POCKETMAAR

PAYALIA

Suraj ki roshni khidki ke andar deewar par tange aaine par padi, jo takra ke khidki ke ulti taraf 

ek pocketmaar ki aankhon ko chaudhiyaan gayi. Pocketmaar Raju ki nazarein khidki ke taraf gayin. Ek bees pachchis saal ki ladki ghusal-khane se nahakar laal rang ke blouse aur petticoat mein bahar ayi aur aaine ke saamne aakar  khadi ho gayi. Raju dabein paaon jakar khidki ke paas chhup ke khada ho gaya. Ladki ne paas rakhein radio ko on kiya aur table par rakhhe kajal ko apni aankhon mein lagane lagi. Raju ko ab aaine mein iss ladki ka chehra dhikhayi de raha tha, par usse zyada uski nazar un boondon par thee jo geele baalon se girkar ab uss ladki ke peeth se hote hue petticoat ke andar jaa rahi thee. Ussi waqt radio mein gaana bajna shuru hota hai

Jaanu nahin kaise, jaanu nahin kaise,

Piya ghar jaun

Paayaliya, paayaliya kahe ke piya ghar jaaun

Paayaliya, paayaliyaa..

Paayaliya chhan chhan, chhan chhan shor kare mohe 

piya ghar jaaun

Paayaliya, paayaliya kahe ke piya ghar jaaun

Raju dheere se bol para “By god”Ladki ne daraaz se lipstick nikali aur apne hothon par lagane lagi. Lipstick lagate lagate usne  pocket maar Raju ko aaine se dhekha liya, muskurate hue woh lipstick lagane lagi. 

Araj araj kari, garaj karajwa ko

Kare hal pal bechain

Daras daras ko kahe paayaliya

Aas lagawe din rain

Soojh boojh bhulawe

Goonj goonj uthawe

Piya ko pukare haye re...

Jab wah ladki Kumkum lagane lagi, Raju, aur ache se dekhne ke liye, aediyan upar karke jhankne laga. Uss ladki ko aine se ye sab dikh raha tha par wo na dekhne ka dhong kar rahi thee.Ladki ne apne petticoat ko thoda aur niche kiya jisse Raju ko uski nabhi dhikhayi dene lagi. Ussi samay use bahut door se kuch logon ki awaaz sunai dene lagi. Use laga usne jiska batua mara tha woh aur logon ko ikattha karke aa raha hoga par gaur se sunne par use sunayi diya  “Raam naam satya hai, satya bolo satya hai” Raju ki nazar radio ke paas rakhe ek fauji ke tasweer par gayi.

Asar asar aso basar basar kari

Neendein bisar karde

Janam janam ki preet lutati haye

Saiyan ke milan ko re

Paas paas bulawe

Raas raas rachawe

Piya ko manawe hai re..

Payelliyaan…. payelliyaan kahe ke. piya ghar jaaon

Raju phir se ladki ki taraf dhekne laga. Usne motiyon ki mala khuthi se utaar ke, pehn lee. Raju ne moti ke haar mein lagi locket ko dekha jo ki ladki ke blouse ke thik pehle hook ke upar latak rahi thi, tabhi “raam naam satya hai satya bolo satya hai” ki goonj aur bhi paas se sunayi dene lagi. Gana ab bhi chal raha tha

Payelliyaan…. payelliyaan kahe ke. piya ghar jaaon

Logon ka jhund ab shav ko lekar isi khidki ki taraf aa raha tha. Ladki un logon ki awaaz sunkar khidki ki taraf muri. Pocket maar ko laga ki shayad woh pakda jaayega isliye woh bhagne laga aur un logon mein se ek aadmi se takra gaya. Ladki ne awaz sunke apne ghar ka darwaaza khola. woh shav ko dhekhte hi ghabra gayi, Shav zameen par girne hi wala tha ki tabhi ghar ke bagal ki gali se ek fauji nikla aur shav ko girne se bacha liya. Weh log shav ko leke nikal gaye. Fauji ne ladki ki taraf dhekha aur ghar ke andar chala gaya. Ghar ka darwaza bandh karte hue Ladki hansne lagi. Bandh darwaze ke peeche Fauji ne ladki ko darwaze se satta diya aur uske hothon par ungli sehlate hue kaha “tumhara pati to sarhad mein shaheed ho gaya aur tum ek dusre aadmi ke saath, very bad”   

COOKER KI SITI

“Arre Munna… gas par zarra cooker chadhha de”, Sarfarosh ki awaaz sunkar Munna ne neend se uthkar paas rakhe cookeron mein se ek cooker uthakar gas par chadhha diya aur maachis dhundne dusre kamrein mein gaya. Issi dauraan bathroom se nikalke Kaif rasoi ghar mein apne cigarette ke liye maachis dhoondne gaya. Use bhi machis nahi mili. Rasoi ghar ke nikalte waqt uski nazar gas par chade cooker par gayi. Cooker ke andar dekhke woh muskuraya aur Sarfarosh ko rasoighar mein bulaya. Sarfarosh cooker ke andar dhekhke chilla para “ Abe bhain ke laude madar chod marwayega kya saale…. Munna …Munnaa, abe RDX se bhara hua cooker gas pe kyun rakh diya suaar ki aaulaad…” Munna ne bhaagte hue rasoighar mein ghuskar Sarfarosh ki laal aankhon ko dekha. “Abe jahan se laya tha wahan ek aur cooker chawal aur paani se bhara hua tha woh gas par chadhana tha” yeh kehkar Munna ne dekha ki wo nange pair hai toh Kaif ke taraf isshara kiya ki wo apne chappal se Munna ko mare. Isse pehle ki Kaif chappal utaarke Sarfarosh ko deta,Munna wahan se bhag chukka tha aur Sarfarosh uske peeche chappal lekar bhaag raha tha.Yeh dhekhar Kaif zameen mein bhaithkar zor zor se hasne laga

“Maa maa nahi… main yahin thik hun bister ke neechein”, “ Kaif kuch nahi hoga.. pataake hi toh hain beta aur kuch phool jhadiyaan. Kundan laya hai. Ja beta tere saath woh patake jalana chahta hai. Mera sher beta hain na. Aa bahar aa ja”  Kaif ki maa ne use bister ke neeche se ghaseet kar nikala. Kaif ko diwali ka tyohaar kabhi bhi pasand nahi aata tha. Agar koi use zabardasti phooljhadi pakada deta tha toh ek haath se kaan dhak ke chalata tha. Maa use kamre se bahar barande mein le ayi. Kundan Kaif ko haath pakadke saamne ke maidaan mein le gaya. Wahan har koi Diwali mana raha tha. Kundan ne Kaif ko ek  jalti hui phuljhadi thama di. Issi beech wahan par ek kaali jeep se goliyaan barsate hue kuch aatankwadi aa gaye. Kaif ne dhekha kuch goliyaan uske ghar ki taraf chali aur kuch goliyan maidan ki taraf. Usne apne haathon se dar ke mare apne aakhein band kar leen. Aakhein kholi toh uske haathon mein khoon tha. Usne ghabrakar idhar udhar dhekha, Kundan ko goli lagi thi. Uski khoon ki chheethe uske haathon par thi. Woh bhaagte hue apne ghar ki taraf gaya. Uske saare gharwale ab khun mein lipte hue the. Kaif ne muhalle ke bahar tak us jeep ka peecha kiya. Jeep se abhi bhi atankwaddi goli chala rahe the. Un logon ne jab Kaif ko aate hue dhekha toh ek atankwaadi ne uspar bandook tani. Doosre atankwadi ne bandook chheen li aur jeep wale ko raftar kam karne ko kaha. Kaif ka fasla jeep se kam hota gaya. Iss atankwaadi ne use god mein utha liya. Jeep mein andhera hone ke wajah se Kaif iss atankwaadi ki shakal nahi dhekh paya, par apne nanhe haathon se poore zor se use maarne laga.

