AABIR: Deb chal aaj picture dhekhe ke aate hain….ravivaar ka din bhi hain
DEBDYUTI: griha mantri se poochiye janaab main toh tayaar hun….
Debdyuti chai ki aakhri chuski lekar apna cigarette jalata hai…
DEBDYUTI: par kaunsi picture?
AABIR: Madhubala ki…… Mughal-e-azam
Tabhi darwaaze par dastak hoti hai
DEBDYUTI KI BIWI: dhekho shayad Madhubala khud chalke aayi hai picture ke tickettein haat mein lekar
Debdyuti darawaza kholta hai ki ek sajjan haath jode namaskaar kare khara tha
DEBDYUTI: aaiye andar aaiye
SAJJAN: namaskaar mera naam Madhav Dutt hai. Mere maalik Anjan kabiraaj ke yaahan heere ki chori hui hai. Maalik ke pitaaji aur dadaji Sadanand Kabiraaj aur Naranand Kabiraaj Baroda ke raja joki Gaekwad parivaar ke the wahan kaam karte the. Ek baar raja bahaut bimaar pade aur ….
DEBDYUTI: aur Sadanand ji ne unko bachaya aur raja ne unko kuch innaam mein diya…
MADHAV DUTT: haan parantu Sadanand nahi Naranand ji ne unka upchaar karke theek kiya tha aur badle mein inaam mein Akbar badshaah ka heera bhent mein mila….
DEBDYUTI: Akbar badshaah ka heera? baap re baap!
MADHAV DUTT: Anjan sahaab ne ekbaar aapko aane ke liye mere dwara yeh darqwast bheja hai. Woh khud nahi aa paye iske liye woh sharminda hai par itna vaisth hain ki woh..
DEBDYUTI: theek hai hum kal subhah saare dus baje pahaunch jayenge…
MADHAV DUTT: kal subha aapke yahan gaari bijwadunga.
Agle din subah Debdyuti aur Aabir inke ghar pahaunchte hain.
AABIR: ghar nahi mahal lagta hai…. Kaafi purana maloom padta hai. Marmat bhi nahi karwayi hai….phees de payenge hamaari?
DEBDYUTI: pushataini maloom padti hai
Tabhi Madhav Dutt ghar ke bahar aate hain aur unko andar le jate hain. Devdyuti aur Aabir bhaithak ghar mein Anjan Kabiraaj ka intezaar kartein hain
ANJAN KABIRAAJ: namaskaar aane mein koi taqleef toh nahi hui?
DEBDYUTI: nahi koi taqleef nahi hui… toh bataiye
Tabhi naukar teen glass sharbat aur nariyal ke mithai mez par rakh jata hai
ANJAN KABIRAAJ: aapko Madhav ne kaha hi hoga heere ke baarein mein… main aapko aur vistaar se is heere ke barein mein bata ta hun…yeh heera Akbar badshaah ke khazane mein se hain. Kaha jaata hai yeh unke singhasan jisse kehthe the PEACOCK THRONE uska hi ek hissa hai. Jab Nadir Shah ne akraman kiya inke rajya par aur loot liya toh kai loot mein yeh heera bhi shaamil tha. Uske baad iske baarein mein kisiko pata nahi chala. Is heere mein Arabic bhasha mein badshaah Akbar ka naam likha hua tha. Shayad kisi ne tohfe mein diya tha. Itna pata nahi mujhe khair…
Uske bahut saal baad yeh Turkistan mein paya gaya tab isko naam diya gaya SHEPHERD’S STONE. Athaarso chiyasath(1866) mein George Blogg ne Constantinopole mein khareed kar London le aaye. Iska wajan uss samay tha eksau solah carats(116 carats). Rang heen matlab colourless. Iss heere ko dobara ghis kar iska wajan kam kar diya. Lagbhag 72 carats aur issi dauran woh Arabic nakaashi bhi nasht ho gaya. Very sad! khair phir iss heere ko Mr Blogg ki company ne Gaekwaad parivar ko aathaarso sarsath(1867) mein kareeb teen lakh mein bech diya. Aur uske baad hamaare paas hai. Mera matlab tha.
