GUBBAREIN !

CHAPTER 1
Raat ke dus baj rahe the. Mondol babu auto mein bhaithe hue the, aur auto traffic jam mein bhaitha hua tha….

MONDOL BABU: “uff! Aaj kaam bahaut tha office mein. Socha tha chalo ghar jaake jaldi khaake so joonga. Yeh saala jabse gaadion mein EMI ka funda lagoo hua hai tabse har koi gaadi ka maalik ban bhaitha hai. aur phir lagti hai ye jam. Pata nahi kya hoga iss desh ka.

Mera… maachis kahan gaya…… Are! bhai maachis hoga tumhaare paas?”

Mondol Babu apne jeb se Wills Flake ka packet nikaalte hue poocha auto ke driver se.

Cigarette jalaate hain ki tabhi ek bachcha Mondol babu ke paas aata hain aur bolta hai

“ saaheb yeh gubbarein lelo saaheb? Laal, hara, pilaa, saaheb.? Subha se kuch khaya nahi hai saaheb. Do gubbarein lelo…

MONDOL BABU: Nahi chahiye aage jao…

Tabhi traffic chalne lagti hai aur Mondol babu lambi saans bharte hai.

Agle din Mondol Babu daftar ke liye jaldi ghar se nikalte hain. Par traffic ke jaal mein phir phas jaate hain. Is baar phir se ek gubbare wala milta hai

GUBBARE WALA: Saahab gubbare loge. Masti ke, khushi ke, gusse ke, dhukh ke… aur pyaar ke.? loge saahab?

Mondol Babu kuch samaj nahi paye aur poocha.

MONDOL BABU: ye gubbarein packet mein kyun hai. inme hawa kyun nahi bhara hai?

Gubbare wala thoda muskurakar bola…

GUBBARE WALA: hawa toh aapko bharna padega. In gubbaron ki yehi khaasiyat hai ki … par main nahi bataonga. Pahle paise dijiye?

MONDOL BABU: kitne ke hain ?

GUBBARE WALA: hazaar rupaye ka ek packet.

MONDOL BABU: Hazaar rupaye ka ek packet, bahaut mehanga hai?

GUBBARE WALA: aise waise gubbarein nahi saahab. Daam toh zyada hoga hi..

Gubbare wale ke aankhon mein ek chamak thi. Jisko dhekh kar Mondol Babu jaise kuch bol nahi paaye aur hazaar rupaye ka packet kareed liya.

GUBBARE WALA: acha saahab ab main in gubbaron ko kaise istemaal karte hain bata ta hoon.Gaur se suniyega…aapko jabi kushi ke gubaare mein hawa bharna ho toh joh khushi chahiye woh sochkar bhariye toh wohi khushi milegi agar aise bhi bhariyega toh bhi koi na koi khushi mil hi jayegi. Par janaab do khushi ke gubbaren ke baad ek dhukh ke gubbara mein hawa bharna zaroori hai..Nahi toh pehle ke khushiyan bhi nahi rahegi.

Kintu parantu bhandhu agar aap dhuk ke gubbarein mein hawa bharenge toh koi bhi dhuk mil sakta hai. aap taye nahi kar sakte.. Chalta hun saahab. Aur bhi khushiyaan baatni hai mujhe.

Mondol Babu samaj nahi paa rahe the ki sahi kiya usko lekar ya galat. Daftar pahaunchte hain.

Mondol Babu thode khush the aur soch bhi rahe the kya yeh sach hain. In gubbaron ko aazmaane ke liye woh daftar ke bahaar gaye aur man mein socha ki mere daftar mein itna kaam hai yeh agar kum ho jaye, toh roz roz raat ko ghar nahi jaana padega. Aur lambi saans apne mein bharkar gubbare mein hawa bharte hain. Jab daftar laute hain toh pata chalta hai ki ek naya ladka aaya hai joki Mondol Babu ke kaam mein haath batayenge. Mondol Babu man hi man khush huein.

Darwaan bolta hai “Mondol da aapke naam telegram aaya hai.” Mondol babu chitthi kholte hain. Usme likha hua hota hai ki jayadaad ka batwara ho raha hai aa jao. Mondol babu agle din tatkaal mein ticket Bhehaala namak jagah jo ki paschim bangaal mein hain ke liye katwaate hain.

Mondol babu teen bhai hain aur sabse chothe bhi. Ghar mein inke alawa in ki do bhabhi aur inke do betiyaan rahte hain, aur budi maa. Ghar ghuste hi nashta parosti hai unke bade bhai ki beti Mitali. Mondol babu pure din apne bachpan ke dino ko taro taaza karne ke liye ghumne chale jaate hain. Shaam ko jab ghar laute hain toh teen bhai chai pine bhaith te hain.

BADE BHAI: Aur tera kaam kaisa chal raha hai, shaadi kab karega. Baal toh jhad rahein hai tere. Koi hai ya hamein hi dhoondh ke lana padega.

Mondol babu saamne deeewar pe tangi hui aaine mein apne sar ke baal dhekhte hain aur phir chai ke pyaale mein chuski bharte hain…..”kal vakil saheb aayenge aur tay karke jayenge ki jayadad mein kisko kya milega.” Majle bhai bol pade. Mondol Babu soch mein par jaate hain, tabhi Kritka Mondol Babu ke majle bhai ki beti aakar kehti hain ki

“Kaku aapko daadi bula rahi hai.”

Mondol babu dusre kamre mein jaate hain jahan unki maa leti hui hoti hai. Apne bete ko dekhkar khush ho jaati hai.

MAA: aa beta aakhir fursat mil hi gayi tujhe apne kaam se, itne saalo baad apni maa ke paas aaya hai. aa mere paas aa.

MONDOL BABU: woh maa itna kaam pad gaya tha ki aa hi nahi paya main…

Tabhi Mondol Babu ka dhyaan deewar pe tange bachchapan ke tasveer par jaati hai. apne ko maa ke god mein aur baki bhaiyon ko jo ki aas paas bhaithe hain, pitaji ke saath, toh bachchpan ke din yaad aa jati hai. Aur ab maa ka chehra jab wo dhekhte hain to koi farak nazar nahi aata hai. Jaise maano kuch badla hi nahi. Mondol Babu ke mataji bahaut din se bimar pade hue the.

MAA: haan do waqt ki roti juthane ke liye paise to chahiye hi aur uske liye kaam. Yahan pe bhi tu toh isliye…

Tabhi khaane ke liye bulawa aata hai. Aur Mondol Babu chale jaate hai….

Kareeb raat ko dhaai baje unki neend khul jaati hai. Woh apna baksa kholte hai aur gubbaron ka packet nikaalte hain aur gubbbarein mein hawa bharte hain. Agle din vakil saheb jayadaad ke baarein mein bataate hain. Mondol Babu ko bahaut dhan daulat milta hai. Mondol Babu agle din jaane se pehle maa ke kamre mein aate hain… Mondol babu jab maa ko dhekhne jaate hain toh mano lagta hai ki maa keha rahi hai mat jaa aur kuch din ruk jaa. Mondol Babu maa ka paair chukar chale jaate hain.

