineta ke upar” Debdyuti upar se neeche stage ki taraf dhekhne lage…… “Acha us abhineta ka naam kya tha?” “Nimai Mujkherjee, chaar mahine pehle hi humari natak company mein aaya tha, acha kaam kar raha tha” “uska koi dushman, jo uski jaan lena chahta ho?” “Pata nahi, mujhe toh nahi lagta,“ “Taran Kumar kahan hai kisi ne unka haal poocha?” “haan abhi woh thik hai, unki tabiyat thodi bigdi zaroor thi par abhi thik hai” “swabhik bhi hai agar koi kisi ki god mein akar dum todta hai, toh koi bhi apna santoolan thik nahi rakh payega” “Police ko italah kar dijiye” Debdyuti lassh ko bade gaur se dhekhte hai “Nimai Mukherjee ka chehra agar thik se dhekhi jaye toh Taran Kumar se bahaut milta hai nai? “ Debdyuti ne Ragvendra babu se kaha “haan yeh baat toh maine gaur hi nahi ki, but it’s a simple coincidence.”

AGLE DIN

Aabir ne Debdyuti se kaha “main yeh bhabhi se kya sun raha hun kal raat…” “hmm“ “toh koi surag wagera mila kya…?” “jahan se khoon hua hai wahan par bhini bhini khushboo thi,… lagata hai Old Spice aftershave ki hogi , bahaut hi halki,  aur khooni bhi lagta hai koi andar ka hi aadmi hai” “woh kaise?” “khoon hone ke turant baad main seedi se upar us jagah gaya tha jaahn se khooni ne khanjar phekha tha par mujhe wahan koi nahi mila”  lagta hai ghatna ghatne ke baad woh khooni wahan se bhag gaya hoga par kaise “s­­­­hayad koi dusra raasta ho?” “Exactly, aur woh tabhi ho sakta hai jab koi pehle se uss jagah ko janta ho” Debdyuti phir se Kalasangam jaata hai, iss bar Aabir bhi saath tha. Ragvendra babu ke P.A. unhe andar le gaye “subha police aayi thi sahab” “kuch kaha” “nahi kuch khaas nahi as usual sabse poochtach kiya aur phir chale gaye?” “kya poocha?” “yahi kaun kahan par tha aur uss samay kya dhekha ityadi ityadi” “police ko apna kaam karne do, main apna kaam karna chahta hun, Debdyuti ke saamne khoon karke khooni bhag jaye yeh main hone nahi dunga”

Dono phir se upar jaate hain, aur neeche stage ko dhekhte hain, puri baat samjhte hi Aabir ne ek baat kahi jisse Debdyuti ekdum se chaunk gaya “tere hisaab se khanjar yahan se phekha gaya tha, agar khooni apne waar se chunkh jata toh khanjar uss natak mein abhinaye karne wale abhineta ko na lagke uske thik peeche darshakon mein bhaithe abhineta Taran Kumar ko lagta nai?” “arre boss!  baat to tu sahi keh raha hai,……” Aabir thoda muskurane laga “pata hai Aabir jab natak chal raha tha us samay  main Taran Kumar ke paas hi bhaitha hua tha, uske chehra passene se iss kadar bheega hua tha ki maano abhi baarish hui ho, uske baad interval mein jab Inder Das aur unke sah nirdaishak usse milne aaye toh ajeeb tarah se ek dusre ko dhekh rahe the” “ho sakta hai natak mein aisi koi baat ho jisse dhekh kar Taran Kumar pareshaan ho gaye ho” blood pressure bhi toh ho sakta hai Deb, tu har cheez ko shakh ki nazar se kyun dhekhta hai?”  Debdyuti Aabir ko kuch samjha pata ke tabhi uski nazar seedi ki taraf gayi, wahan seedi ke paas ek kaan ki boondi padi hui thi. Debdyuti usse uthane ke liye jaise hi jhuke unka pair dhoti mein fas gaya aur Debdyuti seedi mein do teen kadam phisal gaye, Aabir chikh pade. Kisi tarah Debdyuti ko neeche utara gaya. “main thik hun, par lagta hai pair mein moch aayi hai”

Debdyuti ke pair mein moch anne ki wajah se poochtach ka zimaa Aabir par aa gaya. “Aabir dhekh do din se pehle toh main bahar nahi jaa sakta” “ok sir, don’t worry I am at your service, bata kya karoon?” “woh daraaz mein kaan ki boondi rakhi hai use lekar ek baar Inder Das aur uske sah nirdaishak Atanu ke ghar jaa aur unse poochtach kar iss barein mein” “matlab?” “matlab ye jab kal natak ke interval mein Inder Das aur Atanu humse milne aaye the, tab unke kaano par meri nazar gayi wo dono hi  apne dono kaanon mein boondi pehnete hain.“ “tera matlab hai inmein se kisi ek ne?” “pata nahi mere shakh ke daayere mein to hai, khair woh toh har koi hai jo us din theatre mein maujood tha.“ “acha aur koi baat jise main dhyan mein rakhun?” “haan woh kushboo jo mujhe upar mehsoos hui thi jahan se khanjar phekha gaya tha.” “toh inse poocho iske baarein mein ?” “haan poochna to hoga kyunki interval mein in dono ke aane par pehli baar yeh kushboo aayi thi toh soch raha hun shayad yehi koi surag ho?” “ek baat bata yeh kushboo wali baat main kaise pata lagaon?” “very simple,  dukaan jaa aur bol Old Spice ka aftershave dhikhayye, dukandaar ek safed rang ki shishi dega jis mein old spice lal rang se likha hoga, bus ek baar sungh le pata chal jayega …” “tu sure hai wahi hai?” “yes mere bandhu, Old Spice ki hi khushboo hai”