DEBDYUTI: hmm! jahan chori hua hai woh jagah dhekh sakta hun… ?
ANJAN KABIRAAJ: haan haan zaroor... aaiye
Dono bhaithak ghar se nikal kar ek bade galiyare se hokar Anjan Kabiraaj ke kamrein mein jaate hain. Anjan apne almaari ki tijori kholke dhikhlate hain.
ANJAN KABIRAAJ : inn noto ke paas ek chothi si kaanch ki dibbi mein heera rakha hua tha
DEBDYUTI: iss heere ke barein mein aur kis kis ko pata hai….
ANJAN KABIRAAJ: mere ilaawa Madhav ko aur mere bhai Ranjan ko. Jo yahan nahi wilaayat rahta hai
DEBDYUTI: Madhav se pooch tach ki aapne?
ANJAN KABIRAAJ : haan par ussne mana kar diya. Uspar kya shaq karunga woh hamaara purana karamchaari hai
DEBDYUTI: theek hai abhi aagya dijiye aapse ek do din ke andar milte hain. Ek baat ka dhyan rakiyega, koi shehar ke bahar na jaye…. aap bhi nai…….namaskaar
AABIR: bhabhi do cup chai jaldi.. Mughal-e-azam cancel Akbar-e-azam chalu.
DEBDYUTI: Aabir kitne log hain zara batao
AABIR: Anjan Kabiraaj, Manav Dutt, Anjan ka bhai par woh vilayaat rahta hai. Do naukar, ek maali aur ek bawarchi.
DEBDYUTI: hmm! kal inse ekbaar pooch tach karenge.
Ussi raat 11.30 baje phone ki ghanti bajti hai…
DEBDYUTI: hello hello haan………. haan kya? Acha..
AABIR: kya hua?
DEBDYUTI: Anjan Kabiraaj Akbar badshaah ke paas .
AABIR: kya? Matlab gaya? mar gaya?
DEBDYUTI: yes sir! khoon hua hai, sar pe kisi ne waar kiya hai. Loss of blood, abhi jana hai chalo Mr Aabir
Anjan Kabiraaj ka shav bister mein khoon mein latpat pada hua tha, tijori khuli hui thi. Noton ki gaddi abhi bhi waise hi hai jaise Anjan Kabiraaj ne subah Debdyuti aur Aabir ko dhikhaya tha. Police aa gayi thi aur doctor bhi….
DEBDYUTI: hmm! Heera pehle hi chori ho gaya hai phir kyun khoon aur…acha Doctor saahab aapko pata chal raha hai ki kis samay khoon hua?
POLICE DOCTOR: kareeb dus se gyarah ke beech
DEBDYUTI: hmm!….ab toh do cheez hai… Anjan ka hatyara kaun aur woh heera churaya kaun…
Debdyuti ne Madhav dutt ko kaha ki ghar ke sabhi sadyasaye ko yahan le aaye…
DEBDYUTI: kabse kaam kar rahe ho aur khoon ke samay kahan the tum log?
MAALI: main kareeb paanch saal se yahan kaam kar raha hun sahaab, main toh subah dusre shehar pedo ke khaad lane gaya hua tha abhi raat ko hi lauta hun
BAWARCHI: maine… maine khoon nahi kiya sahaab…
DEBDYUTI: woh tum humare pe chor do. Tumhe jo poocha jaye woh bolo?
BAWARCHI: main …main… dus saal se yahan par hun aur main apne kamre mein soya hua tha….
NAUKAR: ji do saal se. Main apne kamre mein tha….woh raat ko thoda sa nasha kiya tha toh…..sogaya tha main…
NAUKAR 2: maine kareeb che saal se yahan naukri kar raha hun. Aur main abhi gaon se lauta hun. Woh dhekhiye mera baksa pada hua hai….