“Haan bhai kahan kho gaya, chal uth aur lag ja kaam pe. Bhaijaan aaj hi aane walein hain, ek 

baar woh sab ok kar denge toh humara kaam pura ho jayega. aur sun pehli baar aa rahein hai, pata thik se likhwa diya tha na?” Khaif ne haan bhari “Bhaijaan, aap taye samaye se pehle aa gaye,  bhaijaan aaiye aap to chaar baje aane wale the, ye do baje…?” “Toh kya hua. Bas aa gaya…” Tabhi Munna ek plate ghosht leke aya “Bhaijaan cooker mein chawal chadha diya hai. Jab tak teen siti maare tabtak  lijiye khuch muh theeka kijiye, kaam ke baad toh muh meetha karenge” Munna zor zor se hasne laga yeh dhekh Sarfarosh ne uske pichwaade pe ek laath mara. Bhaijhaan ne mutton ka ek tukda chakha. 
Sarfarosh ne Bhaijan se kaha “Bhaijaan, Kaif aaj kal bahaut khoya khoya rehta hai…” “Kyun bhai, kya hua? Mohabbat wagere ka chakkar toh nahi hai. Woh saala hum attankwaado se bhi kaufnaak hota hai. Suno, mohabaat karna hai toh bas apne mulk se karo, aur apne mulk ko mohabaat jatana tabhi mumkin hai jab dusre mulk ko uske saamne neecha dhikhaya jaye, isiliye hum jitna khauf paida karte hain humara mulk aur taqatwar hota hai, kya smajhe. Barkhurdhar apne mulk se mohabaat karo baki sab bekaar hai, kyun Sarfarosh?” “ Ji Bhaijaan”, “Apne mulk se mohabbat karte ho toh uske liye jaan bhi do, aur zarroorat pade toh jaan lo bhi…” Munna ne bina kuch samjhe TV chala di aur usmein gana shuru ho gaya. Isse pehle ki Sarfarosh kuch bol payein, Bhaijaan ne Sarfarosh ko chup kara diya aur TV dekhne lage.

Babuji dheere chalna, pyaar mein zara sambhalna,

haan bade dhoke hain, Bade dhokhe hain iss raah mein, babuji dheere chalna

Kyun ho khoye hue sar jhukhaye, jaise jaate ho sab kuch lutaye,

yeh toh babuji pehla kadam hai, nazar aate hain apne paraye

…haan bade dhoke hain iss raah mein, babuji dheere chalna…

Tabhi Bhaijaan ne Sarfarosh ko ishare se kaha ki darwaaze par koi hai. Sarfarosh ne dheere se jaakar darwaaze ko achanak khol diya toh dekha ki woh pocket mar Raju hai. Uss mohalle se bhagte hue wo iss ghar ke aangan mein chhupke bhaitha hua tha. Woh inki saari baatein sun raha tha. Darwazza khulne par woh kamrein ke andar zameen par aa gira, “Kaun hai be tu kya sun raha tha” “khuch nahi woh woh…” Sarfarosh ne uske peeth par ek laath mari. Teen din se khuch kahya nahi tha, khali pet laath khaake uski nazar plate pe pade haddiyon par gayi. Tabhi ek aur laath uske peth ke daayin or padi toh woh khade hokar cheekha“ bhadwe saale haram khor” kehkar wahan se bhaga. Sarfarosh aur Munna bhi uske peeche bhaage. Bhaijaan sar pakadke bole“ Kyun faltu ka sab ladai karte hai , abey ab toh maar hi dalenge us ladke ko, kabhi bhi taqatwar par chadne ki koshish nahi karni chahiye. Agar woh thuke toh chaat leni chahiye, kya zaroorat thi us ladke ko gaali dene ki…” Kaif Bhaijaan ki taraf dhekh raha tha ki tabhi gas pe chade cooker ne siti maari. Us awaaz se Kaif ki nazar bhaijaan se hatke paas pade RDX bhare cooker par padi, usne Bhaijaan ke sar par de mari. RDX ke kuch tukde khoon mein rangte hue zameen pe gire. Bhaijaan wahin dher ho gaye.

Raju bhaagte bhagte thak gaya tha. Use raste mein ek paani ki tanki dhikhayi di, usne jaldi se uska nal khola aur paani se apna muh dhone laga. Thoda sa aur dur jaake woh ek chai ki dukaan ke paas akar khada hua , usne ek cup chai mangi, usne adhi gilaas pee hi thi ki peeche se Sarfarosh aur munna aa gaye, usne chai ki pyaali wahin chodi aur bhagne laga. Chai wale ne peeche se pukara. Raju ruk gaya. Pata nahi aisa kya hua ki uske andar ka zameer jag gaya. Usne bina soche batua wahan chor diya aur bhag gaya, Sarfarosh aur munna bhagte bhagte iss dukaan ke paas akar ruke usne chai waalein se batua manga, chai wale ne batua dete hue kaha “ kya chutiya insaan tha batua pura degaya… Maine batue se apne paise le liye hain..” Sarfarosh batua lekar bola “Mera batua hai, leke bhag raha tha…” Kehte hue woh wahan se chala gaya. Munna ne Sarfarosh se batua lekar dekha toh uske ek pocket mein kuch paise the aur doosre pocket mein ek tasweer…

JHADOO WALI

Pocketmar bhaagte hue ek gali mein ja pahuncha. Itna bhagne ke baad woh ek jagah pet pakad ke bhaith gaya. Wo zindagi mein itna nahi bhaga tha jitna ki aaj bhaga. Zyada bhagne se uske pet mein dard shuru ho gaya tha. Woh haphne laga, sham ke chaar baj gaye the, Raju ki saans abhi bhi phool rahi thi. Uski kismat achi thi ki gali mein koi nahi tha. Woh phir se khada hoke chalne laga. Uske paas ab woh batua bhi nahi tha, bhook bhi lagi thi. Usne nazar daurai toh samne ek makaan nazar aya. Pehle maale ka darwaaza khula tha, woh chup chaap seediyon se chadhkar us makan mein dhakil ho gaya darwaza pehle se thoda sa khula hua tha, kamrein ke bister mein ek aadmi leta hua tha. Uss admi ko laga ki koi andar aaya hai, jaisi hi usne qarwat badli tabhi Raju bister ke neeche chhup gaya. Usse laga jaise darwaza pe koi tha ki tabhi uski nazar darwaaze ke bahar kamrein mein roz jhadoo marne wali Kajri par gayi. Woh kamrein ki taraf aa rahi thi, ussi waqt bister ke neeche Raju ki nazar bhi darwaaze ke bahar Kajri par gayi, sawlan rang, ghutno tak laal rang ki saari, pairon mein paayal, hare rang ki blouse, garib hone ke karan blouse mein do button  toote hue the, saari ka palloo bhi garmi ke karan pure blouse ko dhak nahi raha tha. Raju blouse mein aadhe chhupe hue itne bade waale kabhi nahi dhekhe the. Uski nazar uski chhati par likhe panktiyon par gayi jo aadhi nazar aa rahi thi aur aadhi blouse ke andar chupi hui thi ‘ haan maadarzaat….’Kajri ab kamrein mein dhakhil hui, paas wale chhath par Gangu ne apne ghar naai ko daari banawane ke liye bulaya tha. “ Aa bhai Guutu yahan bhaithte hain. Zara woh charpai par rakhe radio chala dena, thoda tez kardena awaaz….” Idhar kamrein mein Kajri ne jhaadoo lagana shuru kiya. Bister par leta aadmi uth kar baith gaya, woh taktaki lagaye Kajri ke blouse ke andar nazar daurata gaya. Kajri ki chhaati par likhi panktiyon par bahaut bar uski nazar gayi par aaj tak fark nahi pada, woh har din Kajri ke blouse ki taraf dhekhta tha, Kajri kuch bhi kehti toh uske taraf dhekhta  aur phir uski nazar neeche phisal jaati, jaise aankoh se hi chhed kar dega Kajri ke badan ko… Tabhi Gangu ke radio mein Jagjit Singh ka gana bajne lagta hai.