Aabir ne Inder Das aur Atanu Mukherjee se poochtach ki aur phir shaam ko ghar aakar Debdyuti ko saari baat batayi “Inder Das ka ghar kaafi bada hai aur wo bada hi shaukeen mijaz ka insaan hai, par mujhe dhekhte hi thoda sa ghabra gaya tha” “woh kaise?” “jab maine andar khabar bhijwai toh ek darban mujhe andar le gaya, Inder Das rehearsal mein jane ke liye apne bag mein apni zaroorat ki cheezein dal raha tha, mujhe dhekhte hi uski nazar mujh par hi tiki reh gayi aur wo table par rakhe chai ke khali cup ko bag mein dalne laga, mere namste bolne par usse hosh aaya aur usne chai ka cup wapas table par rakh diya. Maine usse khoon ke barein mein baat ki, woh bahaut afsos kar raha tha us abineta ki maut par. Then I came quickly to the point, maine use khushboo wali baat batayi, aur uska bag talshne ke liye anumati mangi, usne razamandi de di. Deb uske bag mein Old Spice aftershave ki shishi padi hui thi, par kaan ki boondi jo humein mili thi uske saath Inder Das ke kaan ki boondi ka mel nahi hai.” “aage kya hua?” “ maine unhe kaha ki aap shak ke daayere mein hai, isliye shahar ke bahar mat jayiye, aur phir Atanu ke ghar gaya, yeh kakinara ke flats mein rahta hai, bachelor hai, isliye jyada taam jhaam nahi hai ghar mein. Maine usse bhi wahi sawal pooche “sir main daari bhi saaboon se banata hun shaving cream ka istemal nahi karta, aftershave toh dur ki baat hai, maine yeh bhi poocha ke kya Inder Das ke bag se Old Spice lekar istemal kiya tha, aise hi man kiya ho agar, usne kaha ki sir lagaounga toh apne paise se, kisi se mange ke nahi” “hmm, aage?” “ phir maine kaan ki boondi bhi dhekhai, now this is interesting, kaan ki boondi dhekh kar woh bhi chakit raha gaya phir usne apne dono kaan dhikhaye aise hi kaan ki boondi usne pehni hui the par dono kaano mein… matlab uske kaan ki boondi kahin khoyi nahi thi, iska matlab yeh toh khooni nahi ho sakta” “hmm” “hala ki maine use bhi shahar se bahar nikalne se mana kiya hai” “woh aise bhi nahi nikalenge, kyunki unka show aaj phir se shuru ho raha hai, yeh dhekh akhbaar mein ishtehaar hai”

Agle din dophar…

“Aaj kaisa mahsoos kar raha hai,?” “behtar hai, kalse. Soch raha hun aaj thoda bahar niklunga” “iss halat mein?” “haan soch raha hun Taran Kumar ke ghar jaoon…” par uss din Debdyuti nahi gaye kyunki phone karne par pata chala Taran Kumar Bombay gaye hain kisi shooting ke silsile mein, aur wo do din baad lautenge.

Unke Bombay se wapas aate hi Debdyuti ne unse milne ke liye unke manger se baat ki. Manager ne unhe agle din aane ko kaha. Taran Kumar ussi raat ek party se ghar aate hi nashe ki haalath  mein bina kapde khole hi  apne kamrein mein so gaye. agle din subah bhi nahi uthe, Debdyuti ko bhi manger ne yeh keh kar taal diya ki woh abhi bhi so rahein hain, jab need khulegi woh phone kar denge.

Ussi din shaam aath baje community hall mein….

“bhaiyon aur bheno hum aap logo ke bahaut abhaari hain jo aap log  apne wayast jeevan se thoda sa samaye nikal kar aaj yahan upasathith hue hain. Rangmanch ke mahan natyakaar aur lekhak  shri Ranjan Das ki kitaab NATYASHASTRA ek doobta hua suraj ka hum aaj unke putra shri Inder Das ke dwara udhghatan karenge” taaliyon ki gunj ke beech Inder Das stag chadte hain.

“Namaskaar yeh kitaab pitaaji ke dwara likhi gayi unki aakhri kitaab thi. Yeh kitaab un logo ko samarpit hai jinhone apni saari zindagi is nataya kala ke naam kar di. Aaj ki iss duniyaan mein jahan har kala ko ek manch mila hua hai wahin natyashastra jaisi purani kala ki kadar aaj dheere dheere ghat rahi hai. iss ka ek karan filmein bhi hai, par iska yeh matlab nahi nikalna chahiye ki hum filmon ke khilaaf hai, woh bhi apne mein ek badi kala hai, bahaut mehnat lagti hai ek film banane mein par dhukh tab hota hai jab raaste ke ek taraf theatre par ek ache natak ki ticket ki khidki logon ki raah dhekhte hue budhi ho jaati hai, aur raaste ke dusri taraf cinema hall mein kisi superstar ki naach gaane se laaiz bina kahani ki film ke liye ticket khidki logo ki bheed mein nazar hi nahi aati. Achi cheezein aur buri cheezein har kala mein hoti hai ya aise keh le ki dhekhne wale ki nazar par nirbhar karta hai ki use kala ka kaunsa roop kis hadh tak pasand hai, toh janaab agar aap janta janaardhan buri picture dhekhne ke liye paisa karcha kar sakte hain toh ache naatak ke liye bhi do paise kharcha kijiye na, hum log jo natak se jude hue hain unhe acha lagega. Dhekhiye jab tak janta natak dhekhna ek film ki tarah apni adaat nahi bana leti tab tak natak ko, rangmanch ko jiwit rakhna bada mushkil hai, main yeh nahi kehta ki log nahi hai natak dhekhne ke liye par jo hai woh kam hai, isse yeh hota hai ki aaj kal natak ke abhineta rangmanch ko chodkar filmon mein apni kismat aazmane lage hain. Natak ke is rangmanch ki uthal puthal ke barein mein hi iss kitab mein lekhak yani mere pitaaji Ranjan Das ne apne bhav parakat kiye hain.”

Kitaab ke udhghatn mein Debdyuti aur Aabir bhi shamil the. Kareeb raat ke 9.00 baje ye karyakarm khatham hota hai aur yeh dono ghar janne ke liye taxi ke intezaar mein raaste par khade hokar cigarette pee rahe the. Tabhi police ki ek jeep unke paas akar rukti hai, usmein daroga Sengupta the “are aap log yahan?” “are woh ek pustak udhgahtan ke karaykram mein gaye the, aur ab  ghar jaane ke liye taxi ka intezaar kar rahein hai” “are aaiye aapko main ghar chod deta hun” jeep mein daroga Chaterjee bhi the “are aap bhi, namaste” “namaste kaise hain” tabhi Chatterjee babu ke walky talky par kabar aati hai ki Taran Kumar ka khoon ho gaya hai. Yeh chaaron wahan pahaunchte hain.