Debdyuti aur Aabir in sab ke saath pooch tach karne ke baad inke kamre ki talaashi li. Aur police ko pehara den eke liye kaha.
DEBDYUTI: Dutt babu aap uss samay kahan the?
MADHAV DUTT: Main kuch der ke liye bahar bazaar gaya tha woh torch ka batterie khatam ho gaya toh woh khareedne gaya tha…bus aate aate saare dus baj gaye.. Woh Anjan sahaab se kuch kaam tha toh main unke kamre mein gaya aur unhe iss halath mein paya…
DEBDYUTI: matlab aap log yeh keh rahe hain ki koi bhi us samay aas paas maujood nahi tha jab yeh khoon hua? Koi bahar se aaya khoon kiya aur chala gaya? strange! Very strange…..
Madhav Dutt chup chap khara tha... tabhi Debdyuti ne cigarette jalayi aur….
DEBDYUTI: acha abhi hum chalte hain .. by the way batteries kaunsi khareedi thi aapne aur kitne ki?
MADHAV DUTT: ever..eveready ke badi wali batteries cha… chaaalis rupaye…
DEBDYUTI: ok thanku…
AABIR: tujhe lagta hai yeh sab log theek bol rahe hain?
DEBDYUTI: yeh abhi bolna thoda mushkil hai…
AABIR: acha detective saahab jab main Anjan ke kamre se nikla toh aap thodi der baad nikle kyun?
DEBDYUTI: wah! wah! maan gaye ustaad. Kya observation hai. yeh dhekh….
Debdyuti apne kameej ke pocket se ek choti si cheez nikal ke apne ungliyon ke beech rakhe Aabir ko dhikhate hain
AABIR: Heera! kya baat kar raha hai….mil gaya heera?
DEBDYUTI: ssshhh! Yeh woh heera nahi hai. Dhekh iske ek taraf kala kala sa hua pada hai. Yeh koi angoothi se nikla hua hai. Aur yeh clourless nahi hai. Halka peele rang chada hua hai. Shayad jab khooni ne waar kiya ho toh uski angooti se yeh nikal gaya ho. Par kiske?...Na toh Mr Anjan angoothi pehnte hain nahi Mr Dutt….toh khooni hi hoga
AABIR: chalo abhi ghar chalte hain.. kal phir shamashan ghaat jana hai…Mr Anjan ka antim sanskaar kal hoga …uska bhai bhi aayega wilaayat se ?
DEBDYUTI: haan par postmortem ke baad hi hoga sab.
Agle din Anjan Kabiraaj ke ghar logo ka bheed jama hua tha. Shav safed kapde mein lapeta hua tha.. kaafi log unko apni antim shradhanjali de rahe the…..
AABIR: Deb kaafi bheer hai na?
DEBDYUTI: haan…woh toh hai. Postmortem ki report kehti hai ki koi bhari cheez se waar kiya hai. Maut sawa dusk e kareeb hua hai….
AABIR: hmmm!
DEBDYUTI: acha ek cheeze gaur ki hai tune?
AABIR: kya?
DEBDYUTI: arre shav par nahi wahan darwaaze ke paas ek aurat ko dhek raha hai…?
AABIR: haan! toh?
DEBDYUTI: abe saale! har koi jo yahan hai ek baar shav ke pas aa raha hai aur pranam karke chala jaa raha hai, par yeh aurat tabse dhekh raha hun wahin darwaaze ke paas khadi hai aur saari ke paloo se muh ko dhaki hui kabhi kabhi aason poch rahi hai…. Haala ki aur bhi aurate jo yahan rahte hain shav ke paas aaye hain aur pranam karke chale gayen hain
AABIR: tu keh raha hai kuch...
DEBDYUTI: pata nahi just a guess! Chal mauka milne par isse poochtach karenge. Nazar rakhna padega ispar
AABIR: ek raat mein kya kya ho gaya. Kal subha ki baat hai hum log Anjan se baat kar rahein the aur ab…
DEBDYUTI: hmmm! Arre woh jaa rahi hai pakad usse?