Jhuki Jhuki see nazar bekaraar hai ke naheen

dabaa dabaa saa sahee dil mein pyaar hai ke naheen

tu apne dil ki jawaan dharkanon ko gin ke bataa

meri tarah teraa dil bekaraar hai ke naheen

Raju bister ke neeche se  Kajri ko jhadoo marte hue dhekh raha tha, Raju ka rang kaala hone ke wajah se bister ke neeche aasani se chupa hua tha… Tabhi uski nazar bister ke saamne lohe ki almaari par lagi aaine par gayi, bister pe bhaithe hue aadmi ka pratibimb usmein nazar aa raha tha. Raju jaan gaya ki bister par leta aadmi ab bhaith gaya tha aur kis shareefo waali nazaron se kajri ki tarf dhekh raha tha. Uss aadmi ne apne shirt ke button khol liye the aur apne haathon se apne chaathi ko sehela raha tha. Yeh sab harkhate Raju aaine mein dhekh raha tha, Kajri abhi bhi jhaadoo mar rahi thi, aadmi ne paas pade gilaas ko zameein mein gira ke kaha “Kajri… zara…idhar bhi jhadoo maar de… Kajri uss aadmi ke taraf dekhke muskurai.  Is baar Raju ki nazar Kajri ke chehre par gayi. Kajri ke chehre par halki hakli daari ugi hui thi. Raju ne yeh dhekh kar apni aankhein band kar liye. Kajri ab bister ke paas ayi, aur sheeshe ke tukde zameeen se uthane lagi. Woh ghutne ke bal phir se bhaith gayi. Raju ki nazaar ab Kajri ke nange ghutno ki taraf gayi. Zahir si baat hai pairon pe baal nahi the aur ladki ke pairon ki tarah lag rahe the, usse bada man hua usse chhune ka, ki tabhi Kajri gilas uthake khadi ho gayi aur bister par bhaith gayi, aur apne pair latkake hilane lagti hai. Uski payal ki awaaz uss kamrein mein chhaye sannate mein background score ka kaam kar raha tha, Jagjit Singh ke gaane ke saath…

wo pal ke jis mein mohabbat jawaan hotee hain

us ik pal kaa tujhe intazar hai ke naheen

Raju phir se aaine mein dhekhne laga, usne subha se ek boond paani nahi piya tha par pata nahi kahan se uske muh se laal tapakne lagi. Kajri us aadmi ke badan ko apne haathon se sehla rahi thee. Uss aadmi ne Kajri ke gardan par kaanpte hue haath rakha, tabhi Kajri uss admi ko apne bahon mein lekar  kas ke pakad liya. Raju ke andar ab tak aag lag gayi thi, uski nazar almari ke pas do bhaisakhi par gayi. Woh apne aap ko aur sambhaal nahi pata hai, woh bister ke neeche se bahar nikla aur bhaisakhi utha ke us aadmi ke sar par zor se waar kiya. Aadmi behosh ho gaya. Uske usne kajri ko dekha. Uske daari walein chehre ko der tak ghoora. Kajri bhi Raju ko dhekhta raha, Raju jor jor se hafne laga. Usne Kajri ke blouse ki taaraf dekha, woh apne aap ko sambhal nahi paya aur dono haathon se blouse ko phaad diya. Kuch der tak Kajri ke nange badan ko dhekhta raha. Ab use uske chhati pe likhe poori panktiyan padne mein aa rahi thee. ‘Haan maadarzaat yeh wahi hai jo tere maa aur bahan ke paas hai’ Raju thodi der ke liye chup chap khada raha, jaise kisi ne bahaut bada raptaa mara ho, uski maa thi nahi aur bahan ko samaj walon ne paida nahi hone diya tha… Aur phir Raju kehta hai “ Tu jhaadoo saaf karne ke liye marti hai ya… maaila karne ke liye…” kehkar wahan se baag jata hai.

COOKER KI SITI

Sarfarosh ne wapas ghar jate hue us tasweer ko batue se nikala. Ek black and white picture jismein Bhaijaan beech mein bhaithe the, godi mein Kaif tha, ek tarf sarfarosh bhaitha hua tha, dusri taraf dusre bache bhaithe hue hain, munna haske bola “ Bhai aap kitne chothe lag rahe hain, kab ki tasweer hai ye?” “abe us samay chotha tha toh chotha hi hunga na, aise fold hoke toh paida nahi hua tha…” Sarfarosh apne haath se apne aap ko napte hue kahata hai “kab ki hai?” “ Pachchis saal purani, jab bhaijaan ki batteeswi saal girah thee, toh hum logo ko saath tasweer khichwaya tha. Aaj jo bhi hain bhaijaan ki wajah se hain warna main saala kahin pada hota sadak ke kinaare.” “Aur god mein Kaif?” “ Haan issko humne bhaijaan ke iss janamdin ke ek saal pehle Diwali mein ek mohalle se uthaya tha…” “Toh iss pocket maar ko bhaijaan ka batua kahan mila?” “Pata nahi shayad jab Bhaijaan idhar aa rahe the tabhi churaya hoga, aur kismat dekh woh bhi yahin aa pahuncha,” “Hmm kya itefaaq hai, chalo ghar jakar bhaijaan ko batua wapas karte hain…..”

CHOCOBAAR

Raju uss kamrein se nikalte hue seediyon se utarkar bhagne laga, uski aankhon ke samne abhi bhi Kajri ki chhati par likhe hue panktiyon aa rahi thi. Use laga ek baar toh Kajri ko bahaon mein le lena chahiye tha, pata nahi use uss samay kya hua ki who wahan se bhaag aaya. Raju yeh sab sochte sochte raaste mein chalne laga, daurna bhool gaya tha. Usne phir socha ki wapas ek baar jaye ki tabhi peeche se ek bike waale ne use mar diya, woh raaste ke paar jakar gira. Uske ghutno mein chot lagi hui thi, behoshi ki halath mein usne dhekha ki jis bike ne usse mara tha woh ek aurat chala rahi thi…

“ Kaisein hain bhaisaaab. Maaf kijiyega, dhekhiye galti phir bhi aap ki thi, aap beech raastein mein chal rahein the, main ghabra gayi aur brake nahi laga paayi” Raju ne bister se uthne ki koshish ki toh wapas bister mein gir para..” “Dhekhiye aap abhi chal nahi payenge do din se aap behosh the, main ghabrakar aap ko ghar le aayi, police ke chakkar se bachne ke liye, doctor ghar pe aakra hi patti kar ke gaye hain, par ek - do din aur araam karna padega. Uske baad aap chal sakenge..” Tabhi wahan ek chothi si bachchi bhagte hue kamrein mein ayi “ Uncle theek ho gaye?” Raju ne iss bachchi ko dekha. Use muskurata dhekh Raju ko bahut acha laga, “ Mummy woh ice cream wala aa gaya hai aaj toh ek ice cream dila do?” “Nahi beta mahine mein sirf ek baar, tumhe pata hain na beta….jao ab” Bachchi muh latkaye chali gayi “Kya hua ek ice cream hi maang rahi thi” Raju ne poocha “ Darasal usko doctor ne meetha kam khane ko kaha hai, usko diabeties hai, jyada meetha khayegi toh beemar pad jaati hai, kabhi kabhar behosh ho jati hai,” Raju ne kaha “Par maine suna hai ki yeh bimaari bahaaut khatharnaak hoti hai aur iss umar mein yeh hona?” “Khatharnaak tab hoti hai jab zyada ho jaye, issiliye isko meetha khane se mana kiya hai, par bachchi hai dusre bachchon ko dhekhthi hai toh man toh uska bhi karta hai”. Agle din Raju khidki ke paas bhaitha tha ki tabhi woh ice cream wala phir se aya. Uske kamrein mein woh bachchi  bhi ayi. Khidki ke bahar ice cream wale ko dhekh kar wahin khidki ke paas khadi ho gayi. 

Wahan bachchon ke intezaar mein Ice cream wale ne jeb se ek chotha sa radio nikala aur use on kar diya. Radio mein Gharonda film ka gaana baj uthta hai

tumhe ho naa ho mujhko to itnaa yakeen hai

mujhe pyaar tumse nahin hai nahin hai

Raju ne kamrein mein khadi bachchi ki taraf dekha. Use bada man hua us ladki ko ice cream dilayein par… “ Uncle mujhe chocobaar bahaut pasand hai….” Bachchi yeh kahakar apni chothi ungliyon se khidki ke paas deewar par lakeerein khichti rahi.

mujhe pyaar tumse nahin hai nahin hai

magar maine ye raaz ab tak naa jaanaa

Raju ko bahaut bura laga, usne apni  jeb tatolin toh kuch nahi mila. Bhaijaan ke batue mein se ek kaagaz ka tukda jismein ek ghar ka pata tha woh nikala, Raju ko phir se uss ghar mein padi laatein yaad aa gayi. Wahan pe uske bachpan ka dost Kaif tha, jab Raju ne batua Bhaijaan ke pocket se churaya aur bhag ke kisi jaga chup gaya, toh usne wahan bhaithkar Bhaijaan ke batue ko khola tha, usmein se use ek tasweer mili thee aur ek kagaz ka tukda. Usmein usne Kaif ko pehchan liya tha. Raju ka asli naam Kundan tha, jab bachpan mein goli lagi thi toh woh behosh ho gaya tha, police walein baad mein usse aspatal le gaye, wahan usse yaad hain doctor ko uska naam nahi pata hone ke karan usse Raju Raju kehne lage, tab Kundan ko bhi yeh naam acha laga. Behoshi se wapas aane ke baad usne sabko yehi naam bataya.Raju kagaz ke tukde pe likhe hue pate par pahuncha jahan Sarfarosh, Kaif aur munna rehte the, Jab Bhaijaan ko guste hue dhekha toh woh bhi chupke se deewar ke paas khada ho gaya aur unki baatein sunne laga.

