CHAPTER 1:
ROHIT: Baap re baap! kya pakaao picture thi. kiske bheje mein yeh saala khayaal dhekhne ka aaya tha?
ROMI: Yeh ghanchakkar Siraaj ke !
SIRAAJ: Abe! mere sapne mein Khalid Mahmood to aaya tha nahin baatane ke liye.
ROHIT: toh phone karleta usse?
ROMI: accha chor ! thand bahaut hai. Koi chai wala bhi nahi hai yaahan. Ek cup chai aur cigarette ho jaati toh kya baat thi.
SIRAAJ: Ek chai wala hai par wahan jaane ke liye kabristan ke paas se hoke nikalna padega.
ROMI: Haan toh?.....
ROHIT: oho! Main dar gaya!
Chaiwale ke paas pahaunchte hain...
ROMI: Teen cup chai. Aadrak wali.
ROHIT: Yaar agle hafte chaar chuthiyan hain. Christmas ka aur aage peeche shanivaar aur ravivaar ka.
ROMI: kisi bhootiya jagah chalte hain, mazaa aayega.? Kya kehta hai?
ROHIT: haan acha hai! chalte hain.Bahaut din se ghuma nahi hai.Toh theek hai parson subah nikalte hain. Meri gaadi bhi theek hoke aa jayegi.
ROMI: haan ek jagah hai Bhaangarh, kareeb 300km. Wahan chalte hain, suna hai woh kaafi khauffnaak jagah hai.
ROHIT: toh theek hai. Shanivaar subah main Siraaj ke ghar aa jaonga usse pick up karte hue chalenge. Romi tu bhi Siraaj ke ghar aa jana.
Shanivaar subha 6 baje Rohit apna gaadi lekar nikalta hai Siraaj ke ghar ke taraf. Kareeb pandra minute baad Rohit Siraaj ke ghar ke neeche pahaunchta hai aur horn marta hai. Siraaj thodi der mein aaj jata hai.
ROHIT: aur Romi kahan hai?
SIRAAJ: aata hoga…
Siraaj ke paas Romi ka phone ata hai ki woh aage raaste pe mil jayega.
SIRAAJ: oye daaru le liya tha na? bus raaste mein koi pakad na le police waala?
ROMI: haan haan! arre tension kyun leta hai? Bude saadhu baba hamare saath hain.
Teeno has pade. Old Monk ka botal dhekhkar.
Chaar ghantey baad
ROHIT: Yaar Romi! ab tu gaari chala, main thak gaya hun.
ROMI: arre bhaisaahab yeh Bhaangarh kitna duur hai?
Jaipur pahaunchne ke theek thodi duur mein raaste pe ek chaiwale se poocha.
SIRAAJ: yaar sacchi mein wahan bhootho ya aatmao ka vaas hai?
ROHIT: pata nahi par suna hai ki sarkaar ne bhi wahan suryaast se surya uday tak aandar jaane mein paabandi lagake rakha hai.
ROMI: abbey! kuch nahi hai yaar sab natak baaji hai. Paise lootne ke liye. Hum toh wahan pe raat ko hi jayenge.
ROHIT: oye! zara rokio thoda halka ho leta hun.
Rohit paas ke ek naale mein jakaar halka hone laga….. tabhi uska mobile bajta hai. Halka hone ke baad woh mobile apne jeb se se nikaalta hai ki tabhi uska phone charge na hone par band ho jata hai. Woh dhekh nahi pata hai kiska phone hai…..
ROHIT: kya yaar! mera phone band ho gaya. Kiska phone tha who bhi pata nahi chala.
ROMI: chor na. Jaldi bhaith pahaunchna hai wahan. Hotal mein kamara bhi lena hai.
Do ghante baad….
SIRAAJ: yeh Bhaangarh kitna duur hai?
PHERIWALA: paitalis minute ka raasta hai.
SIRAAJ: wahan rahne ka jagah mil jayega?
PHERIWALA: nahi saahab. Wahan aas paas kuch nahi hai. Aapko yahin aas paas hi kahi thaharna padega. Par ek baat hai. Shaam ko mat jayega.
SIRAAJ: Hmm! tumne dhekha hai khuch?
PHERIWALA: saaheb nahi par suna hai. Yahaan pe chaar mahine pehle ek ghatna hua tha. Ek ladka aur ek ladki gaye the kuch college ke kaam se. Agle din subha unki laash mili thi. Shareer mein nishaan ya karoch bhi nahi tha unke....