Mahine guzarte gaye. Mondol Babu ab thoda paise lekar share market mein bhi paair jamaane lage. Aacha munafa bhi ho raha tha.. Par ek din subha unke paas phone aata hai ki jis company mein unhone paisa lagaya tha woh company shayyaad doob jaye ga. Mondol Bau ke paairo ke neeche se maano zameen khisak gayi. Unke aadhi jama punji iss company ke share mein lage hue the. Woh daur kar gubbare ka packet nikalte hai apni almaari se….

Par tabhi unko dhyaan aata hai ki gubbare wale ne kaha tha dusri khushi ke gubbare ke baad ek dhuk ka gubbara mein hawa bharana zaroori hai.

Kya karein? Mondol Babu issi soch mein doobe hue the. Phir bhagwaan ka naam lekar dhukh ke gubbare mein hawa bhar dete hain. Aur phir so jaate hain. Agle din subhah uthe hai aur khushi ke gubbarein mein hawa bharte hain. Do ghante baad Behaala se phone aata hai aur pata chalta hai ki Mondol babu ke mataji ka dehant hogaya hai. Mondol babu ke dil ki dharkan bar jaata hai .Woh jyon hi samaan bhand kar Behaala jane ke liye tayaar hote hain, ki tabhi ek aur phone aata hai ki company ke share ke daam aasman ko chu rahein hain.

CHAPTER 2

Mondol babu naukri badal chuke the aur daftar ke taraf se unko nayi jagah bhi mil gaya tha. Mondol babu kaafi aaram se jeewan waitit kar rahein the.

Shanivaar ki raat thi Mondol babu apna kaam nipta ke local train ke liye station mein intezaar kar rahein the.

MONDOL BABU: uff! Kitna abaadi hai. Paair rakhne ka bhi jagah nahi hai Platform mein. Jahan bhi dhekho sirf log paida hote rahte hain. Yeh sab dawaion ka asar hai ki logo ko bimaari hoti hai aur phir ye dawaiy lekar saale bach jaate hain. kaise kam hogi aabaadi.

Tabhi train aa jaati hai par hamaare babu bhir ke chakkar mein chor dete hain. Aadhe ghante baad dusri train mein chad jaate hain. Khali boogie mein Mondol babu khushi se paair pasaar ke bhaityh jaate hain.

MONDOL BABU: Yeh pankhe bhi nahi chal rahein hain. kya hoga…

Tabhi unke mobile bajta hai.

MONDOL BABU: hello! hello haan woh jagah ka pataa toh…. Acha ruko mere paas hai deta hun…

Mondol babu apna batua nikaalte hain aur usmein se ek parchi mein likhe hue pataie ko padte hain….

MONDOL BABU: Chaubis Bata Che, Multan Nagar, Nai Dilli 110014… haan haan wahi hai. Chalo rakta hun

Mondol babu ne jeb mein phone ko rakh hi rahe the ki unki nazar saamne waali sit ke niche ek khun se sani hui laash par padi. Mondol babu ek dum se chauk gaye. Bahaut der laash ko dhekte rahe. Unko apne dil ki dharkhan train ke ghad ghad se zyada jor se sunai de rahi tha. Woh achanak se khade ho gaye aur darwaze ke taraf jaane lage.

Ghar pe aakar Mondol babu ne ek lambi saans bhari ki tabhi unhone paaya ki batua toh hain hi nahi unke paas. Mondol babu ko laga ki batua shayad bogie mein hi chooth gaya hai. Mondol babu sar pe haath rak kar zameen par bhaith jaate hain. Unko ab chinta hoti hai ki agar batua police ke haath lag jaaye toh shyaad unhe hi pakad kar le jaye. Tabhi unko gubbaron ka khyal aata hai. woh phir almaari se gubbaara nikalte hain.

Do din baad Mondol Babu ke daftar mein ek parcel aata hai. Use kholte hi usmein se unka batua milta hai. woh uski jaanch karte hai toh paise ko chor baaki sab waise hi pade hote hain. Saath mein ek phone number bhi hota hai. Phone karne par pata chalta hai ki unka batua darasal platform mein utarte hue gir gaya tha. Unke jaan mein jaan aayi.

Par unke dhyaan mein aata hai ki Dukh ka ek gubbare mein phir se hawa bharna padega nahi toh abhi tak jitna mila hai woh kho jayega. Woh issi chinta ko lekar gubbare mein hawa bharte hain.

Do din baad Mondol Babu ko bade saahab apne kamre mein bulate hain, aur kahate hain ki unke kaam ko dhekh kar unhe teen mahine ka advance bonus diya jata hai. Mondol babu chakit raha jaate hain. Aur phir sochne lagte hain ki dhukh waale gubbarein mein hawa bhara tha. Phir….khair teen mahine ka bonus advance mein milna bahaut badi baat thi. Par bhagwan Mondol Babu par kuch zyada hi maharbaan the, ki ek mahine baad bade saaheb unhe phir se apne kamre mein bulate hain, Unhe ab daftar ka head of accounts department ghoshit kar diya jata hai.

Mondol babu ek imaandar waikti the par niyat bigadne mein kitna samay lagta hai. Mondol babu chothe bade udhaar daftar se lete rahte bina kisi ko bataye. Aise karke bahaut din guzar gaye. March ka mahina aa gaya tha aur Mumbai se bade auditor saahab aane waale the. Mondol babu ko din mein pura saurya mandal dhikhayee dene laga apne chaaro or. Kya karenge woh ab. Itna karz le liya hai ki iski bharpai nahi kar payenge woh …. Yehi sochte hue woh raste mein chal rahein the…..

Achaanak se kisi ne unhe dhakka diya aur woh gir pade. Mondol babu apne ko sambhaal paate ki jis waikti ne unhe dhakka diya tha usne cheek kar bola

“abe oh! Suar ka bachcha tu mar jata abhi, saamne truck dhikhayi nahi diya tujhe?” …mujhe pata hai ki tu kis chinta mein dooba hua hai, gubbaron ka chakkar chor de.

Mondol babu samajh nahi pa rahe the kya ho raha tha aur phir unke poochne pe pata chalta hai ki woh jisne dhakka diya tha woh ek fakir hai. Phir apna haal baataya unhone uss fakir ko. Fakir thoda muskuraya aur phir aasman ki taraf dhekhne laga, phir Mondol babu ki taraf dhekhkar bola.

FAKIR: sun bachcha gaur se sun. aaj kal bahaut khuch badal raha hai. log bahaut unnati kar rahein hain. Par ek cheeze hai jisse ki koi nahi jeet paya hai. Ya kehle uss pe koi unnati nahi hua hai. pata hai woh kya cheez hai….. samay?

Mondol babu ko kuch samajh nahi aa raha tha, woh ek chothe bache ki tarah fakir ko dhekh rahe the. Fakir phir bola

FAKIR: tere bhagya mein jo likha hai woh to hoke hi rahega. Sabka bhagya kuch na kuch niyam se badhe hue hain. Tune khushi pane ki jaldi mein bahaut kuch kho diya. Teri maa ka dehant hona likha tha, par itni jaldi nahi. Tune maangi woh. Kyunki kushiyon ke saath dhuk jodi mein aate hai. Par sabka ek samay bandha hota hai.woh kushiyan kis roop mein aaye yeh kisi ko pata nahi. Par in Gubbaron ki khaasiyat yeh hai ki yeh gubbare khushiyon ko roop dete hain aur saath saath khishiyon ka samay ka raftaar bhi badal dete hain taaki tujhe jaldi se mooh maangi khushiyaan mil sake. Par maaze ki baat yeh hai ki dhuk ka bhi samay uske hisab se badalta hai.