Taran Kumar ke ghar pahaunchte hi un logon ki mulakat uske bawarchi se hui jo in logon ko uske kamrein mein le gaye, bister par lash padi hui thi, police ke saath tehkikaat karne wala dal bhi aaya tha, pehli baar Debdyuti aur Aabir ne lash ko Sanjeev Kumar Suchitra Sen ki film Aandhi ke poster se lipta hua dhekha. Debdyuti ne bawarchi se pucha “itne bade abhineta aur koi khas security nahi, ajeeb baat hai? “ “sahab security toh hai par woh toh bahar hai, andar toh sab mahfooz hai, toh andar security kabhi thi hi nahi, 

“Debdyuti kamrein ki khidki ki taraf jaate hain aur neeche dhekhte hain, “mere khayal se khooni yahin se aaya hoga yeh pipe chadke” “par sahab aayega kaise ghar se kareeb 50 meter ki duri par dus feet ki deewar hai, woh dhekhiye” security guard ne deewar ki taraf ishara karte hue kaha. “Taran Kumar ke manager kahan hai, unhe itelah ki?” “haan saab woh abhi aa rahein hain” itne mein manager sahab aa jate hain “aapko maine aaj subah phone kiya tha, aapne kaha jab wo uthenge toh aap mujhe batayenge taki main unse milne aa sakun par….” “Taran ji ne dophar ko uthne ki koshish ki thi par nashe ki wajah se unka sar bhari tha toh dawai lekar phir se so gaye. “ “Kareeb shaam ko saath baje black coffee lekar main unke kamre ki taraf gaya. Sahab ke kamrein se awaaz sunayi padi “in in….. aur phir ek cheekh sunai di, main bhaghte hue kamrein ki taraf aaya aur darwazaa jor jor se khathkhtane laga par darwaaza nahi khulne par bahut mushkatt karne ke baad darwaza maine tod diya. Sahab ki laash bister par padi hui thi” kehkar bawarchi rone laga. Debdyuti aur Aabir abhi bhi lash ki taraf dhekh rahe the. “Chatterjee babu agar aap chahe to main aapki madad kar sakta hun, mujhe khushi hogi” “hmmm, thik hai, par unofficially kyunki…” “haan haan koi baat nahi, actually ache ache kalaakar agar aise kisi sarfire serial killer ke haath marte rahe toh phir achi filmein kaise dhekhne ko milengi.“ daroga Chaterjee ne bhi baat ko mante hue sar hilaye. “toh abhi hum yahan se thane chalte hain, waise bhi taxi toh hai nahi, toh thane se Arun Kumar aur Shamit Sahay ki laash par jo poster lipte hue the woh poster bhi aap humein de dijiyega, agar aapne unhe sambhalke rakha ho toh aur agar aap ko koi aeitraaz na ho to?” “haan haan dono poster sambhal kar hi rakhe hai kyunki woh case abhi band nahi hua hai.” “that’s good”

Ghar pahaunchte hi khana khane ke baad Debdyuti ek cigarette jalate hai aur postoron ko gaur se dhekte hain “Aabir ek cheez gaur ki?” “kya?” “Taran Kumar ke kamrein mein wohi Old Spice wali khushboo aa rahi thi” “haan aur agar tujhe yaad ho bawarchi bhi keh raha tha ki usne kamrein se ‘in…in’ ki awaaz suni thi, toh shayad wo Inder Das bolne ki koshish kar raha ho” “hmm quiet possible, matlab khoon kiya aur phir wahan se khidki se utarkar nazar chupate hue dus feet ki deewar fand kar raat ko community hall mein kitaab ka udhghatan karne gaya?” “kyun nahi ho sakta?” “ho sakta hai, par janaab humarein paas koi thos saboot nahi hai sabit karne ke liye” “agar yehi khooni hua toh serial killer yehi hai?” “chal bahaut raat ho gayi hai, in postoro ko yahin rehne de kal subha sochte hain aage kya karna chahiye” Debdyuti apne kamrein mein chala jata hai. Ratan inka naukar subhah Aabir ke kamrein mein chai dene ke liye darwaza khathkatha hai, Aabir hadbadi mein neend se uth kar darwaza kholta hai, Ratan kehta hai “are! Bahut raat ko soye the kya, need kyun nahi khuli, kabse darwaza kahtkhata raha hun, uff yeh lo chai, mujhe aur bhi kaam hai.” Aabir neend mein chai ka cup table par rakhne jata hai par chai ka pyaala phisal jata hai. Sari chai in teen postoron par gir jati hai, Aabir ki neend ab khul gayi, woh teeno postoron ko kapde se saaf karta hai aur ghabrakar Debdyuti ko pukarta hai. 

Debdyuti aakar kamrein mein kapde tangane ki rassi par teeno postoron ko clip se tang deta hai, taki khidki se aati hui dhoop postoron ko sukha de “uff! Yeh meri neend ki wajah se sab hua, sorry Deb. “thik hai, par ab in postoron mein ek daag ho jayega, chalo chodho” Debdyuti kehta hai “ chal thik hai main nahane jata hun, tu bhi taiyar ho ja, agar kahin nikalna hai toh?” Debdyuti Aabir ki kisi bhi baat par dhyan hi nahi de raha tha, woh sirf tange hue postoron ko dhekh raha tha. “Aabir jaldi idhar aa.” “kya hua, daag chala gaya” “uff! Idhar aa ke dhekh” Aabir gaur se postoron ko dhekhta hai, sooraj ke roshni mein Zakhm aur Aakrosh wale postorn mein kuch halka halka chapa hua tha.”Gaur se dhekh in postoron ke banne se pehle in kagazo par kuch aur hi chapa hua tha, uske upar safed rang ki putaai ki gayi hai taki chapai chup jaye uske baad yeh film ka poster uske upar banaya gaya hai. “ “kyunki safed rang ki putai sahi se nahi hui hai isliye dhoop mein halka halka nazar aa raha hai” “hmmm, mera magnifying glass lekar aa” Debdyuti magnifying glass se postoron ko kareeb se dhekhta hai“ Teenmurti prastuti LANGDI SOCH- nirdeshak- Manik Shah. Sah nirdeshak – Rituraj Inamdaar Mitra. Lekhak – Ranjan Das, Abinaye- Arun Kumar, Mala devi.”  “hmm, dusra poster mujhe padne dega?” Aabir ne dilchaspi se poocha aur padane laga “Teenmurti prastuti AADMI- EK MANTHAN – nirdeshak –Ritwik Sengupta. Lekhak – Ranjan Das, Abhinaye – Shamit Sahay, Sunaiyna.”

Debdyuti jor jor se hasne laga “kya baat hai wah! re serial killer wah….” “yeh toh samajh    mein aya ki yeh sab natak ke naam hai, aur yeh bhi samajh gaya ki Arun kumar aur Shamit Sahay dono shuruat mein rangmanch mein abhinaye karte the, par isse kya sabit hua?” Debdyuti ek cigarette jalate hue kehte hai “kuch kuch baat samaj mein aa rahi hai, gaur se sun, acha uske pehle teesra postor jo Aandhi wali hai usmein dhekhto woh asal mein kaun sa postor tha?” “no sir, iss postor mein kuch nahi hai, safed kagaz par Aandhi film ka postor banaya gaya hai,” Debdyuti bhi dhyan se dhekhta hai, aur cigarette ke challe hawa meh chodkar kursi par bhaith jatein hai “kya hua tu kuch bolne wala tha?” Itne mein hi darwaze par ghanti bajti hai, daroga Chatterjee khade hue the “ aaiye andar  kamrein mein chalte hain, kaafi interesting surag mila hai” Aabir ne kaha “sach mein, that’s wonderful” Chatterjee sahab ko Aabir teeno postor magnifying glass ke dwara dhikhate hain aur phir Debdyuti ko iske baarein mein aur wistaar se batane ko kehte hai.