Ice cream wala abh bhi khada hua tha khuch bachche aa gaye the iss dauraan, par bachchi abhi bhi  ice cream wale ke thele mein latki hui chocobaar ke paket ko dhekh rahi thi. Raju bachhi ki aur muda to bachi bhi Raju ki aur dekhke kaha “Chhi! Achhi nahi hai ice cream, main toh badi ho gayi hun ice cream to bachche khate hain, mujhe nahi achi lagti, uncle aap khaoge chocobaar? khao na… agar man hua toh thoda sa mujhe dena…… par thoda sa dena mujhe, waise achi nahi lagti hai chocobaar” kehte hue woh phir se  chocobaar ke packet ki taraf dhekhne lagi.

main kyun tumse milne kaa dhoondhoon bahaanaa

kabhi maine chaahaa tumhe choo ke dekhoon

kabhii maine chaahaa tumhe paas laanaa

Raju ki bebasi ab chehre par dhikhayi de rahi thi, kya karein woh , nah toh paise hai uske paas, nah woh uss bachchi ke maa se maang paye , kyunki phir woh mana kar degi….

Do din baad Raju ab chal fir ne laga, usne jab shaam ko ice cream waalein ko dhekha toh chupke se bachchi ko godi mein uthaya, aur ice cream walein ke paas le gaya, “ ek chocobaar dena” Raju ne bachchi ki taraf dhekha woh thoda dari hui thi, who bar bar apne ghar ki taraf dhekh rahi thi kahin maa na dhekh le, issi dauraan ice cream wale ne Raju ko ice cream pakdaya, Raju ne ice cream li aur bachchi ko lekar bhag gaya, paas mohaalle waalein chillane lage, ice cream wala chillaya, chor chor kehkar, bachchi ki maa ghar ke bahar aa gayi aur chillane lagi ki uske bachchi ko le gaya, Raju bhagte hue gali ke bahar aaya aur bachi ko godi se utara, ice cream thamai aur kaha “beti paise nahi the mere paas isliye yeh sab karna pada, ice cream itni bhi boori nahi hoti ki ek mahine mein do baar na khaya jaye” Raju ne bachchi ke mathe ko chuma aur bhaag gaya.

P.S. : song lyrics used in the story has been taken from various hindi films just to depict the mood.

CROSS CONNECTION

DISCLAIMER: dhoomra paan karna swaasth ke liye haanikarak hai, isilye gaaliyon ka sadh- upyog kiya gaya hai

" haan ek classic mild” Raj ne ek haath se paise diye aur dusre haath se mobile phone dial kiya “ safed rang ki shirt ,hello, abe beech mein kaun bol raha hai bosdike..phone rakh saale…. kaale rang ka patloon aur nile rang ki bike pe sawaar hokar aa raha hai. Kaam ho jana chahiye aaj hi, hello haan sun raha hai bhainchod, abe teri awaaz kat kyun rahi hai, gaand mein mobile ghusa ke rakha hai kya saale hello, suna maine kya kaha…” “haan safed rang ki shirt aur pant kaale rang ki pahan ke aaoon par kahan milega , nile rang ka kya , hello yeh beech mein sala kaun bol raha hai” Rohilla ne mobile pe cheekte hue kaha … tabhi phone kat jata hai. “ abe gaandu uth saale kabse soya pada hua hai?” Rohilla Gautam ke pichwaade par laath marte hue usse kaha. Gautam neend se uth kar aankehn maslte hue “ kya bola Joglekar ne ?” “abe pata nahi yaar bahaut confusion hai, safed rang ka shirt aur kaali pant pahana hai humein, aur nile rang ka kuch…, pata nahi, beech mein saala phone line mein koi aur bhi tapak pada , woh apni kuch dhun bajaye jaa raha tha, ab saala woh nile rang ka kuch bol raha tha yeah safed rang ka....pata nahi  Joglekar kuch keh raha tha , saala kuch samaj nahi aa raha hai” “ dobara phone lagaa bosidi waale ko?” “abe wahi kar raha hun par compression hai keh rahein hain? “ abe angrez ki aulaad congestion hoga network mein” “ toh kya karein “ “dhek kaam toh karna hai hi, koi nahi chalte hain, tu safed shirt aur kaali pant pahan le main nile rang ka shirt aur kaale rang ki pant pahan leta hun." Rohilla ne kaha


THODI DER MEIN…

“ abe helmet kya mera tau layega?”, Rahul ne Karan se kaha “ abe helmet kaun pehne ga iss garmi mein, abe rampuriya chaku hai, kaun saal police wala pakdega?” “abe bhootnike jab khoon karega din dahare mein toh koi pehchaan nahi lega?, isilye helmet maang raha hun chal jaldi se leke aa, kahin woh nikal na jaaye murg mandi se"

Rohilla bike mein sawaar hote hi bola “ ruk ruk ek minute, main woh gamcha lana toh bhul hi gaya, jo ki code waali cheez hai, yaad hai Joglekar ne kal raat ko kya kaha tha, hum un logon ko gamcha dhikhyenge aur woh humein saboon, jiske baad aage ki baat banegi ki ” Par Rohilla abhi bhi woh aaj subah wale joglekar ke phone ko lekar confusion hai,” “ chor na humein kisi ko kya tapakana hai jo tu tension le raha hai, nikalte apan do bhai mast bike chalake, murg mandi pahunchenge, mast Salman style gamcha pairon ke beech mein karke naachenge , agla banda saaboon dhikyega aur bus kaam hote hi wapaas.

MURG MANDI

Karan aur Rahul apne shikaar ka intezaar kar rahein the…. Rahul bike mein aage tha aur Karan uske peeche bhaitha hua tha ...” abe woh dekh safed shirt kaali patloon mein bike mein koi aa raha hai wahi hoga saale, par…iski bike toh kaali hai, Raj ne toh….” ‘” abe dhakhan Raj ne shayad dusre bande ki baat ki hogi jo ki nile rang ki shirt mein hai, naaki bike ki, dhek..”. Tabhi Rahul ne kaha “ yaar beech mein agar subha woh teesre bande ki awaaz nahi hoti toh sab clear rahta, saala yeh dono hai ya aur koi kuch samahj mein nahi aa raha hai” Rahul ne helmet ke andar se paas ek dukaan mein ek murgi ke gardan ko kate hue dhekh ke kaha.” Par Rahul saala maarna kis ko hai? safed waalein ko ya nile waalein ko?, Saboon kiske paas hogi” “Toss karte hain, kyun?” Rahul ne thoda chirke bola “ abe do rampuriya toh hai , safed wale ke pet mein tu marega aur main nile wale ke peeth mein chura ghop dunga. Theek?” “Par Rahul nile waale ke peeth pe chura kyun pet mein kyun nahi?” “ kyun ki bhain ke laude nilein waalein ke pet mein appendix hai, dard nahi hoga becharee ko,.. kya chutiyon wali batein kar raha hai bhai safed wala bike chala raha hai toh uske pet mein chura ghopna aasaan hoga , par nile rang wale shirt ka banda uske peeche bhaitha hua hai pet toh chup gaya na toh peeth mein hi maarega ” Rahul ne bike start ki aur ulti taraf se aate hue Gautam aur Rohilla ke taraf apni bike daurai

Gautam aur Rohilla is baat se anjaan gamcha haawa mein laharate hue bike mein chal rahe the “Ready reh Karan” Yeh kehte hue jaise hi Gautam aur Rohilla inke bike ke paas se guzre, Rahul ne Rohilla ke peeth par aur Karan ne Gautam ke pet chura ghop daala par maze ki baat yeh ho gayi Rohilla jo bike ke peeche bhaith kar maze mein gamcha lahara raha tha woh Rahul ke aankhon ke saamne aagya. Ek toh Rahul ne helmet pehni hui thi uske upar se aankhon ke saamne achanak se gamcha aa gaya, usski ghabrahat, chaku ghopne ke baad aur bhi bad gayi , isse uske haath se bike ka handle chooth gaya aur dono gir pade. Idahr zakhmi hone ke wajah se Gautam aur Rohilla bhi zameen pe gir chuke the.