Teri maa ka dehant darsal aath mahine baad hona tha par woh teesre mahine mein hi guzar gayi. Samjha mere bachche. Samay se khelne ka falswaroop hai ki aaj tu iss jagah pe bhaith hua hai. Yeh ek ajeeb sa chakravyuh hai beta. Tu toh phas gaya.

Fakir paaglon ki tarah hasne laga. Mondol babu ne fakir ka haath pakar kar rone lage aur bhilkte hue kaha ki “koi upaye batao mujhe?”.

Fakir kuch socha aur phir bola

FAKIR: yeh shahar chor de abhi ke abhi. Bhaag ja, aur gubaaron ko kahin dusre shahar mein bhech de kisi koh. Bech dena. Par harek waikti ko teen gubbare. Isse zyada nahi isse kam nahi. Do kushi aur ek dhukh ke.

Mondol babu ussi waqt ghar jaakar kuch samaan baandh kar aur gubbarein ka packet lekar bus se dusre jagah chale jaate hain. Raat ko Gonda naamak jagah mein utarte hain. Aur wahin ek chothe se makaan kiraye par lekar rahne lagte hain. Naukri bhi nahi hai. Uski khoj mei idhar udhar bhathak te rahate hain. Aur shaam ko railway faatak ke paas gubbaron ka packet lekar bhaithe rahte. Aur jab koi gaadi wahan se guzarti aur faatak par aakar rukti toh Mondol babu har gaadi ke paas jaate aur….

MONDOL BABU: sahaab gubbarein lenge. Masti ke, khushi ke, gusse ke, dhukh ke… aur pyaar ke.? lenge saahab?.......

EK CUP CHAI!....

ASHWIN: Hello! Haan sir woh phone silent mein tha toh sun nahi paya main. Acha abhi jana hain.? Koi consignment atka pada hai? Thik hai sir abhi station chala jata hoon. Ok sir.

Phone rakh deta hai aur samaan pack karke nikalne hi wala hota hai tabhi yaad aata hai aur apne aap se baat karne lagta hai.

ASHWIN: aare yaar! Meri chai thandi hogayi. Saala Boss ke phone ko bhi abhi aana tha.

Station pahunchkar woh tatkaal mein Kanpur jaane ka ticket leta hai. Subha ke 9.30 baje ka. Uske baad ghari dhekhta hai toh 8.30 baj chuke the. Platform no 8 par pahunchkar woh samaan rakhta hai aur chai ke dukaan ki taraf jata hai.

ASHWIN: ek cup chai dena toh jaldi se. Subha ke 9 baj rahein hain ek cup chai nahi piya hai abhi tak. Zara jaldi banayega toh?

CHAI WALA: bhaisaahab woh abhi gas cylinder khatham ho gaya hai. Badal ke,...do minute dijiye banake deta hoon.

Ashwin paas ke kitaab ki dukaan mein jata hai aur ek kitaab uthaake padne lagtaa hai, ki tabhi uske office se phone aa jata hai….

ASHWIN: haan bhai bol?...... arre woh mere computer ke D drive mein padaa hua hai, mere naam se jo folder hai, usmein kal ke date ke folder mein hai, ek excel file. Chandiwala and Sons ke naam se….. Mila?..... ok chal rakhta hoon.

Woh ghari ki aur dhekhta hai toh ghari mein badi sooi 9 pe rukhi hui thi aur choti sooi haafte haafte 25 pe pahunch rahi thi. Ashwin ne kitaab chor samaan lekar bhaaghaa train ki taraf. Train ke aas paas bahaut bheer bad chuki thi. Tabhi chaiwaaale ne pukaara

CHAI WALA: bhaisahaab aapki chai?

Gusse mein Ashwin ne kaha

ASHWIN: rakh do wapas…. aake peeta hoon!

Ashwin apne seat par bhaithe hue bola

ASHWIN: yeh sleeping bag kiska hai? zara hataiye toh?

Kisi ne jab jawab nahi diya toh khud hi usse utha kar upar wali birth pe rakh deta hai, aur itminan se bhaith jata hai.

Ashwin: bhaisahaab yeh train Kanpur kab pahunchegi?

Dusra yaatri: yehi aaj raat 12 baje ke kareeb.

Ashwin uske saath baton mein mushroof ho jata hai ki tabhi ek chai wala aa jata hai aur Ashwin usse ek cup chai le leta hai. Aur jyon hi woh chai peene laga tabhi upar se sleeping bag lurrak ke Ashwin ke chai pe aakar girta hai.

Ashwin: arre! arre! Poore kapde kharab hogaye mere. Yeh sleeping bag ki ....

Woh bhaag ke bathroom chala jata hai kapdo ko saaf karne. Uske baad jab woh wapas aake bhaitha hai toh dheere dheere nind ke aagosh mein chala jata hai. Kareeb 2 baje nind khulti hai toh lunch mein kya lenge train ke waiter log poochne lagte hain. Aab Ashwin lunch karne ke baad phir se let jata hai . Kareeb raat ko 8 baje nind khulti hai.Toh janaab sochte hain ab toh ek cup chai banti hai. Train ek station pe aakar rukti hai. Ashwin train se hi awaaz lagata hai. "Ae bhai! ek cup chai dena?" Chai ka khulad haath mein leta hai aur train bhi chalne lagti hai. Ashwin ne jaise hi chai ko apne hothon ke kareeb lata hai toh khulad ki bhini bhini khushboo jaise ek alag sa sama bandh deta hai. Ashwin jaise ab sab khuch bhul chukka hai aur chai ki chuski lene hi wala hai tabhi… uske sar ke upar ek chappal aa girta hai. Aur chai ka khulad haath se phisal jata hai.

AHSWIN: kis bhanchod! ka chappal hai yeh?

Ashwin upar dhekhta hai toh train ke pankho ke upar chappalon ka joda rakha hua tha. Usi ka ek chappal train ke chalne par niche aa gira tha. Ashwin kaafi aagbabula hokar aur upar ke yaatri par chilaa kar bola....

ASHWIN: abe befkoof! woh koi chappal rakhne ki jagah hai ? Neeche nahi rakh sakta hai? Heere jawaarat jade hue hain kya tere chappalon par? Agar jade hain toh apne andar ghusa ke rakh pankho ke upar rakhne ka kya matlab hai?

Usne cheek cheek kar elaan kiya saalon train mein chai piyunga hi nahi aur kisiko peene bhi nahi dunga.kabhi.Raat ke kareeb ek baje woh Kanpur pahunchta hai. Platform mein utar kar woh chai ke dukaan ke taraf jaata hai phir sochta hai, chai piyun ya nahi agar phir khuch hua toh? Usi khauff se woh wapas apna samaan lekar station ke bahar chala jata hai. Ek hotel mein jaakar kamraa leta hai aur so jata hai.

Agle din subha woh jaldi utha hai aur tayaar hokar hotel ke waiter se ek cup chai apne kamre mein mangwata hai. Jab chai aata hai woh darwaze khirkiyan band kar leta hai. Upar chath ki taraf bhi dhekhta hai ki sab thk hai ki nahi. Phir idhar udhar dhekhta hai. sab khuch theek jankar woh bister pe bhaitha hai.