“Mere kehne se pehle daroga sahaab, aap batayiye aap kahan tak pahaunche is case mein?” “Arun kumar aur Shamit sahay ke postmortem report se yeh pata chala hai ki khoon shayad 6 inch ke chaku se kiya gaya hai, hala ki Taran kumar ke pet mein bhi khanjar  ghop kar mara gaya  par iss chaku ki lambai 4 inch hai, inke gharwalon se pooch tach jaari hai, par  koi nateeza nahi aa raha hai” “ hmm, chaliye ab main aap ko batata hun, yeh teeno postoron mein darsal aaj subah chai gir gayi thi, toh sukhane ke liye jab humne isse rassi mein taanga toh khidki se suraj ki roshni mein in film postor ke aar paar bahut kuch nazar aa raha hai. Jise abhi aapne bhi gaur kiya hoga. Jo bhi khooni hai woh sanki toh nahi maloom padta hai, koi bahut shatir dimag ka hai aur janta janardhan se kuch kehna chahta hai” Ratan ghar ka naukar in teeno ke liye chai lekar aata hai “acha iss baar chai jara dhyan se peejiega aap log, aur kuch chahiye  toh bula lijiyega” kehkar Ratan wahan se chala gaya. “In postoron se main yeh toh pata laga sakta hun ki khooni ke dimag mein kya hai, par abhi bhi khooni..” “kya hai uske dimag mein?” “daroga ne poocha“ dhekhiye ye pehle do postor ki baat karte hain, in postorn ke kagaz bahaut purana hai, lagbhag ek hi samaye ke, andazan pachees saal, kyunki agar gaur se dhekhe Zakhm film postor mein jo watermark hai, halke halke mein likha hai teenmurti prastuti, yeh bahut hi purani tarah ki likhwat hai, aur dusri baat is kagaz par pehle safed rang pota gaya hai, taki sab likhi hui cheezein chuph sake, par dhikhayi bhi de, isse khooni ki niyat ka pata chalta hai, usne is postor par utne hi safed rang ki putai ki hai jitna ise dusre postor ka roop dene ke liye chahiye, dusri baat wo filmon ke postoron ka upyog kyun kar raha hai har khoon ke baad?, gaur se dhekhe pehla khoon Arun kumar ka hua hai, aur jis postor se usse lapeta gaya hai us postor mein uska naam hai, mera matlab Zakhm film ka nahi, uske neeche jo asli natak ka naam LANGDI SOCH. Yeh tab ka postor hai jab woh filmon mein nahi natakon mein abhinaye karta tha. Thik ussi tarah agar aap Aakrosh wala poster dhekhe uske peeche water mark hai phir se Teenmurti prastuti AADMI – EK MANTHAN jismein Shamit Sahay ne abhinaye kiya tha...” “Shamit Sahay!” “that’s right” “ acha par khooni ne purane postor hi kyun nahi lappet diye laasho par? unme naam bhi saaf likhe hue the, unko dubara safed rang kyun kiya aur uske upar in hindi filmo ke postor kyun banaye?” “Good question, dhekhyiye khooni bahut shatir dimaag ka hai, woh khoon toh kar rah hai, par kuch batana bhi chahata hai, dhekhiye pehla postor film Zakhm ka hai. Is ki kahani par mat jayiye, par shabd par gaur kijiye, ‘Zakhm’Arun kumar aur khooni ko yeh shabd kahin na kahin jodta hai, shayad aisa hua ho ki Arun Kumar ne khooni ko shayad kisi tarah choth pahaunchayi ho. Dusra Aakrosh, matlab  woh apne gusse ke barein mein jatana chahta hai, shayad Shamit sahay ke saath koi baat hai. yeh ek serial mein chal raha hai. Zakhm hota hai phir Aakrosh” “hmm I see, aur teesre postor ka kya?’ “haan is teesre postor ne mujhe soch mein daal diya hai, kyunki issmein koi watermark nahi hai aur kagaz bhi naya hai. Gaur karne wali baat hai ki film postor Aandhi ka hai, yeh thoda atpata laga mujhe” “kyun aisa kyun laga tujhe?” Aabir ne kaha “agar main in shabdo ko dhekhun katil ko Zakhm ke baad Aakrosh aur uske baad 1974 mein Shatrughan Sinha, Moushmi Chaterjee ki film Badla ya phir 1989 mein Mithun Chakrborty ki film aakhri badla ke poster se laash lapetna chahiye tha, yeh mera anumaan hai, par Aandhi film nahi. Mera logic toh yehi kehta hai” “terrific Debdyuti babu kya dimaag lagaya hai, toh iska matlab kya hua?” “wahi pata lagane ki koshish kar raha hun daroga sahab haan ek aur baat” “woh kya” “Taran kumar ke kamrein mein us din aapne kuch gaur kya tha?” “kya?” “us kamrein se ek mahak aa rahi thi woh hai Old Spice ki?, aur Old Spice Inder Das lagate hain toh…” “aur agar aapko yaad hoga bawarchi keh raha tha ki woh jab coffee laker Taran Kumar ke kamrein ke taraf jaa raha tha toh usne kamrein se ‘in in’ ki awaaz suni” “ekdum sahi yeh toh mujhe bhi yaad hai, iska matlab” daroga sahab bolkar sochne lage “acha abhi humein kya karna chahiye Deb babu?” “ aap apne tarike se tehkikaat kariye main apni tarh se, dhekhte hai kuch aur milta hai ki nahi” “thik hai abhi main chalta hun”

“Aabir ab khidki ke paas jaake bahar dhekhne laga, Aabir ko kuch yaad aya aur usne Debdyuti se poocha “acha tune woh sone ki kaan ki boondi ke barein mein toh daroga ko kuch nahi bataya,?” “are saare kaam main hi karke dunga. Usko bhi pata lagene de” “Aabir muskurane laga” par ek baar Inder Das ke ghar phir se jana hai”

INDER DAS ke ghar

“Aap jis din kitab udhghatn kar rahe the uske pehle kahan the?” “kya matlab, ghar se nikla tha, aapko pata hai mere ghar se jahnan kitaab ka udhghaatn hua tha wahan tak jaane mein kitna samay lagta hai?” “paitalis minute” “ toh main khoon karke kaise wahan pahaunch sakta hun, itna thanda dimaag nahi hai mera janaab.” “aap detective hai ya police jo bewajah gunah mere upar thop rahein hain” “dhekhiye uss raat ko Taran Kumar ke kamrein se bawarchi ne do baar  ‘in in’ ki awaaj suni thi jab hum wahan pahaunche khoon ke baad toh wahan se Old Spice aftershave ki sughandh bhi aar rahi thi, toh….” Inder Das chup ho gaye “ dhekhiye agar aap sach keh de toh” Inder Das samne padi chai ki pyaali utha kar gusse main zameen par patak dete hain “maine khoon nahi kiya do you understand that” “thik hai Inder ji, cheekh ne se kuch nahi hoga, khair abhi mere pass thos saboot nahi hai” Debdyuti aur Aabir wahan se chale jaate hain.