Debdyuti aur Aabir us aurat ke peeche bhagte hain
DEBDYUTI: ek cup chai pee sakte hain hum?
Debdyuti ne peeche se us aurat ko jakar kaha
AURAT: aap log kaun hai?
DEBDYUTI: main Feluda hun aur yeh Byomkesh. Aapko koi aetraz hai? Aapka jyada samay nahi lenge, kuch sawaal bus.
Debdyuti, Aabir dono us aurat ke saath ek chai ki dukaan ke paas bhaite hain
DEBDYUTI: haan toh bataiye aap kaise jaante hai Mr Anjan ko. Aapko ekbaar bhi shav ke paas jaate hue nahi dhekha. Kyun?
Aurat abhi bhi chup bhaithi hui thi
DEBDYUTI: dhekhiye aap chup jab tak raheingi hum log chaye aur cigarette pite raheinge aur cigarette peena sehat ke liye hanikaarak hai toh bataiye kya janti hai Anjan ke baarein mein?… humein koi jaldi nahi hai….
AURAT: mere pet mein Anjan ka bachcha pal raha tha joki Anjan ne apne doctor se kehlwakar gira diya….acha hua mar gaya. Jisne bhi khoon kiya hai bhagwan uska bhala karein
DEBDYUTI: aapko pata hai iss baat par main aapko jail bhi bhijwa sakta hun kyunki ab mujhe lagta hai ki khoon karne mein aap bhi shaamil hai…
AURAT: Anjan ki rakhail thi par kameeni nahi. Usne rakhail manaa tha maine nahi. Usne jabardasti mera bachcha girwaya. Saala randwa…..acha hua mar gaya. mujhe pakadwana hai lo pakadawa do …..par maine kuch nahi kiya….
DEBDYUTI: acha.. mujhe woh doctor ka pata bata sakti hain jisne aapka bachcha girwaya tha?
Debdyuti aur Aabir uss doctor ke clinic par
DEBDYUTI: namaskaar woh doctor saahab…mere biwi ko bachcha hone wala hai….par main bachcha nahi chahta abhi? Toh..
DOCTOR: haan haan thik hai abhi mujhe kahin nikalna hai aap baad mein aaiye.
DEBDYUTI: kahan jaa rahein hai aap?
DOCTOR: woh gaon jaa raha hun kuch kaam hai. Aap parso aaiye tab tak yeh dawai le jaiye..
DEBDYUTI: chup chap baith jaiye nahi toh goli se bhun doonga. Aabir police ko phone kar. Doctor sahaab yeh heera aapke anghoothi ki hain jo kal aap Mr Anjan ke ghar bhool aaye the? Aapni dhaihine haath ki anghoothi par nazar daliye.
Doctor samaj hi nahi paa raha tha ki kya ho raha hai… Police aa jati hai aur usse thane mein pakad kar le jaati hai..
DEBDYUTI: toh janab yeh heere ke barein mein kya bolenge ?
Paseene se doctor ka matha bulb ki roshni mein chamak raha tha aur saath mein heera bhi…
DOCTOR: woh … woh…
Doctor ki nazar phati ki phathi raha jaati hai aur woh dono haath se apne muh ko chupa leta hai…
DEBDYUTI: to bataiye kya hua tha?
DOCTOR: Mr Anjan ka ek aurat ke saath najayaz sambandh tha. woh aurat Anjan sahaab ke bachche ki maa banne wali thi. Anjan sahaab ne mujhe yeh bachcha girane ke liye kaha tha. Jab main iske baad unke ghar gaya toh unhone mujhe apne kamre mein bulaya aur tijori khol ke paisa nikal ke diya toh tijori mein pade heere par meri nazar gayi. Maine tabhi taye kiya ki iss heere ko chura lunga aur shehar ke bahar chala jaonga. Kaafi kimti maloom pad rahi thi, par jab uss raat ko main dus baje pahauncha aur toh Mr Anjan jaag gaye, maine paas padi lohe ke taale se unke sar pe de maara. Phir unke takiye ke niche se chaabi nikali aur tijori kholi par…..