Phir achanak se uth kara hota hai aur bister ke charo aur ghoomta hai. Bister ke paaro ko dhekhta hai ki thik thak hai? Phir itminan se chai ki pyaali haath mein lekar jyon hi peene bhaith ta hai, aur chai ki pyali hoothon ke kareeb lata hai, ki uske pant mein rakha phone bajne ke saath vibrate karne lagta hai. Achanak se vibrate hone ke wajah se Ashwin ghabra jata hai aur chai ki pyali phir se gir jata hai.

Ashwin jaldi se kapde badal kar chai bina piye kaam pe nikal jata hai. Consignment ka kaam sambhalne ke baad woh hotel aata hai samaan pack karke raat ke train mein bhaith jata hai. Tabhi train mein ek yaatri Ashwin ke taraf ek chai ki pyali badaate hue kahata hain … piyenge?

Ashwin muskuraakar apna mobile ka headphone kaan mein daal kar radio on karta hai. Aur chai lene se mana kar deta hai…..

RADIO: abhi aap All India Radio ke raanga rang karyakarm sun rahein hain. Agla gana.... ek garam chai ki pyaali ho….. jiska anurodh kiya hai Karan Dilli se, Mohit lucknow se……….

AWARDS TOH ZAROORI HAI....

Disclaimer: Gustaakhi maaf !

CHAPTER 1
Haan ji! toh bhaiyo aur bhanno main aapka sutradhaar leke aaya hoon ek aur kahani।

Zara gaur pharmayega!

Toh ji film opens to… arre sorry main toh kahani bata raha hoon TV commercial nahi

Toh ji yeh kahani hai Satyender Dubey ki। Satyender Lucknow se Dilli aaya tha advertising firm mein naukri karne ke liye। Bachpan se hi Satyender ko chitrakaari karne ka bahaut shauk tha। Uske padosi ne uske pitaaji se kaha… ki isse art college mein bhejiye yeh aacha chitrakaari karta hai. Isme career banayega toh acha hoga. Satyender ke pitaaji ko yeh baath raas nahi aayi. Par apne bete ke paarikshaon ke parinaamo ko dhekhkar unko bhi chitrakaari mein raas aane laga.

SATYENDER: hellau…hellau… pitaaji haan pitaaji pahunch gaya hoon main, aur aaj hi job join kar liya hai.

SATYENDER KE PITAAJI: acha beta sab thik hain na… ghar dhang ka mil gaya hai na? acha kya audha mila hai wahan pe? Matlab designation kya hai?

SATYENDER: pitaaji Visualiser hoon yaahan par. Woh…

SATYENDER KE PITAAJI: kya?... hellau… kya hai liser॥ Visualiser?... hellau hellau…. Aur phone kat jaata hai.

Satyender ke pitaaji ne stabilizer suna tha, fertilizer bhi suna tha par Visualiser kya cheeze hai? Khair unse zyaada Satyendra ko pata chalne wala tha ki yeh kya balaa hai!

Din niklte gaye Satyender kaam ke maare suktha gaya. Issi beech usse ek aur nasal se pahchaan karwaya gaya. Writer ki nasal, inhe aam bhasha mein copywriter khete hain. Iss nasal ke baare mein jitna kahoon kam hai. Yeh log ad ya ishtihaar ko likhte hain ya kehlo logo ko cheeze befkoof banake kaise becha jaaye yeh sochte hain but creatively haan… isme kuch hadh tak Visualiser ka bhi haath hota hai. Par copywriteron ka baddapan keha lijiye ki saara ilzaam apne upar hi le le te hain. Woh kaise ? uske liye dusri kahani likh raha hoon main. Visualiser ka kaam kya hai yeh aaj tak mujhe bhi samaj mein nahi aaya. Itna pata hai ki yeh ishtihaar dhikne mein kaisa hoga yeh sab ko lekar hi kuch karte hain.

Toh ji din guzarte gaye Satyender bhi ab khaafi samaj gaya tha ishtihaar company mein kaam kaise hota hai. Akela bechara dilli jaise bade shehar mein bhi joojna kam nahi tha. Jahaan rehta tha wahan ke log bhi kuch ache nazar se Satyender ko nahi dhekte the. In mein unki bhi galti nahi thi, kyunki Satyender zyadatar samay chor uchakko ki tarah aadhi raat ko hi kaam se ghar ko lauta tha. Aass pados ke logo se zyada chaukidaaro se dosti ho gayi thi.

Log samajte the ki Satyander maze karke aa raha hai late night partyion mein. Par unko kya pata tha ki hamaare Satyender praaji maza karke nahi mazaa de kar office se aa rahein hain. Toh ji aise din kat te gaye aur woh art director ban gaya. Keh sakte hain promotion mil gaya hai visualiser se. thodi si aur lagegi.

SATYENDER: hellau… Haan maa main art director ban gaya hoon. Promotion mil gayi hai.

SATYENDER KI MAA: director ban gaya hai tu? Kya baat kar raha hai. Itni kam umar mein director kaise ban sakta hai. Tu koi galat kaam toh nahi kar raha hai beta?
Ab bhala Satyender kaise samajaye ki art director hai director nahi. Par maa toh maa hai bhavnao mein bhakar uske baad kuch suna hi nahi, ki Satyender kuch samjhana chahata hai. Khair choriye, din guzrate gaye Satyender bechara pilta gaya…. kaam mein. Dhekte hi dhekthe December ka mahina aa gaya tha. Aur dilli mein doh doh season bhi aagaye the. Ek Winter season aur ek AWARDS ka season. Sardiyon koh toh kisi tarah sambhaal leta par awards ka kya karen.

Satyender kaam ke bhoj ke maare apne office ke bahaar apne copywriter ke saath cigarette ki kash bhar raha tha, ki woh jeev aa gaya jisko ki advertising language mein Creative Director kehte hain. Inka kaam zyadatar creatively ungli karna hota hai. Creative director pooch baithe “aur bhai tum log awards ke liye kuch soch rahe ho. Any ideas?” Satyender sochne laga idea sochoon ya design karoon. Apne copywriter bhandhoo ko dekh kar aur apne daari pe haath pherete hue soch ne laga, saala yeh toh soch lega kyunki yeh toh har waqt aish hi karta rahta hai chaar copy liktha hai aur phir idhar udhar ghumta hai. kuch na kuch to iske khopri mein aa hi jayega. Padta bhi rahata hai kuch na kuch. Hum toh sochte bhi hain aur rango se lipa pooti karte hain kagaz par. Jisme sochna kam lipa pooti karney mein zyada time nikal jaata hai. Tabhi Creative Director ne kaha “haan bhai Satyender kaha kho gaya?.” Satyender bol pada “nahi wohi soch raha tha ki ideas sochna hai.”

Ab jyon hi woh apne copywriter ke saath awards pe sochne baithe ki postman aa jata hain. Mera matlab servicing ke logo se tha. Ye woh nasal hai jo ki agency se namak harami kartein hain, khaate hain agency ki... taraf daari client ki karte hain. Client se kaam laakar inko mera matlab creative ke logon ko kahte hain karne ke liye aur phir wapas usi kaam ko bhejte hain client ke pass. Isse jyada agar who kuch karne jaate hain toh shayad agency ko bhagwan ko hi jawab dena padta hai. Toh yeh sahibzaade aa jaate hain kaam lekar.