Ghar par khane ke baad Debdyuti apne kamrein mein baitha hua tha, ki tabhi Suhasini kamrein mein aati hai “tum abhi bhi soye nahi, kya hua” “need nahi aa rahi, iss case ne bahut uljha rakha hai” Debdyuti har ek baat kehta hai Suhasini se “sone ki boondi, kahan hai dhikhaona” Debdyuti thodi der Suhasini ko dhekhta hai aur phir table ke daraaj ke taraf ishara kar deta hai. Sushasini boondi ko bade gaur se dhekhti hai “ kaafi sadharan si hai” “ladko ki hai, isliye jyada thaam jham nahi hai” “Deb chi chi” “ kya hua” “ismein kuch chamde jaisa laga hua hai, tumne dhekha nahi?” Debdyuti Suhasini ke haath se boondi leta hai aur usse gaur se dhekhta hai, kaan ki boondi ke painch par chamde jaisa kuch laga hua tha, bahut gaur se dhekhne par hi pata chal rah tha. Debdyuti usse sungta hai aur fir “hmmm, Suhasini kal mujhe jaldi jaga dena, bahut neend aar rahi hai” “abhi toh tak taki laga ke bhaithe hue the, abhi neend  aa gayi?” “haan talent hai mera”

DO DIN BAAD..

“Do din se tu kahan tha?” “main kahan tha, tu bata tu kahan tha ?” Aabir ne ulta prashan Debdyuti se kiya. Main toh thoda kaam mein wayast ho gaya tha, bhabhi ne kaha tum do din se subha nikal jate aur raat ko aae, masla kya hai, kuch kaam ban raha hai?” Debdyuti Aabir ki baatein sun raha tha. Tabhi balcony mein akhbaar wala akhbaar daal kar chala jaata hai.

akhbaar mein …..

‘Posterwale Serial Killer ne iss baar National Award Vijeta Prasanmeet ko mauth ke ghaat utar diya’ Debdyuti ghar se nikal jaate hain, saath mein Aabir bhi. Thane pahunchkar pata chala Chatterjee sahab khoon ke silsile mein Head Quarter Commissioner se milne gaye hain ek ghante mein aayenge. Aabir aur Debdyuti Chaterjee ke table ke paas bhaith kar intezaar karne lage. Kareeb 15 minute se Debdyuti ki nazar aas paas deewar par bhatakne lagi, ek deewar par Ghandhi aur Nehru ki tasweer tangi hui thi toh dusri taraf  naami khooniyon ke tasweeron ke neeche pakadane wale ko kitna innam milega woh likha hua tha, Debdyuti ek baar iss deewar ko dhekhte aur ek baar Ghandhi aur Nehru wali deewar ko  dhekhte, phir muskurate, Aabir ke poochne par woh bole “ kuch nahi” isi beech Chatterjee sahab aa gaye. “are aap log akhbaar padke aa gaye, main aapke ghar aa hi raha tha, chalo acha hua aap hi aa gaye, kahiye chai wagera kuch?” Debdyuti ke naa karne se pehle hi Aabir ne kaha “chai” Debdyuti ek baar Aabir ki tarf dhekhte hai par Aabir aise muh ghuma lete hain jaise Debdyuti waha hai hi nahi. “are iss khooni ne toh pareshaan karke rakha hai, meri toh naukri jayegi ab” “iss baar postor mein kaunsi film thi?” “Protishodh, iss bar bangla film” Chatterjee thoda muskurate hue bole. “1981 ki Uttam Kumar aur Shoumitro Chatterjee wali film?” “ haan wahi, aur khoon bhi usi khanjar se hua hai” Debdyuti phir se soch mein pad gaye“aap ko agar laash dhekhni hai toh ….” Debdyuti aur Aabir dono unke saath laash dhekne chale gayein, aur woh poster bhi dhekha jismein woh laash lipti hui thi. Unhone Chatterjee se bola ki ek baar poster ghar bhijwa de. Dono ghar aa gaye.  Jab Chatterjee babu ne poster bhijwaya to iss baar poster par phir se watermark tha. Zakham aur Aakrosh waale poster ki tarah. Iss baar “Teenmurti prastuti PAAPI PAITH – nirdaishak –Ritwik Sengupta. Lekhak – Ranjan Das, Abhinaye – Prasenmeet Mukherjee, Sunaiyna.” Debdyuti apne kamrein mein chale gayein aur kaha mujhe thoda waqt chahiye, koi mujhe disturb na kare” Suhasini ne Aabir ki taraf dhekha, Aabir apne kamrein mein chale gaye. Suhasini rasoighar mein.

AGLE DIN SHAAM KO

“Kuch baton ko lekar charcha karnI hai“ “kya, kuch samajh aa ra hai”

“Pehli baat yeh hai ki yeh koi ek khooni ka kaam nahi hai” “matlab serial killing nahi hai?” “darasal  teri bhabhi ko tehkikat ke barein mein bata raha tha, toh jab usne kaan ki boondi dhekhi, uss boondi ke pench mein kuch laga hua tha, jo meri nazar se chuk gaya tha. Uski jaanch karwayi toh pata chala ki woh rubber ka kuch hai. Main phir se Atanu ke ghar gaya, mera dil keh raha tha ki hona na ho kuch aisi baat hai, jo meri nazar se bach rahi hai. kyunki yeh boondi hubabu Atanu ke kaan ki boondi jaisi thi toh main uske ghar wapas gaya. Main uske kamrein mein talashna shuru kiya, soch raha tha kuch haath lag jaye, duplicate kaan ki boondi ki raseed bhi mil jaye ya kuch bhi aur.. achanak mere haath ek tasweer lagi ?” “toh?” Atanu ki bachpan ki tasweer thi, aur usse pata chala ki Atanu ek kaan wala hai” “matlab “Aabir Atanu ki ek kaan hai hi nahi” “kya” “aur woh rubber ka naqli kaan lagake ghumta hai, jo itna asli dhikhta hai ki aam logo ko pata hi nahi chalta ek nazar mein. Aur jo cheez kaan ki boondi mein laga hua tha woh ek chotha sa chaal tha uske nakli kaan ka. “ yeh sab tujhe kaise pata chala?” “Atanu ne khud bataya” “kaise?” “ batata hun. Mujhe tasweer se shakh hua, Main daroga Bose ke saath reahearsals mein pahauncha, maine zor se cheekha Enu, toh Atanu jo parde ke peeche tha bahar agaya, aur mujhe dhekh kar wahin stage mein jam gaya.