Karan aur Rahul bike chor uthkar bhagne lage, Gautam ke pet se khoon nikalta dhekh Rohilla ne gamcha liya aur Gautam ke pet ke gaav ko bhand diya. Jabki Rohilla ko bhi peeth mein chaku gopha hua tha par woh itna gehra nahi tha jitna Gautam ka pet ka gaav tha. Rohilla ne paas khade auto wale ko bandook dhikhayi aur aaspatal le jane ko kaha. Auto walein Rohilla ke saath Zakhmi Gautam ko seat mein bhitakar hadbadi mein auto ke saath meter bhi chalu kar diya. “Rohilla mujhe behosh mat hone diyo, ek kaam kar auto waalein ko bol radio chalane ko” Yeh sunte hi auto waalen ne kaha sahaab radio toh nahi hai “ toh bahin ke laude khud gaana ga” Rohila ne auto waalein se kaha.

Rahul bhagte bhagte ek residential colony mein ghus gaya. Uske chothi chothi galiyon se hote hue kareeb bees minute baad use samaj aaya ki woh kahin phas gaya hai, upar se challis degree ki garmi aur helmet bhi na khol paye. Tabhi use samne building ke paani ka pipe nazar aaya, woh uspar chadne laga. Bhaisaahab khuch der pipe ka raasta taye kara hi ta toh pata chala saath mein jo khidkiyan hai woh sab gusalkhane ke hain. Bhaisaahab chadte gaye, chatheh maale ke ghusalkhane ki khidki khuli hui thi. Rahul ne socha yehi mauka hai ki ismein woh ghus jaye aur thodi der chhup ke bhaithe rahe ki tabhi usne dhekha ki andar gusalkhane mein ek aurat naha rahi thee. Usko dhekh kar use aisa jhatka laga ki woh paani ki pipe se sarak kar seedhe teesre male tak pahaunch gaya. Wapas usne chadhai ki aur chatheh maale ke gusalkhane tak pahauncha. Iss bar uska thoda dil tut sa gaya kyunki iss baar us aurat ke saath ek aadmi bhi tha. Tabhi us aadmi ki nazar Rahul pe padi aur usne cheekh kar kaha “Cut Cut Cut Cut Cut, abe o chutiye dhikhayi nahi de raha hum shooting kar rahein hain?” “Toh kariye na shooting.. maine kab mana kiya hai, mere haath toh yeh pipe pakde hue hain, kuch karna chahun bhi toh nahi kar paaonga” yeh kehte hue Rahul phir pipe chadne laga aur building ke chhat pe pahaunch gaya. Chhat mein akar usne helmet kholi, uski shirt ki kalaiyaan khoon se sani hui thi, usne jaldi se Karan ko phone lagaya. “Haan be gaandu kahan hai saale tu toh bhag gaya gaand meri phathi padi hai” Karan ne phone pe Rahul ko gusse mein dheemi awaaz mein bola. Idhar chhat par Rahul phone par Karan ko iss barein mein kuch samjhaye ki wahan wahi aurat jo naha rahi thi daurti hui aayi aur chhat ke ek kone mein jaake railing ke upar chadh kar chalang marne lagii. Peeche se Rahul ne use pakad liya aur kheechke apni taraf kar liya “Mujhe mar jane do mujhe nahi jeena iss duniyaan mein” yeh kehte hue woh apne aap ko Rahul se churwaane lagi, Rahul ne ek jor se uske gaal mein tamacha mara aur poocha “kyun marna chahti hai”. Uss ladki ne apni dastan byan ki. Weh apna pet palne ke liye iss shahar mein aayi thi par jab kaam nahi mila toh majbooran ashleel picturon mein kaam karne lagi. Par ab woh iss zindagi se tang aa gayi thee aur marna chahti thee. Rahul ne uss aurat ko sar se lekar paau tak dhekha uske saamne abhi bhi wahi gusalkhane mein nangi nahati hui tasweer thi. “ abe pagal hai kya tu, pet ke liye log kya kya nahi karte, chhor woh sab, mere saath chal tujhe iss jagah se nikal lunga main.” Us aurat ne usske taraf dhekha aur phir kaha “kya karega tu? Aur… tu yahan pahuncha kaise?” “Yeh sab bataane ka time nahi hai abhi, tu ek baat bata tu rehti kahan hai?’ “Yehi paas ke building mein, yahan se kareeb dus minute ka rasta hai”. “Toh ek kam kar main bhi tere saath chalta hun tere ghar. Main zara musibat mein phasa hua hun, tere ghar chalte hain phir araam se sochte hain kya karna chahiye.”

Achanak Rahul ka phone kat jane par Karan ek chhote se market mein ghus gaya. Uski nazaar ek naayi ki dukaan par padi, usne us dukaan mein ghus kar pehle baithe hue aadmi ko uth jane ko kaha. Jab us aadmi ne mana kiya toh usne dheere se jeb se chaku ka ek hissa dhikhaya , woh aadmi turant khada ho gaya. Karan kursi mein bhaith gaya aur naayi ko ishara kiya ki baal kaat de. Naayi ne jab poocha baal kitne chhote kare, tabhi Karan ne saamne lage sheeshe mein ek hawaldar ko dhekha “ganja kar de fatafat.”

Rahul ne uss aurat se kaha “Par hum neeche jayenge kaise mere kameez mein toh khoon laga hua hai?” Uss aurat ne kuch socha aur phir Rahul ke kameez ke button khol diye , phir woh apni shirt ki button khol ne lagi..yeh dhek Rahul thodi der ke liye chaunk gaya, par ladki ne shirt ke neeche ek aur kameez pehni hui thi “Yeh le, yeh shirt pehen le aur chal jaldi se.”

Karan ab ganja ho chukka tha , woh kursi se utha aur naayi waalein ko pachaas rupaye thamaye, naayi ne kaha “saahab ganja karne ke tees rupaye aur baal katne ke sattar rupaaye” “woh kyun?” “kya sahaab ganja karne mein naayi ke kala ka koi pradarshan nahi hota hai, baal katwate toh kuch kala main bhi dhikha pata par…” “koi nahi us uncle ke bees rupaye de raha hun” Karan haste hue nikal gaya.

Aspataal

Rohilla aur Gautam aspataal mein bharti the. Police ne aake byaan liya jismein Gautam ne Rahul aur Karan ke huliya ke baarein mein bataya hua tha. Hala ki woh shakal kaisi thi woh nahi bol paye kyunki unke hamlawar yaani Rahul aur Karan helmet pehne hue the. “ Sirji hum toh murg mandi murgi khareedne gaye the, socha tha Sunday ka din hai mast chicken khayenge dopahar ko beer ke sath ..par” Rohilla ne kaha. Inspector ke jaane ke baad Gautam jiski pet mein che take pare hue the do din baad behtar mehsoos kar raha tha, Rohilla se poocha “ yaar ek bat bata uss saboon ki tikiya mein aisa kya tha jiske wajah se itna bawal mach pada hai, matlab Joglekar ne toh bus kaha tha gamcha dhikha dena aur dusra aadmi saboon ki ek tikiya de dega. Par iss beech mein humari toh gaand hi lag gayi.” “ abe tujhe har baat yehin poochni hai, ghar chalte hain uske baad Joglekar se baat karenge, par ek baat hai saale ne do din beet gay ek baar bhi phone nahi kiya ki kaam hua hai ki nahi” ussi din sham ko Gautam aur Rohilla ko aspataal se chuthi mil gayi.

“ Dheere dheere se lita saale pet ke taanke na khul jaaye” Gautam Rohilla ke sahare bister par let gaya. “Teen din se chai nahi pee hai theek se, ek kaam karta hun do cup chai banata hun phir nahane jaunga. “Abe gaandu doodh toh hai nahi chai kaise banyega?” “are neeche waale kamrein ke Komal se lekar aata hun” Rohilla ne Komal ka darwaza khatkhataya. Darwaza kholte hi Rohilla ne poocha” Namaste , woh zara Komal ko bula denge, ghar mein doodh nahi hai thoda agar doodh mil jata?’ Rahul Rohille ko dhekhkar wahin pe jam gaya, usne apne sapne mein bhi nahi socha tha ki jisko usne peeth par chura ghopa tha wahi banda uske saamne patti bhandhe katore mein doodh mang raha hai. Tabhi Komal dusre kamrein sa nikal kar bahar aayi “are bhaisahab aap. Aaiye, woh darasal mera dost hai aaj hi aaya hai mere gaon se, ..” “Acha, woh darsal doodh chaiye tha?” “Arre aapko yeh kya hua , patti wagera bhandha hua hai?” “Woh kuch haraami saalon ne mujh pe aur Gautam pe chaku se hamla kiya, saalon ne uske upar se helmet pehna hua tha isiliye shakal pehchan nahi paaye warna saalon ke tatton ko hathode se phod daalte, naali ke keede bhain ke laude….” Komal ne Rahul ki taraf dhekha aur Rahul ne Komal ki taraf dhekh kar nazarein neeche kar li.