Toh bhai yeh karein ya awards ke liye soche. Par karna toh dono hi hain. Daal roti ka sawaal hai bhaisahaab! Phir mood banta hai ki raat ko bhaith kar madira paan hoga aur idea ka aagaamn bhi hoga. Par dil hai ki manta hi nahi. Daaru piliya par ideas ka koi ata pata nahi.

Satyender ki kismet bhi bhagwan ne badi phursat se banaya tha . Agle din jab woh subha subha office aaya toh apne boss ko dhekh kar chupne laga. Kyunki phir pooch bhaitha toh… ki ideas kahan hai?...issi beech Satyender ne shauchaalye ka raah pakda. Iss thand mein bhi khambhkhat baar baar jaana padta hai. Aur wahan pe jab woh halka ho raha tha ki Mr CD yani creative director uska boss yahan par bhi aa gaya, aur woh bhi halka hone laga.

Satyender ki taraf dhekhar bola aur award winning ideas hai kuch? Satyender ne kaha “bahaa gaye hain sir aabhi abhi ideas . bahut der tak rok ke rakha tha bahaa gaye.”CD saahab kuch bolte uske pehle woh wahan se chalta bana.

CHAPTER 2
Ab advertising mein hain aur dillagi na ho yeh toh khud advertising ki tauheen hai.Toh ji hamaare Satyender ji ko bhi ishq hua ek aur art director se. Ab sahi bhi hai, ek dusre ka dard aur kaun samjhe. Ek din Satyender ki mashooka kuch kaam ke liye apne ghar bulati hai. Inke maashooka ke pitaaji bhi advertising ke naami logo mein se ek the. Ab retire kar chuke hain. Darwaze pe khare mil jaate hain. Aur Satyender se pooch baithe hain “How many awards young man?” Satyender bol padta hai “sir one... i mean ek glass paani milega please.”

Satyender ne kabhi zindagi mein nahi socha tha ki awards uski zindagi mein itna toofan kadha kara dega. Doston ke saath daaru pine bhaithe toh awards ki baat, tv par show dhekhne bhaithe to channels par award functions, gaadi kharidne ke liye soche toh dealer bole yeh gaadi kharidiye issne yeh award jita hai. Satyender pareshaan ho gaya tha yeh awards ki baat sun sun kar. Par marta kya na karta usne bhi sochna shuru kiya awards ke liye. Ji tor mehnat ki, aur woh din aa hi gaya jab Satyender aur uske copywriter ko award mila.

Satyender pagla sa gaya tha .Kya karega pata nahi tha. Poore office mein paaglo ki tara idhr udhar bhagta raha. Iske baad kya hona tha. Chaska lag gaya award jitney ka, aur phir awards ke upar awards jita gaya Satyender. Dusre jagao se naukri ke offer bhi aaane lage. Ab woh charo tarf se bada aadmi ban gaya tha.

Do saal baad….

Ek din jab woh apne ghar pe leta hua tha toh office se phone aaya. Woh office pahunchta hai aur pata chalta hai ki jo client ka kaam hai usme kuch badhautri nahi ho rahi hai. Awards ke peeche log itne paagal hogaye the ki aam janta kis tarah ka ishtihaar samjhega isspe kissi ne dhyan nahi diya. Kyunki agar award winning ideas chaape toh zyadatar janta samaj hi na paaye. Client ko iss wajah se kaafi nuksaan ho raha tha. Satyender laakh koshish karne ke bawajood bhi us tarah ke ishtihaar nahi bana paa raha tha. Uska dimaag waise chal hi nahi raha tha.Thanks to the awards. Kya karein aab....

Advertising agency ke maalik ne kaha “ hamein koi problem nahi hai tumhare kaam karne ke tarike se par hamara target meet nahi ho raha hai. Client bhi pressure daal raha hai. Sorry but its time to say good bye to you or else we loose the client.You may be good for award stuff but not for minting money. We are sorry! Hamein awards se clients mil to rahein hain goodwill par, but unka basic needs hum pura nahi kar pa rahein hain.”

Satyender kya karta ? Uska lifestyle ka kya hoga, jo woh itne din se ji raha tha. Naukri nahi hai uske paas. Usne bahaut koshish kiya par kahin naukri nahi mili. Kyunki woh jis level par pahunch gaya tha us level par naukri milna mushkil bhi tha. Kya karein ab woh. Din bitte gaye Satyender ka haalath kharaab hona shuru ho gaya. Jitna bank mein paisa tha woh idhar udhar ke khrache mein nikal jata . credit cards ke bills, telephone ke bills….kya karein ab woh?

Ek din aise hi baitha hua tha ki achanak usse apne jite hue awards ki yaad aayi. Woh bhag kar gaya aur apne almaari se jo awards ki trophyan thi nikaali. Aur agle pal hi unko le jakar dukaan mein bech aaya aur uss paise ko haath mein lekar lambi saans bharte hue bola Awards toh zaroori hai....

MADHYASTITH....

C H A P T E R 1:

Platform no 12 par Karan apne phone par dost se baat kar raha tha.

KARAN: abe saale! kahan hain be tu? Kahan maraa raha hai? kaha tha saare dus baje pahunch jaaonga?

Thodi der mein Train aa jaati hai. Aur bhaagte bhaagte uska dost bhi.

KARAN: Yeh niche ke do sit hamare hain.Karan sit par samaan rakhte hue.

Thodi der mein train chal padti hai.

KARAN: abe Bhaskar kya hai? idhar aayega? udhar kya dhek raha hai?

BHASKAR: abe Hijre! Ja saala! Yeh bhi train mein hain.

Dono dost apne sit par baithe the. Aur ye hijre inke paas aake khade hote hain.

HIJRO KA MUKHIYA: Raja oh raja! Kuch paise toh dede? Tera beta bhala hoga. Oye raja dena ?

Bhaskar ke sar pe haath pherete hue bol raha tha. Aur Karan mooh chupake has raha tha. Jab paise nahi mila toh hijro ka mukhiyan todha badhak ke kaha.

HIJRO KA MUKHIYA: Kya re! chikne tere paas toh bachcha paida karne ka machine hai. Dus bees rupaye dede. Kuch nahi jayega tera.

Bhaskar ne kuch nahi kaha aur chup chap jeb se bees rupaye nikaal kar thama diya.

KARAN: bachcha paida karne ka machine! Kya baat hai Bhaskar, aur saale tune paise de diye. Abe isse chaar cigarette aa jaate.

Hijro ka dal dusre compartment mein aa pahuncha. Ek budi aurat apne pote ko sula rahi thi.

HIJRO KA MUKHIYA: amma o amma! kuch paise dedo ammaa. Duyaaen denge tere pote ko. Khush rahega zindagi bhar.

BURI AURAT: tum duyaaen doge? Tum khud baddua ho dusro ko kya duyaaen doge!

Hijre yeh sunkar wahan se chale jaate hain par unme se ek hijre ke dil mein yeh baat baith jaati hai aur woh wahin kada raha jata hai..

HIJRO KA MUKHIYA: Rati oh! Rati… chal re

C H A P T E R 2 :

MANISH: arre! maa main nikalta hoon. Nahi toh office ke liye late ho jaoonga.

Tabhi Manish ka phone bajta hai aur uska chehra khil utha hai.