Maine usse uski bachapan ki tasweer dhikhayi jismein woh apne doston ke saath maidaan mein khada tha. Theek us tasweer ke peeche sabke ghar ka naam likha hua tha aur saath mein asli naam. Jaise log karte hain aksar, apne tasweer ke peeche jahan tasweer khichwayi , wahan ka naam, aur kiske saath hai uska naam. Issemein Enu likha hua tha aur bracket mein Atanu.” “phir kya hua” “ phir bade maze ki ghatna ghati, maine usse kaha ki Nimai Mukherjee ka khoon tumne kiya hai, toh woh kuch bol nahi paya, par shakal uski sharam se laal ho gayi thi siwaye ek cheez ke” “kya uska kaan?” Aabir muskuraya “ yes, usse aur bhi baat zahir ho gaya, maine jab yeh baat bhi batayi toh stage mein kuch log  dang rah gaye.  Phir usse green room le jakar humne usse poochtach ki” “phir kya hua?” “ Enu matlab Atanu ne saari baat batayi, uske pitaji ka nam tha Rituraj Inamdaar Mitra. Woh rangmanch se jude hue the, Taran kumar aur yeh bahut hi ache dost the par inki dosti tut gayi jabTaran kumar ne Rituraj ki agli natak ki  kahani ka script churake ek film nirmata ko bech diya. Usne jo kiya so kiya par naam Rituraaj ka laga diya, isse natak company khafa ho gayi aur Rituraaj ko naukri se nikal diya. Har jagah yeh baat phail gayi thi ki Rituraj apne fayade ke liye dhoke se paisa kama raha hai, isse Rituraj ki izzaat uchli, kareeb chaar paanch saal baad usne likhna chor diya aur saha nirdeshak ke roop main kamm karna shuru kiya. Yeh chaar paanch saal Rituraaj aur uske pariwaar ko bahaut khateenayion ka samna karna pada, falswaroop chote Atanu ke man mein zahar bharta gaya, aur jab bada hua usne Taran kumar se badla lene ki thaan li. Ussne bahut mashakkat ke baad Kalsangam mein naukri karna shuru kiya, aur phir yeh plan racha, hala ki Taran Kumar ke barein mein Inder Das ko pata thi, par Atanu khoon karega yeh pata nahi thi.” “matlab woh natak jiska naam pratishodh tha asal mein sachi ghatna par adharith thi , aur Atanu ne hi yeh natak racha tha Inder das ke saath,” “ aur isliye Taran Kumar uss natak ko dhekh kar sharam aur dar ke mare paseene se latpat ho gaya tha. Interestingly Atanu ne kam umar wale Nimayi ko sirf is baat pe natak mein abhinaye karne ke liya rakha kyunki uska shakal Taran Kumar se milti hai “ “ baap re baap badle ki bhavna kis hadh tak jaa sakti hai”

“ haan toh usne pehle stage mein  maarne ki koshish ki, bechara Nimai mara gaya, phir usne mauka pate hi 

Taran Kumar ke ghar dhakil hua, woh bhi asli bawarchi ko behosh karke..” “woh kaise matlab jo bawarchi humein Taran Kumar ke barein mein bata raha tha , woh darsal Atanu tha?” “right, are maze ki baat sun, Taran Kumar ka bawarchi khuch rasoi ka samaan laane bazaar gaya tha, Atanu ne iska peecha kiya, aur phir cholorofoam sunga kar usse behosh kar diya, phir uske kapde pehankar uske jaisa tayar ho gaya” “ haan yeh main samaj gaya, kyunki rangmanch se juda hua hai, toh make up karne mein dikkat nahi aayi hogi” “ haan, phir kya, kaun pehchane, yahan tak ki Taran Kumar ka security guard bhi dhokha kha gaya aur phir bhaisahab ek din ke liye ghar ke andar. Usne Taran kumar ka khoon kiya, par apna asli chehra usko dhikhane ke baad. Taran Kumar samajh gaye aur uske zubaan se ‘in in’ nikla. Darsal woh ‘en en’ keh raha tha yani Enu. Badi chalaki se Atanu ne Old Spice ki kushboo chidaka di, aur ek Film poster lappet di” “Aandhi wali?” “ haan, isse woh police aur humare liye surag janbhooj ke chodna chaha taki hum bhatakh jaye. Pehla  Old Spice ki khushboo se woh Inder Das ki taraf dhyaan akarshit karna chaha, kyunki usse pata tha ki Nimai Mukherjee ke katil ki khoj chal rahi hai aur yeh dono hi shaq ke dayere mein hai. Dusri baat serial killer ka atank bhi charche mein hai, usse laga ki yehi mauka hai ke serial killer ke aar mein Taran kumar ka khoon bhi kar de aur police usse yani Atanu ko dhoond na paye. Tabhi Aabir bol pade “ jab usne Old Spice chidkake Inder Das ke taraf humara aur police ka dhyan akarshit karna chahta tha, toh phir usne serial killer wali chal kyun chali yeh samahaj nahi aaya??” “ are! he wanted to be foolproof, agar Inder Das wali baat kamzor pad jaye ,toh yeh serial killer wali baat toh chal hi sakta hai” “ acha” “Par woh do galtiyaan kar gaya, ek toh Nimai ka khoon stage mein karne ke baad bhagte hue boondi gira di apne kaano ki aur exhaust ke rasste bhaag gaya. Usse pata isliye nahi chala kyunki naqli kaan ke wajah se usse kuch mehsoos nahi hua ki kab boondi nikal gayi .“ phir” “ ghar aake pata chala toh usne dimaag ladayi aur hubau ek aur boondi banake pehan li taki kisi ko shaq na ho “ aur poster usne aise hi bazaar se kahreed kar lappet di, jo ki asli serial killer ke poster se mel nahi khati, …par phir bhi kya dimaag lagaya hai” “ yeh Atanuke liye jyada mushkil wali baat nahi, woh natak compani mein sah nirdaishak tha, itna toh woh plan kar hi sakta tha.” “ toh yeh sab usne kabool kiya,” “ haan usne saari baat batayi humein” “ wah Deb great job ek khooni ka toh pata chala” “ haan but credit also goes to your bhabhi. “Iska matlab serial killer abhi bhi pakda nahi gaya” Abir yeh kahkar bister mein bhaith gaye. Tabhi Devdyuti bol pade