Ussi din raat ko Karan ka phone Rahul ke paas aya” Maadarchod kahan pe hai,?” “ are kisi ke ghar ruka hua hun , ek aurat hai ….Komal” “kaisi hai?” “ raapchik maal hai, teen din se baja raha hun isse, ussi ke ghar par hun , ussi ka kha raha hun, usi ko baja raha hun , ek aadmi ko aur kya chahiye” bolke dono hans padte hai “ Acha tu kahan par hai be?” Rahul ne poocha “ thaane mein , inspector ne sab kuch ugalwa liya hai, ab woh tujhko pakdenge” Yeh sunte hi Rahul bister par chaunkar bhaith gaya, Paas mein Komal leti hui thi. Usne Rahul ke pant ke zip ko kholne ke liye haath badaya ki Rahul ne uska haath hata te hue use ek tamaacha maar diya. Rahul kuch aur bol pata ki dusri taraf se Karan phir hans pada “ kyun saale phath gayi, main toh mazaak kar raha tha, nikal gayi teri saale , ab bata, tu us ladki ki le raha hai ya maine teri le lee” Karan aur bhi jor jor se hasne laga. Rahul ne gusse mein phone kaat diya. Par wapas Karan ka phone aa gaya “abe gussa kyun ho raha hai, main wapas apne kamrein mein aa gaya hun. Do din se bahar nahi nikla hun, aaj shayad niklunga. Ghar pe rashan sab khatham hai." “ par tujhe agar kisi ne pehchan liya toh?” Rahul ne Karan se poocha “are main ganja ha gaya hun , saala koi kya main khud ko nahi pehchaan paa raha hun, tu bata?” “acha sun ek baat toh bolna hi bhool gaya” Rahul ne poori ghatna batayi jo pichhle do din mein ghati thi “abe maadarchod, matlab dono zinda hain, iska matlab beta sahi hai helmet pahane rahoge toh khoon karke bhi bach sakte ho kyun, isilye hamesha bike chalayein toh helmet pehnke chalna chahiye “ kehkar dono phir hans pade. Tabhi Rahul ne Karan se poocha “ abe ek baat toh bata humein jo Raj ne kaha tha ki safed shirt wale par hamla karna hai phir uske jeb se saboon ki tikkiya nikal ni hai , yeh saala saboon ki tikkiya mein hai kya?”” Pata nahi yaar, par woh kaam bhi toh nahi hua, upar se safed shirt aur nile shirt waale bach gaye, kya pata police ko kya bola hoga?”

Rohilla ke dimaag mein bhi eki hi sawal tha “ abe Gautam ek bat bata, Joglekar ne jo saboon ki baat ki thi , saala uss saboon mein tha kya jo hum par kisi aur ne jaan lewa humla kiya?” “pata nahi , ek kaam kar Joglekar ko phone laga” “abe uska phone switch off aa raha hai, kal uske ghar jaakar hi milunga

SABOON KI TIKKIYA KA RAAZ

Darsal iss saboon ke tikkiya mein kuch nahi hai, baat hai isski wrapping paper ki. Isske andar ke taraf ek number likha hua hai, 542 04, iss number ke pehle teen akshar ek kaidi ke hai jo jail ki saaza kaat raha hai, aur aakhri do number uske kamre ka number hai. Log kisi ko marwana chahe toh kiraye ke gundo ko paisa dekar marwate hain , aisa hi kuch jail ke andar bhi chalta hai. Toh Raj ne apne do log Rahul aur Karan ko bheja tha Murg mandi ki yeh plan kamyaab na ho, isilye jab woh safed shirt wala banda bike mein aayega usse marker saboon uske jeb se nikal le taki woh jail me kaidi bach jaye, kyunki Raj khud iss kaidi ke khoon ka pyasa tha , aur woh nahi chahta tha ki koi aur usse maarne ki supaari de. Raj aur Madhav urf Kaidi number 542, ek samay par ache dost the, par Raj ke peeth peeche Madhav uski biwi ko bajata tha. Ek din jab Raj ki biwi ne dene se inkaar kar diya toh Madhav ne usse aisa mara ki woh mar gayi, police ne Madhav ko jail mein bandh kar diya aur uspe case chala diya, jisse Raj ko koi tasalli nahi milli. Joglekar ek local gunda tha, jo supari lekar khoon karta tha. Usne Madhav ki supaari kisi teesre aadmi se li thi, Hala ki Madhav ladki thokne ke illawa bahaut logo ko paise ke maamle mein bhi dhoka dene mein mahir tha, ussi mein se ek aadmi ne Joglekar ko kaha tha jail mein Madhav ka khoon karne ko.Yehi aadmi uss din Murg Mandi mein safed shirt aur kaale pant mein nile rang ki bike pe aa raha tha saboon ki tikiya lekar. Kyunki woh thoda sa late ho gaya aur usske beech mein phone ke cross connection ne pura plan hi ulta kar diya.

Agle din Rohilla Joglekar ke ghar pahauncha “abe tum log saale kaha ho, woh kaam bhi thik se nahi kiya, party ka phone aya tha ki tum log Murg Mandi pahaunche hi nahi. “ Rohilla ne puri ghathna film style mein rewind kee with background score. Rohilla ne uss saboon ki tikkiya ka raaz bhi jaan liya Joglekar se “pata hai ab problem kya hua hai, ab jail mein aur bhi sakth pehra bhitha diya hai, ab itna late ho gaya hai ki pata nahi kya karoonga” “Kyun kya hua ?” Rohilla ne poocha,” abe bosdike akhbaar nahi padte ho, dhekha nahi jailon mein kaise ek kaidi dusre kaidi ko maar rahein hain, pata nahi kaise maar paonga iss maadarchod ko.” Idhaar Raj ne bhi Rahul aur Karan ko apne ghar bulakar Phatkaar maari.

Teen Mahine baad…

Ek mush-hoor akhbaar mein yeh kahabar chapi

residential colony mein ashleel filmen banane ka parda paash, police ne computer sahit DVDs aur movie camera zabdt ki, isspar chhan been jaari hai. Police commissioner ne do din ke andar saare gunehgaaron ko saalankhon ke peeche karne ki than li hai.

“Are Komal main nikal ta hun office ke liye” Rahul ab bhi Komal ke saath reh raha tha, Komal ne ek dukaan mein sales girl ka kaam le liya tha aur Rahul ne ek company mein courier boy ka kaam le liya tha. “Are Rahul apni helmet le jaana mat bhoolna , kal le nahi gaye the” Rahul ne muskurake Komal ki taraf dhekha aur kaha “haan helmet pehna swasth ke liye labhdayak hai kyunki…” yeh bol ke dono zor zor se hasne lage aur isi beech Rahul ne bike ki chaabi table se uthayi aur sar par helmet pehnkar ghar ka darwaza khola.

Inspector khada hua tha apne constable ke saath “yeh komal kaun hai? “ Rahul ne helmet ke andar se Komal ko awaaz di, Komal jab bahar aayi toh Inspector ne usko sar se pav tak dhekha, uske saamne DVD mein Komal aur uss ke saath ek aur aadmi ki nahane ki tasweer samne aa gayi. Inspector thoda muskuraya aur bola chalo thane, ab thane mein apne jalwe bhikherna, tabhi constable ne Rahul ko dhekha aur kaha “ abe oye helmet kya pehne hue hai utar isko?” Rahul jyon hi helmet utaarne ko apne dono haath helmet par rakhta hai ki inspector phir kehta hai “ Ek minute helmet mat utarna , tujhe kahin dhekha hai saale helmet ke saath, …kahan dhekha hai “ yeh sochte sochte constable phir bol padta hai “ sahaab are issi Komal ke ashleel DVD jismein woh naha rahi this ussi frame mein bathroom ke khidki ke bahar yeh helmet pehne latka hua tha, aur sirje agar aapne gaur farmaya ho toh uske shirt mein khoon ke daag bhi the, yeh yeh kalayi ki taraf”  “haan ab tu helmet utaar”  inspector ne bola, Rahul ke helmet utarte hi inspector ne Rahul ko do thapad gaal mein rakh ke diye. Komal aur Rahul dono ko thane le jaya gaya. Wahan par pooch tach karne par dono ne aapni apni gunah kabool kiye. Rahul ne Karan ke baarein mein bhi bataya. Rahul par jab tak case chal raha tha tab tak uss ko bade jail bhej diya jahan Madhav bhi sazaa kaat raha tha.