MANISH: haan kahan ho ?... Aacha suno aaj mil rahein hain hum lo

MRINALI: accha theek hai. Che baje milte hain coffe home mein. Bye!

Coffee home…

MANISH: hmm achi lag rahi ho. Oh! naya hair cut bhi. kya baat hai!

MRINALI: thanks!.... Manish kuch kehna tha...... Woh bahaut darr lag raha hai.

MANISH: kyun kiya hua? Coffee pite hue aur cigarette jalate hue

MRINALI: main hijra hoon tumhe yeh pata to hai.... ya...... yeh bhi bhool gaye ho?

MANISH: uff! aare toh kya hua. Tum toh lagti nahi ho. Kyun kisi ne kuch kaha kya?

MRINALI:  arre nahi!  par hamare bhavishya ka kya hoga?

MANISH: bhavishya, Future....? Kisne dekha hai. Sab theek hai. Chinta mat karo

Manish do hafton ke liye shahar se bahar chala jaata hai. Jab waapas aata hai toh pareshaan rahta hai kyunki Mrianli ka phone teen din se band hai. Woh Mrinali ke ghar ki ghanti bajata hai

MANISH: maaji woh…

Mrinali ki maa rote bilakte hue zameen pe baith jaati hai aur bolti hai

MRINALI ki MAA: nahi hai Mrinali. Uuse kuch hijre le gaye uthaake. Hum dono market jaa rahe the ki hijro ka gooth aaya aur usse pahachan liya aur jabardasti uthake le gaye.

MANISH: kahan le gaye usse?

MRINALI ki MAA: Chunga basti. Aisa kuch kaha rahe the gaadi wale ko.

Manish Mrinali ka ek tasveer lekar Chunga basti pahuncha. Usne woh ghar doond nikala jahan Mrinali rahti thi aur aandar jaane laga aur…

HIJRA: abe kya re? kahan? Andar kaise ja raha hai?

MANISH: woh…..yeh ladki ko dhekha hai? yahan rahti hai shaayad ?

Hijre ne Manish ke haath se tasveer chinthe hue

HIJRA: arre! yeh to hijra hai ladki kahan se. tu kya peeke aaya hai?

MANISH: mujhe isse mila sakoge?

Mrinali Manish ke ab bahon mein thi. Manish ke aankhon mein aasoon the. Samaj nahi paa raha tha kya karein. Itne din baad mile ki dono ko pata nahi aas paas kya hai. woh toh aapne mein hi kho chuke the. Woh Manish ka baahon ko kas kar pakdna. Woh hothon ko chumna. Jaise sab kuch wapas aa raha tha Mrinali ke zindagi mein. Usne aapne aap ko Manish ke baahon mein chor diya. Raat bad rahi thi sannata cha raha tha. Koi aas paas nahi tha uss kamre ke. Unki raat kat gayi ek dusre ke bahon mein.

Agle din khuch aur hi unka intezaar kar raha tha. Hijron ke mukhiye ne Manish ko pakad liya. Phir usse dhakke maar ke wahaan se nikal diya. Mrinali ko usne kamre se jhaankte hue dhekha. Mrinali ke aankhon mein paani tha. Aur iske saans mein bechani thi.Manish dubara gaya wahaan. Par nakami hi haath lagi. Mrinali ne ussi raat Manish ko phone karke bataya ki wahan dubaara nahi aaye. Ab uski duniyan aalg ho gayi hai. Par Manish phir gaya …

DALAAL: oye! bahaut dine se dhek raha hoon tujhe iss gali mein kya chakkar hai be?

Manish ne saari baat kahi usse.

DALAAL: oye! Laale di jaan yeh toh ishq ka maamla hai, aur ishq bhi pharmaya ek hijre se. kya baat hai! hmmm!... Paan khayega?

Manish ne seer hilake mana kar diya.

DALAAL: hmm! Maamla toh kaafi pechida hai …par hum hai to kya gum hai? bolo.. sun ek kaam kar tu. Tu bhi iss biradri mein aa jaa? Chokri bhi arre nahi woh toh hijra hai, chal chor jo bhi hai mil jayegi tujhe. Samjha? Aur saath mein paisa bhi bhahut hai. beta. yehi ek raasta hai.......Iske liye ek chotha sa operation bus!!!..... phir koi tension nahi…. Toh bol?

Mrinali apne baraande mein kapde sukha rahi thi aur usne dhekha ki raaste mein Manish kada hua tha. Woh gabhra gayi.

MRINALI: tum yahan kya kar rahein ho. Tumhe mana kiya tha na phir bhi kyun tum…

Manish ne Mrinali ke muh par haat rakthe huye…

MANISH: suno toh. There’s surprise, ab main bhi… tum jaisa ban gaya hoon. Ab main bhi tumhare biradari mein aag aya hoon.

MRINALI: kya? kyun? aisa kyun kiya tumne. Kisne kaha tha karne ke liye?

MANISH: Kyun ki yehi ek raasta tha ek dusre ke kareeb aane ka. Tum nahi chahate ho ki hum dono ek saath rahein?

MRINALI: par…tabhi Mrinali ke kamre ka darwaza hijron ke mukhiya ne khat khataya

HIJRO KA MUKHIYA: arre Mrinali jaldi nikal.Graahak intezaar kar raha hai bahaar. Jaldi chal bahut paise mile hain. Sun rahi hai tu?

MANISH: yeh kya.... tum ab yeh sab bhi karti ho?

Mrinali Manish ke sawal ko unsuna kar ke bahaar jane lagi toh

Manish usse apne taraf kich leta hai gusse mein aur kehta hai

MANISH: Kyun? shaadiyon mein paisa kam milta hai kya jo ab yeh sab bhi kar rahi ho?

MRINALI: haath choro.You are hurting me!

Aur haath churwake who chali jaati hai. Kuch din bit jaate hain Manish puri koshish kar raha tha ki kissi tarah usse mile. Manish ne ekdin mauka paate hue Mrinali ke kamre mein ghus gaya.Mrinali ke kamre mein aate hi usne darwaza andar se band kar diya aur Mrinali ko bistar mein dhakhel diya. Manish ke aankhon mein gusse ke saath paani bhi tha aur bhari aawaz mein cheek kar bol pada…

MANISH: What the Fucking problem is with you huh? Bahaut din se dhek raha hoon ki you are cold towards me. Do you mind saying it? Tum kush nahi ho main yahan rahta hoon? Ya tumhaara koi graahak tumhe pasand aa gayi hai?

Mrinali kuch nahi boli aur uske taraf dhekhti rahi. Aur phir se ek sanaata cha gaya. Phir woh cheekh kar boli..

MRINALI: I don’t have any feelings for you. Do you get that in your head you Fucker. Do you know what… Main jaise hoon woh hoon. Mujhe laga koi toh hai jo ki mujhe chahata hai, joki mere jaisa nahi hai aur mujh jaise ko apne zindagi mein apnaane ke liye tayaar hai.

MANISH: wohi toh tha par uske baad yeh sab hua toh main kya karta? Am I at fault? Tumhare liye maine yeh sab kiya. Do you get this in your head ? kya…kya galat kiya? Ab tum kahti hoh ki you don’t …. Mane what the Fuck?

Woh bister par baith gaya.