ROHIT: oh! accha.
Yeh log sarkaari yaatri niwas mein kamra lete hain.
ROHIT: oye! kya tarkeeb aayi hai mujhe. Kyun na aaj raat ko planchet kiya jaaye? Aise jagah pe do chaar bhoot se baate na kare toh kya kiya.
SIRAAJ: tujhe aata hai?
ROHIT: tu bhool raha hai Siraaj mujhe kaala jaadu aata hai. Yaad hai woh jo ….
SIRAAJ: oh haan! Par aacha nahi hua tha jo bhi kiya tha tune. Chalo choro woh sab baatein… par tujhe pata chal jataa hai ki tere aas paas bhoot hai?
ROHIT: nahi aise nahi par tantra vidya se pata lagaa sakta hun. Agar waisa hota toh main toh kab ka pagal ho jata. Kyunki aatmayein toh humaare aas paas ghumte rahte hain……
Tabhi darwaaze par hotel ka rakhwla aakar khat khatata hai. Romi darwaaza kholta hai. Rakhwaala teen cup chai leke aata hai...
ROMI: tumhe Bhaangarh ke baare mein pata hai?
RAKHWALA: jaise baaki logo ko pata hai waise hi humein bhi pata hai.
ROHIT: Batao kya hai….
RAKHWALA: suna hai ki ek samay mein Bhaangarh jab raaj mahal hua karta tha, toh yahan pe ek sundar rajkumari rahti thi. Naam tha Ratnavati. Kehte hain aas paas ke rajya se uske liye rishta aaya karta tha. Par Bhaangarh mein hi Singhiy karke ek tantrik bhi raha karta tha. Woh raajkumari ke sundarta ko dekhar itna mohit ho utha ki usne faisla kiya ki Ratnavati se shaadi karega. Usse pataa tha ki raajkumari Ratnavati ke paas nahi pahaunch payega. Ek din raajkumari ki naukraani raajkumaari ke liye bazaar mein tel ki shishi kareed rahi thi. Tantrik ne jab yeh dhekha toh uss tel ki shishi mein usne apna kaala jaadu kar diya. Taaki woh tel lagaate hi raajkumari tantrik ke vash mein hojaye aur uske saath shaadi kar le.
Par gadbar yeh ho gayi ki raajkumari khud bhi kaale jaadu mein mahir thi. Usne tantrik ka yeh chaal kamyaab nahi hone diya. Tel ke shishi ko mahal ke bahaar phek diya. Woh shishi ek bade se pathar se jaa takraya aur saara tel uss pathar par gir gaya.Woh pathar lurak kar tantrik ke upaar aa gira. Tantrik mar gaya, par marne se pehle shraap degaya ki iss jagah mein sab khatham ho jayega. Aur aisa hi hua. Sab khuch khatam ho gaya aur usme raajkumari Ratnavati bhi nahi bachi.
Pata nahi par haan uske baad se koi gaya bhi nahi wahan. Sirf do chaar mandir hai. Bus. sarkaar ke taraf se bhi shaam ko jaana mana hai wahan. Har etihasik mahal ya quille ke paas sarkar ka ek daftar hona aniwarya hai. Par Bhaangarh mein aisa khuch nahi. Ek kilometer ke daayere mein kuch nahi hai wahan.
yeh hai kahani…
Kehkar woh wahan se chala gaya…
SIRAAJ: to sir ji kya karein? Chale phir raat ko dhekhte hain…. kahaani toh mujhe poori filmi lagi. Matlab tel ka shishi pathar mein gira aur woh pathar lurak ke tantrik pe.
ROHIT: hmmm! paanch toh baj hi rahe hai, pahaunchte pahaunchte paithalis minute. Raat ko wahin ruk jaayenge.
Bhangarh Quilla: Kehte hain satarwe sadi mein raja Madho Singh ne yeh quilla banaya tha guru Balu Nath ka aagya lekar. Guru Balu Nath ne kaha "tum yeh quilla bana sakte ho par tumhare quille ka chaaya jahan main rahta hun wahan nahi padna chahiye. Agar pad gaya toh yeh jagah khatham hojayega." Jab Madho Singh ke kai saal baad Ajab Singh raja bane, unhone yeh quilla aur bhi bada kiya bina yeh baat jaane hue. Yeh quille ki chaaya guru Bhanu Nath ke samaadhi pe pad gaya aur yeh jagah tahasnahas hogaya.....
yeh jagah ki ek aur kahani Ratnavati wali jo ki pehle hi aap jaan chuke hain... yeh jagah khandar maatra hai aur sarkaar ne bhi isski maramat theek se nahi kiya hai.