Do Mahine baad

Jab Joglekar ko Rahul ki khabar mili toh usne Rohilla ko bataya, Rohilla ka khoon khaul utha usne kaha, “Joglekar bhai, aap iss Rahul ko marwa do jail mein hi , issi bhain ke laude ne mere peeth par chhura ghopa tha, “ Joglekar hasne laga aur kaha “ teri kismet achi hai…. aaj subha hi Madhav ko marne ke liye ek aur uske dushman ne mujhe supari dee hai. “ Toh Rohilla ne poocha “ iska matlab?” “Yeh toh tu do din baad akhbaar mein hi pad liyo”

do din baad
Jail mein phir se kaidiyion mein jhadap... Rahul aur Madhav naam ke do kaidiyon mein nahane ke saaboon ko lekar jhagra hua, isse do dal ban gaye, aadhe kaidi Madhav ke taraf ho gayein aur aadhe Rahul ke taraf. dono mein khub pathar baji hua jissmein Madhav aur Rahul maare gaye.

Jail adhikariyon ko kahna hai ke jail ke andar construction ka kaam chal raha tha, jo ki naye tenderon ke aane ke wajah se paanch saal se ruk gaya tha. iske chalte iitein aur cement kaafi deeno se wahan pada tha, ussi iiton se in dono ghuth mein ladai hui ...... police adhikariyon ne tender paas karne wale adhikariyon par mukadma chalaane ki court mein dharkhasth ki hai. Police ka kehna hai agar tender pass ho gaya hota toh aaj yeh do kaidi bach gaye hote....

WAJOOD

“memsaab pure dus kilo hain, har kilo ke barah rupaye.” Kabadiwaale ne akhbaaron ko bore mein daalte hue kaha. Tabhi ghar ke andar se Raghu borah bharke aur kabaad le aaya, Raghu ki maa ne kaha “beta tu yeh saare magazine aur tasweerein kabadi walein ko bech dega? Aur yeh tasweerein… ye toh tere manpasand abhinetri  Chitralekha Sen ke , yeh bhi….” Raghu bina kuch bole ghar ke andar chala gaya.

Kabaadi wale ki dukaan

Botalon ki awaaz sunke kabadiwala, dukaan ke bahar aya “Boss yeh dus beer ke botal, teen whiskey ke botal aur yeh khuch akhbaar hain… batao kitna hua?” Sudhir ne apne bike se bora utaarte hue  kaha. Tabhi uski  nazar Raghu ke magazine par padi jismein Chitralekha Sen ki tasweerein thi.  Sudhir un magazine ke tasweeron ko dhekhne laga, Chitralekha hindi film ki mashhoor abhinetri hai, saawlaan rang, badi badi aankhein , lambe kale baal, naak mein nathni, ankhon mein kajal aur hothon ke theek neeche teen kaale bindu jaise trikon ban rahi ho. Sudhir ko yeh tasweer bahaut pasand aayi, usne chupke se woh tasweer apni jeb mein rakh li. Kabadi waale se kabaad ke paise liye aur waha se chala gaya.

Sudhir aur Mishra ka ghar

Ghar ghuste hi Sudhir ne helmet bister pe pataka, aur jeb se Chitralekha ki tasweer cellotape se saamne deewar par lagayi. Thodi der mein uska room mate Mishra kamrein mein aya “Oh teri Chitralekha, kya baat hai , bahut hot lag rahi hai yaar! iski toh nayi film bhi aa rahi hai na…isse toh…..” “kabhardaar, bhabhi hai teri” Mishra tasweer ke paas  jaake khada hua, “Abe Sudhir  yeh toh teri woh dost hai na kya naam hai…… kya naam hai…..” “Ankita Rai…..mujhe bhi laga. Usse toh roz baat hoti hai chat par, lekin  maine kabhi dhyaan nahi diya”.  Sudhir ne agle din office se Ankita ke saath chat ki aur Chitralekha se uski shakal milne ki baat ki. Ankita ne kaha “Sahi hai , flirt karne ka yeh acha raasta dhundha hai,”  Par jab Sudhir ke bahaut bolne par ki woh flirt nahi sach keh raha hai toh Ankita ne computer par google karke Chitralekha  Sen ki tasveer dhekhi aur turant apne chair se uthkar washroom chali gayi. Apne haathon se baalon mein lagi clip nikal aur apne aap ko sheeshe mein khule baalon mein dhekhkar muskurai. 

Agle kuch dino mein Sudhir ne har tarah ke film magazine kareed liye jinmein Chitralekha ki tasweer thi, usne bhi baaki logon ki tarah tasweeron ko ghanto niharna shuru kar diya. Chahe woh dafter ke computer ka wallpaper ho ya apna wallet. Chitralekha ka jaadoo Sudhir pe haavi ho chukka tha.  Par baat yahan tak hoti toh theek tha, par jab kisiko  junoon sawaar hota hai toh puri kayanaat bhi use pura karne ke liye koi kasar nahi chodti. Sudhir  raaston mein ghumta toh kahin na  kahin Chitralekha ki tasweer kisi hoarding pe ya kisi bus ke peeche ishtiharon mein nazar aa jati. 

Kuch din baad…

Raat ke kareeb gyarah baj rahe the, Ankita ghar pe akeli thi, uske ghar waale kisi shaadi mein  shahar ke bahar gaye hue the….tabhi calling bell baji. Ankita ne khidki se bahar jhaank ke dhekha  toh Sudhir  khada hua tha. Ankita ne kuch socha aur phir darwaaza khol diya “ hi…Ankita sorry iss time par disturb kiya , woh actually …… its little stupid par  ..” Sudhir ne Ankita ko ek bag diya. Ankita ne bag ke andar se do cheezein nikali, Chitralekha  Sen ki tasweer aur dusri ek dress. Ankita ne dhekha ki Chitralekha ne tasweer mein jo dress pehni thi wahi dress Sudhir laya tha. Ankita kuch bol paati use pehle Sudhir ne kaha “ kya tu yeh kapde pehnke mujhe dhikha sakti hai abhi,.?” “ Tu pagal ho gaya hai kya, yeh kya hai sab? Raat ke saade gyarah baj rahein hain aur tu…. .” “Please please Ankita  ek baar yeh kapde pehnke dikha na, I want to see you in this. Dhekh,  Chitralekha Sen se pata nahi kab milun par uski hum shakal ke saath agar do pal bitaun toh issmein kya bura hai bata….? Please Ankita….” Ankita kapde aur tasweer lekar apne kamre mein chali gayi. Usne kapde pehne aur phir sheeshe ke saamne khadi hokar muskurane lagi, thodi der mein Ankita bahar Sudhir ke saamne aake khadi hui aur Chitralekha ki tasweer Sudhir ke haathon mein thamai.

Sudhir  Ankita ko dhekh kar saamne sofe par bhaith gaya. Use abhi bhi yakeen nahi ho raha tha , wahi aankhon mein mascara, wahi naak mein nathni wahi hothon par laali wahi saawlaan rang mano Chitralekha uske samne khadi hai, woh thoda muskuraya aur phir khada hokar Ankita ke paas gaya aur apne dono haathon se Ankita ke chehre ko chua ki tabhi Sudhir cheekh ke bola “ Ankita kya yaar.. tumne tasweer thik se dhekhi nahi, hothon ke neeche teen kaale bindu hai woh tumne lagai nahi, tumhara …tumhaara dhyaan kahan rahta hai yaar…” Sudhir ne tasweer samne table par patak di. Tabhi Ankita ne kaha “ Get lost…just ..just get out of here, what do you think of yourself , nikal jao. Ek toh tumhare liye main yeh raat ke gyaraah baje nautanki karun aur uske upar se tum mujhe ye attitude dhikhao…enough just get lost….” “ Sorry Sorry Ankita I did not mean to hurt you , oh kya bataun matlab woh teen bindu agar…..ok ok main chala jata hun bura mat mano , I am sorry.” Yeh kehte hue Sudhir bahar chala gaya aur Ankita ne uske muh par darwazaa band kar diya. 

Ankita agle din subah bister se uthkar apne balcony mein akhbaar lene gayi ki, uski nazar table par pade Chitralekha ki tasweer par padi. Usne wo tasweer uthai aur apne dressing table pe sheeshe pe laga lee. Apne aap ko sheeshe mein dhekhte hue sochne lagi ki Sudhir jo keh raha tha woh kuch hadh tak toh theek hai . Usse laga ki use Sudhir par cheekhna nahi chahiye tha.