MRINALI: Jabse Manish tumne apne mein yeh … yeh change laya ho mujhe lagne laga hai ki meri zindagi phir se innhi galiyaaron mein na gujre. Par tumhare wajah se phir se lag raha hai ki main yehin raha jaaongi. Kyun? Kyun kiya tumne? Maine jo sapne dhekhe the uski tumne laga di hai ….batti

MANISH: Maine..?

MRINALI: woh tumhara baahon mein lena . Tumhara woh chumna sab kuch jaise kho sa gaya hai. Yeh choro ek jo umeed jagi thi tumhare saath pehle sab kuch khatam ho gaya hai.

MANISH: Samaj gaya main. Tumne mujse pyaar nahi mere ladke hone par pyaar kiya tha. Wow! That’s great. Matlab ab main ladka nahi raha toh sab pyaar khatam? Waaah! Mrinali waah! kuch nahi hai humare beach ab kyun? pata hai kya mujhe tum par nahi apne par gussa aa raha hai. I am Fucked from every side.

Manish yeh bolkar kamre ke bahar nikal jata hai, aur bahar jakar rone lagta hai. Ek hijre ne usse dhek kar poocha

HIJRA: Eh! kyun rota hai be?

Manish ne rote huye saari baat keh daali uuse aur phir thodi der mein chala gaya wahan se. Agle din issi hijre ne dhekha ki Manish ek gali ke ek kone mein khada hai aur ek kutte ko dhekh kar soch mein dooba hua hai.

HIJRA: oye Rati kya kar raha hai?Manish ne uske taraf dhekha aur kaha

MANISH: Rati?

HIJRA: Tu aur kaun. Aaj se tera naam Manish nahin Rati. Peechli zindagi bhool ja mere bachche. Aur naam bhi bhool ja. Nayi zindagi shuru kar. Chal mere saath.

DIWALI KI USS RAAT!

Ravikant Deshpandey ek electrical engineer tha. Jo ki Diwali par apne ghar Banaras Bangalore se chutthiyon par aaya tha. Ravikant ke ghar mein uske maa baap ke ilaawa uske do bade bhai aur ek chothi behan the. Aaj diwali hai. Har koi bum patake chala raha tha. Rangoli saja raha tha.Har ghar har gali dhulhan jaisi saji hui thi. Issi beech Ravikant ke mobile ki ghanti baji. Haan bhai! kahan ho aaj kal. Suna Bangalore se chutthiyan manane aa ye ho? Toh bhai aa jao ghar pe hamaare, baith te aaj. Diwali bhi hai, pataake phoredenge bhi aur taadenge bhi. Kya khayal hai?. Ravikant ne bola bahut hi nek khayal hai. Ghar mein puja hai.Uske baad aate hain.



Anshul ke ghar mehfil jami hui thi jab Ravikant pahuncha. Toh Ravikant bhi haath mein sharab ka glass lekar baith gaya. Patte khelega? Anshul ne poocha. Ravikant ne kaha nahi yaar in sab mein nahi padta hoon. Juaa wagera nahi kheltha hoon. Anant bol pada toh khelte kya hain aap aaj kal?... Sab khelne mein mast aur hamare bhaisahab peene mein mast. Toh Anshul phir bola aur Bangalore ke kya haal chaal hai. Kuch kiya ya abhi bhi ….ha ha! Nahi woh… Ravikant ek aur peg banaate hue bola tabhi Sunil bol pada tu kya abhi bhi ussi ladki ke khyalo mein khoya hua hai? Khair in baataon ke beech raat katti gayi daaru chadhti gayi aur bum pataako ki awaaz ghat ti gayi.

Ravikant ne ghadi dhekha toh raat ke teen baj gaye the. Usne bola bhai log main chalta hoon . Anant bol pada chal main bhi chalta hoon. Tujhe chor doonga. Anant ne gaadi roki aur kaha ki yaar bidi lena to bhool gaya. Khatham bhi hogayi hai. Ravikant bola chal paas mein hi panwari ka dukaan hai leke aata hoon. Kaunsi piyega? Anant ne bola tu kya pita hai toh Ravikant bol pada Navy Cut. Haan thik hai phir ek packet utha le. Ravikant pahuncha panwari ki dukaan par woh bandh tha. Tabhi ek aadmi ne bola aapko kya chahiye sahaab? toh Ravikant bola woh cigarettes chahiye the … toh us aadmi ne kaha aap peeche ke gali mein chale jaiye aapko mil jayega. Toh Ravikant dukaan ke peeche ek gali mein ghus gaya. Khaafi andhera tha. Patli si gali thi. Ek duur kisi ghar pe ek bulb tim tima raha tha. Paas ke chabootre par ek budda sadhu leta hua tha aur aapne mein bol raha tha.

‘Aaj bhai raat bhar
bali chadega ghaat par.
Chamgadar ki sabaah mein
Mauth naachega lalaat par’

Ravikant thoda sa saham gaya par aage badta raha. Anant ko issi beech aankh lag gayi woh so gaya gaadi mein Ravikant ke intezaar mein. Achanak se uski aankh khuli aur woh dhekta hai ki Ravikant aabh bhi aaya nahi. Woh usse dhoone laga. Udhar dhekha subha ke chaar baj rahe the. Aadhe ghante ke upar ho gaya tha. Anant ko chinta hone lagi par woh karta kya. Aas paas koi nazar nahi aa raha tha. Mobile pe phone kiya par who bhi bandh tha. Agle chaar paanch din Ravikant ke gharwaale paagalon ki tarah kabhi idhar kabhi udhar usko dhoonne lage. Police bhi dhoone lage par kuch bhi haath nahi laga. Hafte ke hafte mahine ke mahine guzar gaye par Ravikant ka koi thikhana nahi. Uske gharwale ne haal chhor diya tha uske wapas aane ka. Har Diwali ke din uski maa sochti ki ab aa jayega par aisa kuch nahi hota. Dhekte dhekte chaar saal guzar gaye.

Aaj Lalita ki shaadi hai. Ravikant ki chothi behen. Ghar par kusshiyon ke saath kahin ek gum bhi chupha tha. Ravikant ka nahi hone ka. Kyunki Ravikant ke baad hi Lalita sabse chothi thi ghar mein to Ravikant ki jyada kareeb bhi thi.Lalita ki shaadi ho gayi woh apne sasuraal Kanpur chali gayi. Lalita ke sasuralwaale nayi dhulhaa aur dhulhan ko lekar haridhwaar chale gaye thirth yatra mein.Lalita ek shaam ghaat pe bhaithi thi ki achaanak se kisi ne peeche se bola laali. Lalita ne ghoom kar dhekha ek aadmi jiske badan mein fati kameez hai. Muuh suja hua hai. Nange paar hai jisse khi khoon baha ra hai. kada hai. Woh pehachaan gayi aur boli bhaiya! tum? Ravikant bola abhi khuch mat pooch mujhe yahan se le chal khuch logon se nazar bajake aa ya hoon. Kahin chupha de. Who girgirane laga. Par kyun bhaiya? Ravikant ne poocha tujhe jo keha raha hoon karegi ya main phir jaoon? Lalita samaj nahi para rahi thi ki kya kare woh? Usne apne pati se kaha. Uske pati ne Ravikant ko lekar paas ke ek dharamshaala mein rukwa diya. Agle din subha Lalita aur uska pati isse milne aaye.

