Prashant ne ghadhi dhekha, raat ke teen baj rahein the.
PRASHANT: oho! Bhopal jaane waali train aati hogi. Yeh raat wale train mein jaana matlab raat ka neend kharab karna.
Waiting room se bahaar aakar dhekta hain ki pura platform khaali pada hua hai sivay ek bude aadmi ke. Prashant uske paas jaata hai…..
PRASHANT: Yeh Lucknow se aane wali train kitne baje aayegi jo Bhopal jati hai?
BUDA AADMI: Har raat ko yehi poochte ho. Haar raat ko mere bolne se pehle train aa jaati hai aur....
tabhi train aa jati hai aur Prashant us train me char jaata hain. Raat ke sawa teen baje bhi train ke aandar bhauhat hulchul rahata hai. Prashant apna sit dhoondhte hue ek jagah ruk jata hai.
PRASHANT: bhaisahab! yeh upar waali sit pe yeh saaman kiska hai zara hatayenge?
YATRI: are oh! uncle dhikhai nahi de raha hai hum patte khel rahe hain? Aap upar jaake niche saaman phekdena…. thik hai?.....
phir apne mein baat karne lagte hain woh log
“Oh karan aaj din kya hai?”dusre yatri ko poochte hue bola
DUSRA YATRI(Karan): Paanch June. Kyun? Are aaj toh Rohan ka janamdin hai. Rohan yaar janamdin mubarak ho. Bhopal jaake party dena padega..
Rohan: haan haan theek hai dedunga yaar. Abhi patte khele.
Prashant bina kuch kahe upar waale birth pe char jaata hain. Tabhi train chalne lagta hai aur Prashant ka akhbaar neeche gir jata hai.
YATRI: kya uncle aapne cheeze sambhaal kar rakhona?
Prashant thoda sa muskurakar bina kuch bole aakbaar le lete hai. Prashant akhbaar padte padte so jaata hain.
CHAPTER 2:
Prashant ghar par hain? Khirki se Sharmaji ne pukaara. Ravi, Prashant ka bete ne kaha “woh bahar gaye hain shaam ko aayenge.”
PRASHANT: bete yeh kya hai. Kitna cigarettes pite ho tum? Yeh phephde na dhuen mein badal jaenge. Samjhe tum? Acha main jaa raha hoon do din ke tour par. Apne aur mataji ka khyal rakhna. Aur haan cigarettes thode kam……
Do din baad……
Prashant phir se wapas Bhopal jaane ke liye train mein bhait ta hain....
PRASHANT: kya thandh hai baap re baap.
chai ki gilas haath mein lekar bolta hai.
EK YATRI: haan sahi bola aapne, acha yeh aakhbaar pad sakta hun bhaissahab? aaj ka hain na, do tarik ka?
PRASHANT: haan yeh lijiye. Kahan tak jaa rahein hai?
YATRI: Bhopal tak aap?
PRASHANT: haan main bhi.
Aur thodi der mein train chal padti hai….
Idhar Jhansi Railway Divisional office mein
“Are yeh Itarsi ke line par signals theek se kyun nahi dhikh raha hain? Bhusaval control office mein phone lagake pucho?” Railway ke ek adhikari ne kaha. Bhusaval control office ne bataya yeh toh roj ka maamla hai. Itarsi mein kabhi signal aata hai kabhi nahi. Bahut dikkat hoti hai.
Kuch ghanto baad Bambai railway headquaters se phone aata hai. Khuch garbad hai. Itarsi kya Bhopal mein bhi dikkate nazar aa rahi hai. Aur yeh sadahran dikkat nahi hai. Thodi der mein pata chalne lagta hai ki train ko chalne ke signal dene ke bawajood bhi kai traino ki awa jahi nahi ho rahi hai. Jhansi railway station se rail adhikariyan wishesh train lekar nikalte hain…
Raaste mein train ki awa jahi nahi hone ka karan bhi pata chal jata hai. Jyadatar train raaste mein khare the bawajood iske ke unko chalne ka signal the, kyunki train ke driver engine mein hi dum tod chuke the.
Subha ke aath baje Prashant jis train mein aa raha tha woh bhi Bhopal pahauncta hai. Bhopal mein afra tafri ka mahaul tha. Log cheek rahein the chilla rahein the.
Iss afra tafri ke beech apna samaan lekar Prashant station se bahar aata hain. Woh kisi tarah apne ghar pahaunchta hain. sadak se jab woh jaa raha tha toh sadke kahin nazar nahi aa raha tha, shavo se beecha hua tha sadak, logo ko saans lene ki taqlif, Aankhon mein jalan ho rahi thi. Prashant mooh mein rumaal rakhkar ghar pahaunchta hain. Par ghar par koi nahi hai.
Prashant thakar wahin bhaith jaata hain. Phir woh samman rakhar idhar udhar bhatak ta hain. aas paas sadko par sarkar ke taraf se swaasth Kendra lagaye gaye the, logo ke taqlife dur karne ke ke liye, par mano log marna jyada pasand kar rahe the.
Prashant ke nazar sirf uske parivaar walon ko dhoond rahi thi. woh khud bhi sahi se chal nahi paa raha tha. Baar baar ankhon ke saamne andhera cha raha tha.
PRASHANT: are bhai kya hua hai yahan.
Woh kuch samaj paata ki uske pehle hi woh behosh ho gaya. Jab phir se aank khuli toh Haspatal mein aapne aap ko paya. Doctoron ko dhekha jo ki cheek cheek kar dusre logo se baat kar rahein the kyun ki logo ki khasiyon ke awaz hi itni zor ki thi ki kuch sunai nahi de rahi tha. Prashant wahin haspatal ke bister se utha aur haath mein bete ka tasweer lekar ghumne lage aur logo se poochta raha. Par phir se behosh hokar gir gaya.
CHAPTER 3:
Luknow se aane wali 2194 Pratapgarh Express platform number paanch pe aa rahi hai. Bhopal station mein ghoshna hoti hai.
Rohan: are woh uncle! uth jao Bhopal aa gaya hai. Are woh akhbaar waale uncle ji ! utho train Bhopal aa gaya hai.
Par Prashant abhi bhi so raha tha.
Rohan ne samaan bhandhkar phir dhekha toh abhi bhi so raha tha woh. Toh upar char kar dhekne gaya toh koi nahi tha birth par. Sirf ek akhbaar tha jisme ek bacche ka tasveer tha aur akhbaar bhi purana tha. jab usne akhbaar dhekha toh 2 december 1984 likha hua tha.
Rohan ke pasine nikal gaye. Ki woh aadmi gaya kahan. Jaise maano hawa mein gayab ho gaya ho. Usse utarte hue bhi nahi dhekha. Phir uski nazar samaan par jaati hai jo ki kal raat ko uske dost ne bola tha ki niche phekhdo zameen pe. woh kal raat ko neeche padi thi upar wapas kaise wahi jagah par rakhi hui hai. kahin yeh aadmi......
Woh train se hadbari mein utar jata hai. Toh uske dusre dost poochte hain “ oye kya kar raha tha train mein?” jaldi chal woh Bhopal Gas kaand jahan hua tha woh dhekhne jana hai. Ticket nahi milega dhekhne ke liye…..counter dus baje bandh ho jata hai wahan ka…..