Sudhir aaj office nahi gaya,  woh Delhi talkies ke bahar Chitralekha sen ki nayi picture ke poster ko dhekh raha tha. “ Madam, aaj ke chaaron show ki ek-ek ticket dijiye. Sudhir ek ke baad ek show dhekhta raha , sattar mm ke screen par Chitralekha par camera jab shot leta closeup,  colgate se manjhe hue Sudhir ke chamkte hue daat bahar nikal aate, picture khatham hui toh Ankita  ki yaad aa gayi… ki tabhi phone baj utha. “ Arre Sudhir woh tasweer tayaar kar liya maine, tu aake mere ghar se le jaa.” “ Thanks Vijay, tu nahi hota to mera kya hota” (filmi style).

Mishra ghar ghusta hai “ yeh kya hai, Chitralekha Sen ke tasweer ke saath tune…..” aur Mishra zor zor se  zameen par letkar hasne laga…Sudhir bister se utha aur paas padi cigarette ko lighter se jalakar Ankita ki tasweer ko dhekhne laga jo deewar par Chitralekha ke tasweer ke saath lagi hui thi. “ abe Sudhir yeh kya hai, Ankita ki tasweer kahan se mili tujhe, aur yeh kya hubahu uski makeup bhi waise hi kiya hai?” “woh maine uske FB account ke profile pic se picture nikal li thi aur mere ek dost ko bola ki isse Chitralekha jaise computer mein makeup kar de toh…” yeh sunkar Mishra phir se hasne laga” beta tu toh gaya, Ankita ko pata hai?” Sudhir ne sar hilake naa kardiya.

Ek hafte baad…..

Ankita Sudhir ko phone karti hai “ hey, tu chat pe aata kyun nahi aaj kal?, acha sun kal dophar ko mil sakta hai lunch par, ek surprise hai?” “ Kahan milna hai?” “Mandi house, dophar teen baje.” Sudhir thik teen baje mandi house  ke paas ek bus stand par cigarette peete hue wait kar raha tha. Tabhi ek auto uske saamne aake ruka, Ankita ek printed cotton ki grey saari aur ek off white rang ka blouse pehne hue auto se utarti hai. Auto wale ko paise dene ke baad woh Sudhir ke paas aati hai muskuraate hue” hello sir kaise hain aap?’” Sudhir Ankita ko iss roop mein dhekh kar sharmane laga aur apne ungliyaan apne baalo mein pherta raha, yeh dhekh kar Ankita hasne lagi, Ankita ne apni hasi ko rokkar Sudhir ko ishaare se apne hothon ke neeche teen binduon ki taraf nazar dene ko kaha joki trikon  akaar mein tha. Sudhir abhi bhi sharma raha tha. “ Sudhir…oh gawd you are blushing… tere toh kaan laal ho gaye , kya mein itni hot lag rahi hun is  grey saari mein?”  Sudhir ne phir haste hue kaha “ yeh un hazzaron kwaishoin mein se ek thi ki koi aisi ladki in kapdon mein mere saamne aaaye , jo tune aaj puri kar dya.” “ chal ab lunch karte hain, par uske pehle hum yahan ek theatre mein  natak dhekhne jaayenge” Sudhir tabhi bhi Ankita ko dhekhta raha aur phir kaha “natak kyun ?” “are miyaan aap sirf Chitralekha ki shakal surat tak ki aatke hai, uske baarein mein bhi to jaaniye, maine pura research kiya hai. Chitralekha ko theater dhekhne ka aur usmein acting karne ka bada shauk tha , initially woh theatre karti thi uske baad hi woh filmon mein acting karne lagi, khaane mein use Chinese achi lagti hai, kyunki woh dilli mein pehle rahti thi toh Haus Khas village mein ek naami Chinese restaurant hain wahan pe woh aksar jaati thi,  toh hum bhi wahin chalenge”  Yeh kehte hue Ankita muskurai  “Wah! I am impressed, kya baat hai yaar, tu toh mujhse bhi aage nikal gayi. Kahin tujpar uska asar toh nahi ho raha.?”

Aise kahi din beet gaye, Ankita aur Sudhir  ek dusre ko aur kareeb se janne lage shayad Chitralekha ke madhyam se par  ab baat sirf chat par nahi ruki thi, jab kabhi akhbaaron mein Chitralekha ki tasweer chhapti toh Sudhir Ankita ko SMS karta ki teri tasweer chhapi hai  aur kabhi kabhaar yeh bhi hota ki Sudhir kehta  “Arre o Ankita tere duplicate ki tasweer chhapi hai akhbaar mein” Yeh sunkar Ankita bhi zor zor se hans deti, dono ghanto baatein karte kabhi  Cannaught Place ke coffee home mein toh kabhi kisi pub mein. Ab Ankita…. Ankita nahi rahi Chitralekha jaise ban gayi thi, uske sochne ka dhang, khana peena, chalna , logon se baatein karna sab mein ek Chitralekha jaisi baat thi. Ek din Ankita ki maa uske kamrein mein aayi, Ankita bister par leti hui Chitralekha ki koi pasandita novel pad rahi thi “ Ankita …. Ankita kahan hai tu?” “maa kya hua , main yahan hun , kya ho gaya hai tumhe?” “ kya ho gaya hai mujhe, yeh sawaal main tujhe poochna chahati hun, mujhe meri beti nahi iss kamrein mein Chitralekha mushoor abhinetri nazar aa rahi hai” Ankita samajh gayi uski maa kis taraf ishaara kar rahi thi, “ nahi maa main toh theek hun woh Sudhir kehta hai na toh ….” “ toh matlab kya , kya tu yeh sab Sudhir ke kehne pe kar rahi hain aur agar haan toh kyun kar rahi hai?” “matlab?” “matlab Sudhir ke liye tu sab kar rahi hai or you are liking the fact that  you are now one more Chitralekha types?” Iss  sawal ka koi jawab nahi tha uske pass, par woh sochne lagi, ki kya ye Sudhir ke liye uske yeh feelings the ki usne use khush dhekhne ke liye  Chitralekha ki har ek cheez ab poori tarah apne zehen mein utaar lee thi ya use ab yeh Chitralekha wali zindagi achchi lagne lagi thi. Par ab shayad bahaut der ho gayi thi, ab use dar lagne laga tha ki agar woh  yeh sab bandh kar degi  toh shayad Sudhir usse dur ho jayega, jo kushi ke lamhe usne Sudhir ke sath beetayein hain woh shayad phir na bitaa paaye aur dusri taraf Chitralekha ka astitwa usmein aise haavi ho chukka tha ki woh khud ko kahin bhul chuki thi. Dheere dheere mahino guzar gaye, film star Chitraleka ki kuch filmein pitne shuru ho gaye, ab woh pehle ki tarah akhbaaro ke pehle panno mein nazar nahi aati thi, TV par bhi kam interviews aate the uske, kahin na kahin iss film hasti ka suraj doob raha tha aur saath mein Sudhir ka aakarshan bhi. Ankita se bhi ab kam baat hoti thi uski, chat mein bhi baat hoti toh sirf  Hi aur Hello tak. Ankita milna chahe toh Sudhir kuch kaam hai karke milne se inkaar kar deta.

July ka mahina tha, mausam apne khel dhikah rahi thi, kabhi baarish toh kabhi dhoop. Ankita ko office se nikalte thodi der ho gayi. bahar nikli toh kisi tarah aapne aap ko raste ke kichad se bachane ke liye dhyan se haath mein chatri lekar bus stand ki taraf jaa rahi thi, achanak dusri taraf se ek car tezi se aakar Ankita ke paas se kichad uchalte hue nikal gayi. Ankita ka poora dress kharab ho gaya, kuch cheethe uske muh par bhi lagi. Usne chunni se muh saaf kiya aur paas khade auto mein sawar ho gayi. Auto mein bhaithte hi auto wale ne kaha, “kahan jana hai memsaab?” Ankita ne auto ke seat ke dono taraf ke deewar par Chitralekha ka poster laga hua paya, woh auto se utar gayi, autowala wahan se chala gaya, Ankita ko yaad aaya ki uski chatri auto mein hi reh gayi, woh akeli  bus stand mein baarish mein bheeg ne lagi.

Kabaadi wale ki dukaan

Bottalon ki awaaz sunte hi kabadiwala dukaan ke bahar aya “ Yeh kuch beer ke botal aur kuch magazines hai, batao kitna hua. Kabadiwale ne Sudhir ko dhekha aur phir magazine ko tolne laga “Har ek kilo ab dus kilo ho gaya sahaab, maal kahin aur bik nahi raha , Sudhir ne kuch nahi kaha, paise liye aur bike mein bhaith ke chala gaya.