“ Aabir ek minute” “ Aabir phir se bister se khade hue aur Debdyuti ke saath Pratishodh wali poster gaur se dhekhne lage “ Roxy” Debdyuti ne kaha  poster theek kone mein Roxy  likha hua tha, jaise harek painter apni painting ke kone mein apna naam likhta hai usii tarah. Debdyuti ne Zakhm wale poster mein Ashoka likha hua paya aur Aakrosh wale poster mein Jyoti likha hua paya . “ par Deb Aandhi wale poster mein Jaiprakash arts likha hua hai, iska matlab?” “ iska matlab bahut saaf hai yeh Jaiprakash wala poster Atanu ne kisi poster ke dukaan se khareeda tha,” “ par yeh teen poster serial killer walein ke hain“ haan” “ yeh pehle mere nazar mein kyun nahi aaya,  yeh teeno naam… bahut badi galti kar di?” “ aankhon ka jaanch karwa bhai” Aabir muskurate hue bole “toh ab kya karein” Aabir ne ek cigarette jalate hue baat kaha. “ sawal hai yeh teen naam kiske hain, aur agar ek serial killer hai toh naam poster mein likha hi kyun hai, Ashoka, Jyoti aur Roxy, do ladke aur ek ladki….” 

Darwaaze par ghanti bajti hai, ek saajjan khade hue the “ ji boliye kya baat hai?” Debdyuti ne kaha “ namaste ek chotha sa darkhwast leke aaya tha, agar aap man le toh bahaut meharbani hogi “ kya?” “ woh darsal aaj local train se  meri biwi Howrah se Lilua jaa rahi thi ki kisi ne train mein uski haar gale se chinn li, ab usne mujhe bheja hai usse dhoond ne, sach kaha raha hun aagar ghar haar lekar nahi pahauncha toh biwi maike chali jayegi  ?” “ isse achi baat kya ho sakti hai” “bahut umeed lekar aay hun agra aap” “ thane jayiye?” “ wahan gaya tha unhone mana kar diya , FIR bhi nahi likh rahe boliye “ “acha chaliye, kaunse station mein hua tha ?” “Liliua ke pehle kahin pe” “ yeh ilaka toh inspector Chatterjee ke thane mein padta hai, acha chaliye mere saath” Debdyuti aur woh aadmi thane pahaunchte hain, Chatterjee babu thane mein nahi the, “ unka tabiyat thik nahi hai isliye woh duty par nahi aaye, par batayiye Debdyuti babu kya masla hai?” dusre daroga ne poocha  “ woh darasal inki biwi ka haar train mein kisi ne chinn liya hai, inki biwi Howrah se Lilua jaa rahi thi, yeh thane bhi aaye the par aap logo ne madad nahi ki” “ woh tho aap jante hi hain, aapse kya chupana, FIR likho phir ek mamuli haar ke liye dauro, dus aur jhamele ..” “ hmm toh aap batiye kya karein, “ :” are bhatiye aap, abhi haar dhoonde deta hun” Daroga ne constable ko bulaya, aur ishare mei kuch kaha, thodi hi der mein constable ek aadmi ko lekar aata hai “ haan toh Debyuti babu haar kis cheez ka tha?” yeh poochte hi Debdyuti ke bolne se pehle woh saajan aadmi bol pade “haar sone ka tha” Daroga ne us aadmi ki tarf dhekha, usne phoran bees sone ke haar nikal ke table par rakh diye “ sahab ismein se jo bhi hai nikal lijiye,  Howrah se Lilua station ke beech  mei aaj aur kaal milake itni hi loot hui thi. Haaron ko daroga saahab ne Chatterjee babu ke table par phaila diya aur us sajjan aadmi se kaha ki apna haar dhoond le, do minute mein haar mila gaya, woh bahaut khush hua “ dhaynyawaad daroga sahab aur Debdyuti babu, par yeh kaisa hua?” “ aap aam kahyiye na, ped kyun dhoondna chahte hain?” Debdyuti ne haskar kaha “chaliye ab nikalte hain, yeh baat humraien beech hi rahe toh acha hai.”

do din se Debdyuti serial killer case ko lekar bahut uljha raha aur  phir teesre din Aabir ke paas ek phone aata hai “ shaam ko Kalasangam Theatre. Agar khooni ke barein main jaanna hai toh, akele aana,” “ hello hello kaun ?” telephone ke rakhne ke baad Aabir soch mein pad gaya ki yeh telephone wali baat Debdyuti ko bataun ya, yeh kisi ne mazak kiya hai?. Phir bhi bahaut der sochne ke baad Aabir shaam ko Kalasangam theatre pahaunchte hain.

KALASANGAM THEATRE

Aabir pahunchte hi Ragvendra Kumar unhe andar hall mein stage par le jaate hain, pure haal mein aur stage par abhi andhera chaya hua tha, Ragvendra ne ek torch ke roshni  se Aabir ko ek kursi mein bhithaya. Mahaul shaant tha, par Aabir ko lag raha tha ki uske alawa stage par aur bhi koi hai, yeh woh mehsoos kar raha tha ki acahank ek spot light beecho beech khade Debdyuti par padti hai, “ namaskaar main Debdyuti Majumdar iss rangmanch par ek asli natak pesh karne jaa raha hun. Par iss natak mein dialougue jyada tar mere honge. Sah abhineta log saamne bhaithe darshako mein hi hai, aur maze ki baat yeh  hai unhe yeh khud nahi pata ki woh iss natak mein shaamil hai. Stage par sirf main aur Aabir honge. Tabhi saarein light hall mein jal jaati hai, darshakon ke taur par pehle kuch seeton mein police ke ala adhikari, aur uske baad janta janardhan bhaithi hui thi. Aabir itne saare log ek saath saamne dhekh thoda ghabra gaya. “ Deb yeh kya kar raha hai, ek kaam kar tu stage par rah main neeche jata hun, mujhe bahaut ghabrahat ho rahi hai ?” Deb ke ishhare se Aabir wahin stage mein khada raha jata hai.