DEBDYUTI: par heera tha nahi…..I see! Daroga ji aap inka byan likh lijiye aur inpar karawayi kariye Anjan ke khoon ke silsile mein.. main ab dhekhta hun ki heera gaya kahan….
Debdyuti aur Aabir thaane ke bahar aate hain aur chup chap soch mein doobe hue chal rahe the ghar ki aor.
AABIR: Deb woh dhek Madhav Dutt ja raha hai bahaut jaldi mein lag raha hai e Madhav…
Aabir ne Madhav Dutt ko pukara tabhi Debdyuti ne apne haath se Aabir ka muha band kiya
DEBDYUTI: abe kya kar raha hai? Chup ho jaa dhekhne to de woh kahan jaa raha hai.
AABIR: sorry sorry! Par yeh kalkatta sangrahalye se bahar kyun aa raha hai?
Madhav Dutt rikshaw main bhaithe hain uske peeche Debdyuti aur Aabir bhi bhaite hain ek aur rikshaw mein…
Railway station…..
MADHAV DUTT: teen ticket Puruliya ke liye dena.
Debdyuti aur Aabir bhi pahaunch jaate hain peecha karte hue station.. idhar Madhav Dutt ticket khareed kar telephone booth ke taraf jaate hain…
MADHAV DUTT: hello hello Raghu ticket mil gaye hain. Haan kal subha ke saath baje ki. Bol kahan milna hai. Aur haan uss ko bhi bula le. Acha acha raat ko wahin milte hain theek hai….gud gud chal rakta hun
Debdyuti aur Aabir yeh chupke sun rahe the…aur idhar Madhav Dutt phone rakte hue… apne mein badbada ta hua…
MADHAV DUTT: bade bade pair. Kisi ki nahi khair
dharti kaapein. hum sab bhaagein… wah! hum sab bhaagein
DEBDYUTI: hmmmm! Yeh Raghu kaun hai? Usko bhi bula lena?... yeh usko kaun hai? raat ko wahin milte hain, inn sabka matlab kya hai?
AABIR: Hmmmm! Aur phir : bade bade pair
kisi ki nahi khair
dharti kaapein
hum sab bhaagein …matlab?
DEBDYUTI: sochna padega par jaldi… yeh log Puruliya jaa rahein hai. Pehra bhi toh hat gaya hai. Khoon ki ghutthi jo sulaj gayi hai…
Debdyuti aur Aabir phir se soch mein pad jaate hain aur station se bahar nikalte hain
AABIR: ae tanga waale chaloge …
DEBDYUTI: Aabir! Arre Aabir bade bade pair….dharti kaapein bol toh kya ho sakta hai…..
Debdyuti thoda muskurake…
AABIR: kya matlab? Haathi?
DEBDYUTI: are nahi dinosaur. Dhek bade bade pair. phir teesri line.. dharti kaapein
AABIR: haan toh?
DEBDYUTI: arre! Dinosaur se kuch hai. Aur abhi dinosaur sirf museum mein hi hoga. Aur yaad hai jab thane se bahaar a rahen the toh Madhav museum se bahaar aa raha tha. kyun? Kuch gadbar hai….aaj raat ko museum band hone ke pehle hi pahaunch jayenge shayad kuch haath lage… who keh bhi raha tha raat ko wahin …..
Raat ke aath baje se pehle hi Debdyuti aur Aabir sangrahalaye ke andar dhakhil ho jaate hain. theek aath baje sangrahalye band ho jata hai aur yeh dono chup jate hain ek murti ke peeche. Achanak raat ke gyarh baje sanghralaye ka darwaza khulta hai… sanghralaye mein andhera hone ke karan jo andar aata hai uske haath mein torch rahta hai. Aur phir do minute baad kuch todne ka awaaz sunayi padta hai tabhi..
DEBDYUTI: lights on….