Yahan pe Gopinath, Someshwar, Mangla devi aur Keshav Rai ke mandir sthaphit hain. Yahan pe log mandir ka sirf darshan karne aate hain.
Paanch paitalis Bhangarh Quilla pahaunchte hi Rohit ka phone phir baj uta hai…
ROHIT: Romi ka phone?
Romi Rohit se chaar kadam ke duuri mein tha aur phone uske jeb mein hi tha .
ROHIT: oye Romi ! galti se shayad mera number tere phone mein dab gaya hoga? Band kar le.
ROMI: oh!
Teeno Quille ke aandar chale gaye. Paas mein ek chotha sa talaab tha. Wahan bhaitkar cigarette peene lage.
ROMI: Thoda andar jakaar bhaite hain warna yahan jo chawkidaar hai nikaal dega hume quille se.
Teeno andar jakar ek mandir mein chhoop jaate hain.
ROHIT: Romi yeh joote kab khareede? Subha se dhekh raha hun?
ROMI: Arre aane se pehle khareede the.
SIRAAJ: oye tumhe koi awwaaz sunai diya. Ek minute chup ho jao.
Duur kahin nagaade baj rahe the. Logo ka chahal pahal sunai de raha tha. Phir achaanak se band hogaya. Yeh teen logo ke shakal mein ek khauff tha. Sabse jyaada Rohit dara hua tha.
ROHIT: yaar chalo chalte hain. Mujhe khuch aajeeb sa lag raha hai. Lag raha hai humare alawa bhi yahaan koi hai. Tum dono ko nahi lag raha hai?
Rohit yeh bolkar peeche murta hai toh Romi aur Siraaj gayab the..Rohit ko lag raha tha kuch gadbar hai. Woh khada hota hai aur bhaagne lagta hai. Usse Quille ka bahaar ka rasta samaj nahi ata hai. Woh cheekhne bhi chaahe par jaise gale se awaaz hi na nikle. Woh daar ke mare wahin behosh hojata hai.
Raat ke teen baje jab usko hosh aata hai. Toh dhekhta hai ki Karan aur Mamta usse ghuur rahein hain.
ROHIT: tum dono yahan?…. Mujhe chor do? mujhe jaane do haath jodta hun main?
Aur phir Romi aur Siraaj ko pukaarne laga.
CHAPTER 2:
ROMI: Hello SIraaj tujhe pata hai Rohit ka laash mila hai Bhaangarh mein?
SIRAAJ: Haan pata hai subha subha news mein dhikha rahe the. Par Romi woh akela gaya kyun? Shanivaar subah aaya bhi nahi mere ghar ke baahar. Hamaari toh baat hui thi ki ek saath jayenge.
ROMI: Maine toh baad mein usko phone kiya tha do baar. Pata nahi do baar hi kaat diya.
SIRAAJ: Mujhe lagta hai yeh un dono ka kaam hai?
ROMI: hmmmm! Mujhe bhi lagta hai Karan aur Mamta ka na?
SIRAAJ: galat toh kiya tha unke saath. Arre kya zaroorat tha kaala jaadu unpe aazmane ka? Woh bhi un dono ko Bhaangarh pahaunchaya. Uss Bhootiya jagah par. Kuch kiya bhi nahi tha un dono ne. Aise hi maare gaye the woh! Rohit ki masti ne uska khud ka bhi jaan le leliya
ROMI: haan jaisi karni waisi bharni. Par Siraaj hum log bach gaye shukar mana….
SIRAAJ: haan usme hum bhi toh shaamil the… haan madad toh kiya tha humne bhi Rohit ka.. koi nahi chup rahio iss cheez ko lekar. Koi kuch pooche toh bolna kuch nahi pata.
Tabhi darwaaza khultha hai Siraaj ke kamre ka aur uski maa rote bilakte andar aati hai..
SIRAAJ KI MAA: Siraaaaaaj! Yeh kya kiya tune…….?
SIRAAJ: kya kiya maa?
Siraaj ki maa Siraaj ke laash ko pakad ke rone lagi jo ki phankhe se latak rahi thi…….