Ravikant bahut samaha hua tha. Lalita ko phir se dhekh kar Ravikant rone laga. Lalita bhi rok nahi paayee apne aap ko who bhi rone lagi. Lalita ke pati Aakash ne poocha bhaisaahab kya hua tha? Kaha the aap itne dino se? Ravikant uth kada hua aur khirki ke taraf jake khada hoke ghaat ke taraf mooh kar liya. Pure kamre mein ek sanatta tha. Thodi der baad Ravikant ne bolna shuru kiya.

Banglore mein jab main parikshaye khatam karke Banaras aane ke pehle mere college mein elections ke natije nikle main student union ka adhayaksh ban gaya tha. Dusre guth ke logon ko yeh shayaad pasand nahi aaya. Unke saath ek din mera haatha paayi bhi hoga ya. Us hatha paayi mein maine galti se unke kisi aadmi ko chaku mar diya. Pakde jaane ke daar se main Banaras aa gaya. Kisi ko khabar kare bina. Aur Diwali bhi thi toh ghar walon ko bhi shak nahi hua. Par us din main aapne dost ke ghar se laut raha tha, raat ke teen baje. Toh cigarette karidne ke liye main ek gali mein ghus gaya. Achanak kisi ne mujhe waar kiya peeche se. Main behosh ho gaya. Do din baad hosh aaya toh aapne ko ek kamre mein jo ki pata nahi koi godown jaisa jagah tha. Aur main kursi se bandha hua tha. Woh log mera peecha karte huye Bangalore se Banaras tak aa gaye the. Mujhe maar te the. Karaake ki thand mein nanga bandan rakhte the. Tabhi Lalita ne kaha yeh gol gol ghao jaisa kya hai tumahare shareer mein? Toh Ravikant thoda muskurake bola cigarette ko mere badan pe pine ke baad bhujhaate the. Aise kai mahine chalte raha mere saath. Injection se nashile dawai mere mein dalte the. Main jyadatar samay behosh hi rahata tha. Ek baar khaana milta tha. Kyunki unko mujhe zinda toh rakhna tha tadpaane ke liye. Uske baad mujhe ek din train ke patriyon par behoshi ke halath mein chor diya. Woh toh ganimat tha kisi ne dhekh liya aur mujhe bachaa liya. Mujhe pata chala ki main Jhanghai namak koi jagah mein hoon.

Do teen cup chaaye aur khuch matrhri uus kamre mein Lalita ke pati leke aaye. Shaam ho gayithi. Phir se sanaatta chaah gaya. Ghaat pe nadiyon mein baha rahi diyo ki roshni kamre mein aa rahi thi. Lalita ne kaha uske baad kya hua? Ravikant chaye pite huye phir bola do char din toh main phir uske ghar rahne laga jisne mujhe bachaya tha. Par dil nahi maan raha tha . ki un logon ko aise hi jaane doon. Maine phir wahan se bhaag gaya aur Banaras chala gaya. Par ek cheez mujhe taklif de rahi thi woh nashili dawai. Uski aab lat pad gayi thi mujhe. Main Banaras mein hi idhar udhar bhatak raha tha bus uus nashile dawa ke liye.Lalita aur Aakash dono chup chap sun rahe the. Ravikant ne bola are! tum logo ki chaaye thandi ho gayi hai? Lalita ne bola uske baad kya hua? Ravikant ek lambi saans chor ke bola sach bataaon mujhe ghar aane ka bhi himmat nahi ho raha tha. Ek raat maine train pakdi aur Jhanghai wapas chala gaya.Ek raat aise hi Jhanghai railway station ke paas leta hua tha. Toh ek aadmi ne aakar poocha maal chahiye kya. Main ekdunm se bola haan. Hain tumhare paas? Usne bola haan usne mujhe bola yeh lo. Usko lekar jaise mere jaan mein jaan aayi. Usne bola aur bhi chahiye toh kal station ke peeche aake milo.

Station ke peeche ek patli si sadak hai. us sadak ke khatham hote hi ek chai ka dukaan hai. waha ye aadmi phir se mila. Usne mujhe ek aadmi se milaya. Yeh aadmi ek gunda tha. Usne bola mere liye kaam karega toh paise ke saath yeh bhi milega. Maine socha acha hai nasha bhi karne ko milega, paisa bhi aur inke saath raha kar badla bhi le paonga. Yehi soch kar main ne haan bhar di. Yeh bol kar Ravikant phir chup ho gaya. Aakash ne poocha phir? Phir kya maine naya kaam shuru kia. Yeh bolkar zor zor se who hasne laga. Kabhi loot mar kabhi khoon karaba. Kitne logon ke khoon se mera haath ranga hua hai mujhe nahi pata. Aur Ravikant phir se ro pada. Lalita ne kaha uske baad kya hua. Uske baad main wapas Bangalore chala gaya. Un logon ko dhoond nikala jinohone meri yeh halath kit hi. maine unko bhi mar dala. Kya kahoon Laali us samay aur kuch nazar nahi aaya mujhe. Main puri tarah se behosh tha hosh mein. Dimaag kahin aur chalta hi nahi tha. Main socha chor char ke bhaag jata hoon. Bus train mein bhaith gaya. Kabhi is coach mein toh kabhi dusre coach mein. TT se nazare chuphate hue. Mujhe Jhangai mein dhund rahe the mere gang waale. Jab train haridwaar mein ruka toh main utar gaya. Kal tujhe jab shaam ko ghaat mein dhekha toh main raha nahi paya. Teri shaadi ho gayi thi iska bhi khabar mila tha mujhe par main kya karta?

Lalita ne Ravikant ko Banaras ghar bhej diya. Ghar walon ne jab Ravikant ko dhekha to khuch nahi kaha. Sab khuch jaise tham sa gaya tha. Ravikant ke bhai ne haal chaal poocha. Ravikant chup tha. Phir usne saari baat phir se kahi apne bade bhai ko. Ravikant ke bade bhai Ramakant ne bola theek hai tu ghar aagya hai wohi bahut hai. Tujhe aab darne ki koi zaroorat nahi. Ab nayi tarike se sab shuru kar. Kal se mere dukaan par bhaithana theek hai. Ravikant ko jaise jaan mein jaan aayi.

Paanch mahine kat chuke the Ravikant dukaan pe bhaita tha par andar se uska mann nahi manta tha. Uske dimaag mein abhi bhi wahi khoon kharaba ladai jhagra bhaitha hua tha.Use pata hai ki woh sab theek nahi isiliye toh bhag aaya tha par…. Koshish karne ke baad bhi woh yeh khaayal dimag se nahi nikaal paa raha tha. ghar pe bhi tik nahi pa raha tha. Uske mann jaise aast wast tha. jaise uski peechli zindagi peecha hi nahi chor rahi thi. Woh phir se sochne laga ki kya karoon.Yeh zindagi jaise ajeeb si tham si gayi hai…. Phir se Diwali aayi sab jagah roshni thi. Diye jal rahe the par yeh diwali aage wali diwaliyon se aalg thi. Aaj Ravikant aaya hua tha mithaiyaan ghar pe aur aas paas ke logon mein bat rahi thi. Sab ghar waale khush the. Ek ko chor kar. Ravikant. Diwali ki raat jab sab so gaye. Raat badhti gayi pathaako ki gunj ghathi gayi Usne apna boria bistara bhandhkar wapas station ki taraf chal diya apni duniya mein. chala gaya Jhanghai.