Aur tabhi pure sangharalye ki battiyan jal uthi hai aur Mr Anjan Dutt ke haath mein Akbar heera chamak raha hota hai.
AABIR: akbar-e-azaam!
DEBDYUTI: daroga sahib pakad lijiye in dono ko.
Debdyuti ke kaha anusaar Daroga saheb aur unke aadmi sadharan kapdon mein sangrahalye mein pehle hi ghus gaye the aur alag alag jagah mein chip gaye the.
DEBDYUTI: Madhav Dutt ko jail mein rakhne se pehle guthi kya hai yeh toh pata karein. Haan toh Madhav yeh teesra waikti kaun hai batao?
MADHAV DUTT: Suparna Devi. Woh jo Anjan saahab ki rakhail…darsal Anjan saahab ki yeh ek buri adaat thi. Mujhe har baar kisi na kisi ko le jana padta tha unke paas. Ek baar aise hi hua parantu iss baar Suparna devi wapas aayi aur kaha ki woh Anjan sahaab ke bachche ki maa banne wali hai, toh Anjan sahaab ne saaf mana kar diya. Suparna devi mere paas rote hue aayi. Aur kaha main is parivaar ko badnaam kardongi… Toh maine ek tarqueeb sujhai Anjan sahaab ko.
Main ek doctor le aaya aur kaha ki bachcha yeh girwa dega aap sirf paise dedena. Sahaab maan gaye. Par Suparna Devi nahi raaji hui. Bahut manaane ke baad Suparna devi ne kaha theek hai par meri ek shart hai. Shart waali baatein sahaab ke saamne nahi ho rahi thi. Suparna devi ne mujhe baad mein kaha. Maine poocha kya? Usne woh heere ki kwaish ki…joki Anjan sahaab ne isko ek baar dhikhya tha… maine pehle mana kiya par phir socha yahan rehkar mera bhi kya hoga toh maine kaha theek hai tu bachcha girwa de main mauka pate hi heera tijori se nikaal lunga.. aur main bhi bag chalunga. Phir jab bacha gira diya aur Anjan sahaab ne..
DEBDYUTI: iss beech Doctor ko paise dene ke liye Anjan babu ne ghar bulaya. Galti se unhone tijori doctor ke saamne khola. Doctor ki nazar heere par gayi aur usne man banaya ki yeh woh harap lega…. par thodi der ho gayi kyunki …..agle din Mr Madhav Dutt ne chabai ka duplicate banaya aur tijori kholke heera chura liya. Kyun?
AABIR: par chaabi?
DEBDYUTI: Arre! Asli chaabi ka chaap saboon par lekar nakli chaabi bana liya. kyunki asli chaabi mein se abhi bhi woh khusboodar saboon ki khushboo aa rahi hai. Kyun Mr Madhav?… sahi keh raha hun na main?. Aur jab chori ke agle din Mr Madhav ko mere yahan beja gaya toh unhone woh heera agli raat apne dost ke paas le gaya. Aur ussi raat doctor sahaab aaye par unke haath kuch nahi laga. Iske baad kya hua back to Mr Madhav
MADHAV DUTT: Uske baad……
Lambi saan chorkar
MADHAV DUTT: main apne dost jo ki sanghralaye ki dhek rekh karta hai usse dhikhya toh woh bola iski bahaut kimat hai...aur tabhi koi aadmi wahan dinosaur ke kankaal ko dhekhne aya tha toh jald baaji mein mere dost ne woh heera iss kankal ke paro ke haddiyon mein chupa diya
DEBDYUTI: mujhe tum pe tabhi shaq hua jab main bazaar jaakar batterie ka kimat poocha. Batterie chalis ki nahi pachpan ki hai
RANJAN KABIRAAJ: bahut bahut dhanyawaad Deb babu. aapke wajah se yeh heera wapas hamare paas laut aaya. Kitni fees? sankoch mat kariyega?
DEBDYUTI: woh jo aap theek samje par haan saath mein Mughal-e-azam ke teen tickton ka daam zarror is fees mein jod dijiyega…