“aap logon ko aaj main ek kahani sunata hun, par uske pehle main yeh bata dena chahata hun yeh kahani asli ghatna par adharith nahi hai balki asli ghatna hai. usse se pehle main yahan per upasthit police ke logon ko anurodh karunga ki aap ek ek karke hall ke sabhi dwaron par khade ho jaye aur dhyan rakhe koi is hall se bahar na jaa paye.” Tabhi  Debdyuti Aabir ke kaano me khuch kehte hain aur Aabir stage se utar jaate hain. Hall mein saari battiyan band kardi jati hai aur sirf ek spotlight stage par Debdyuti ke upar padti hai aur woh bolna shuru karte hain “ 1960 mein Teenmurti namak ek natak company hua karti thi. Nayi natak company thi toh josh alag tha, naye naye logon ko bharti kiya gaya, naye log the, nayi kahaniyaan thi , nayi umang thi. Keh sakte hain bangali natak rangmanch mein ek nayi kranti aayi hui thi. Dusre natak companiyo ke mukaable yeh kaafi azaad khyalo walein soch se bhari natak company thi. Aajke jamane ke Ranjan Das ne bhi uss natak company se shuruat ki thi. Naye abhineta  bhi aaye jinhe apne abhinaye dhikhane ka mauka mila.  Naye lekhak aaye unhe bhi mauka mila. Inme se teen abhineta par aap logo ka dhyan aaj akarshit karna chaunga aur woh hain Arun Kumar, Shamit Sahay aur  national award jeete hue Prasanmeet Mukherjee. Yeh teeno iss company ke jaan the, log inke abhinaye dhekhne aate to the par saath mein kahani achi hone ke karan show mein chaar chaand lag jaata tha. Hall housefull raha karta tha. Kuch saalon baad Arun kumar ko filmon mein abhinaye karne ke mauke aane lage, toh unhone apne liye jo thik laga woh kiya, koi bhi karta ismein koi galat baat  nahi thi, ek kalakaar apne kala ke pradarshan ke liye koi bhi hadh tak jaa sakta hai, aur filmon se acha madhyam kya hai. Arun kumar Teenmurti chodke chale gaye, company ki haalth kharab hone lagi, kahaniyan achi thi par acha abhineta company ko nahi mil pa raha tha, phir kareeb ek  saal baat unhe ek aur abhineta mila jo the Shamit Sahay. Same story, acha abhineta, teenmurti phir bulandiyon ko chune lagi aur phir se Shamit Sahay ka natak company chodna aur filmon mein jana, aur teesri baar Prasenmeet Mukherjee. Teen abhineta do common baatein “ tabhi kisi ne poocha “ woh kya?” “ 

ek toh bata chukka hun teeno ko filmon mein jana tha aur dusri baat  ki teeno ko  teenmurti natak company mein Madhu Chatterjee namak ek sajjan makeup karte the. Unhone teenmurti ko in abhinetao ke dwara upar uthe hue dhekha tha aur neeche girte hue. Jab Teen murti ki haalth kharab ho gayi toh Madhu babu ne yeh teen bade film abhinetaon ke darwaaza khathkatya madad ke liye, par teeno ne pehchane se inkaar kar diya. Buda aadmi kahan jata ghar mein biwi bacche . Inka pet kaun paalta. Bahut mehnat kiya par jyada kuch haasil nahi hua. Ek din zahar khake khudkhushi karli. Inspector Chatterjee unke bete hain aur serial killer bhi. Tabhi spotlight Debdyuti se hatkar hall ke darwaaze par khade Chatterjee ke upar padti hai, woh bhagna chah rahe the par unke peeche Aabir pehle se hi khade the.“Inspector Shubodh Chatterjee. What an actor. Aapko to abhineta hona chahiye tha.  Idhar main Chatterjee babu ke saath bhaith kar iss case ke dao paainch ke bare mein charcha karta raha or woh mere saath rahkar serial killer ko dhundne ka natak kar rahe the joki woh khud hai, par unke chehre par khud ke pakde jaane ka koi dar hi nahi tha, Brilliant cold blooded murderer.

Par Chatterjee janaab to chitrakaar nikle, inko bachpan se hi tasweere banne ka shauk tha, pitaji Madhu Chatterjee ke liye logon ka makeup karna kalakari tha aur bete ke liye kagaz ya canvas par kalakari karna. Par tangi ke karan Shubodh chitrakaari ke liye ache college mein taalim nahi le paye. Shubodh ke anusaar unke pariwaar ki iss durdasha ka karan yeh teen abhineta hi the. Uske baad pitaaji ki kudkhushi. Saare ghar ki zimmedari ab Shubodh par aagayi thi . Inhone kisi tarah padai lihkayi puri ki aur police mein bharti ho gaye. Par kalakaar toh kalkaar hai, usse apne kala ka pradarshan toh karna hi hai. Toh janab ne filmon ke postar banane shuru kar diye. Maze ki baat dhekhiye janab jis film jagat ne Madhu Chatterjee ko dhukh ke din dhikhaye usi jagat ke film poster banakar unka beta Inspector Shubodh apne kala ka pradarshan karta. Ji haan “itne mein daroga Chaterjee ko dusre police karmiyon ne pakad liya tha, Chatterjee sar jhukhaye kahde the. “ inspector Chatterjee aaj bhi kuch cinema gharon mein film poster banane ka kaam karte hain. Mera dimaag tab thanka jab serial killer walein teen postoron mein teen alaag alaag naam maine pade, Ashoka, Jyoti aur Roxy. Pehle mujhe dhyaan nahi aaya, phir main kisi haar ki chori ke maamle ke wajah se thane mein  gaya aur wahan inspector Chatterjee ke table par kuch kagazon mein yeh naam likhe hue paye.  Ashoka- 4000 rupaye, Menoka – 1000, Jyoti – 2000 rupay, Navina – 500 aur Roxy – 4000 rupaye. Aur inmein se teen naam Ashoka , Jyoti aur Roxy un postoron se milte the. Kagaz mein likhe hue naam mein angrezi shabdh ‘o’ ka style hubabu un postorn mein likhe naam se mil gaye. Baat darsal yeh hai ki yeh koi logo ke naam nahi hai. Yeh teen picture hall ke naam hai. Ashoka diamond harbour mein, Jyoti Lenin sarani mein aur Roxy Esplanade mein” tabhi pure hall mein taaliyon ki ghargharat sunayi di. Maine in picture hall mein jakar poochtaach ki aur pata lagaya.  Jahan se mujhe yeh baat pata chali.  Aur yeh rupaye wali baat darsal picture hall walein inspector Chatterjee ko dene wale the unko majoori ke taur par. “Mr Majumdar isse mera majoori mat kahiye isse kala ka apmaan hota hai. Isse majoori ka naam mat dijiye” kehte hue Chaterjee babu apne ghutnon ke bal bhaith gaye.

P.S : thanks to mum for proof reading this story :).